ཀྲུང་གོའི་བོད་ལྗོངས་དྲ་བ། > ཁྲིམས་ལུགས། > གསར་ཤོས།

ལྷུན་གྲུབ་ཤེས་རབ་ཀྱིས་གྲོང་ཚོའི་མ་དངུལ་རང་དགར་ཉར་བས…

སྤེལ་དུས 2021-12-29 ཡོང་ཁུངས། བོད་ལྗོངས་ཉིན་ཚགས། རྩོམ་པ་པོ།
            ཉིན་ཤས་གོང་། ལྷ་ས་གྲོང་ཁྱེར་འདམ་གཞུང་རྫོང་སྒྲིག་ཨུད་ལྟ་ཞིབ་ཨུ་ལྷན་གྱིས་འདམ་གཞུང་རྫོང་སྙིང་གྲོང་ཤང་སྟོད་གླིང་གྲོང་ཚོའི་ཏང་ཨུད་ཀྱི་དེ་སྔའི་ཧྲུའུ་ཅི་ལྷུན་གྲུབ་ཤེས་རབ་ཀྱི་སྒྲིག་འགལ་ཁྲིམས་འགལ་གྱི་གནད་དོན་ཚབས་ཆེན་ལ་གྱོད་ཐོ་བཀོད་ནས་ཞིབ་བཤེར་བརྟག་དཔྱད་བྱས་པ་རེད།
            བརྟག་དཔྱད་བྱས་པ་བརྒྱུད། ལྷུན་གྲུབ་ཤེས་རབ་ཀྱི་ཕུགས་བསམ་དང་དད་སེམས་ཉམས་པ་དང་། ཐོག་མའི་བསམ་འདུན་དང་འགན་འཁྲི་རྒྱབ་ཏུ་བསྐྱུར་བ། གོ་གནས་ཀྱི་སྟབས་བདེ་སྤྱད་དེ་གཞུང་ཁོངས་རྒྱུ་ནོར་དང་མཉམ་སྡེབ་མ་དངུལ་སྒེར་གྱི་དངུལ་ཁུག་ལ་བརྩིས་པ་དང་ས་ཆ་བསྡུས་པའི་ཁ་གསབ་དང་། མཉམ་ལས་ཁང་གི་འཁོར་རྒྱུག་མ་དངུལ། གྲོང་གསེབ་ཀྱི་མཉམ་སྡེབ་མ་དངུལ་བཅས་བདག་གིར་བཟུང་ནས་བེད་སྤྱོད་བྱས་ཡོད། ལྷུན་གྲུབ་ཤེས་རབ་ཀྱིས་རྒྱལ་ཁབ་ཀྱི་བཅའ་ཁྲིམས་དང་ཁྲིམས་སྲོལ་ལས་འགལ་བ་མ་ཟད། གཞུང་དངུལ་སྒེར་སྤྱོད་ཀྱི་ཉེས་པ་དང་མ་དངུལ་སྒེར་སྤྱོད་ཀྱི་ཉེས་པ་བསགས་ཡོད། དེས་མ་ཟད། ཏང་གི་ཚོགས་ཆེན་བཅུ་དགུ་པ་འཚོགས་རྗེས་སུའང་ངོ་ཚ་ཞེ་ཁྲེལ་མེད་པ་དང་། ཚོད་མི་བྱེད་པ། ངོ་བོ་དང་གནས་ཚུལ་ཚབས་ཆེན་ཡིན་པར་བརྟེན། 《ཀྲུང་གོ་གུང་ཁྲན་ཏང་སྒྲིག་ཁྲིམས་ཆད་གཅོད་སྲོལ་ཡིག》དང 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ལྟ་ཞིབ་བཅའ་ཁྲིམས》སོགས་ཀྱི་འབྲེལ་ཡོད་གཏན་འབེབས་གཞིར་བཟུང་། འདམ་གཞུང་རྫོང་སྒྲིག་ཨུད་ཀྱི་རྒྱུན་ཨུའི་ཚོགས་འདུའི་ཐོག་ཞིབ་འཇུག་བྱས་པ་དང་འབྲེལ་རྫོང་ཨུད་ལ་སྙན་སེང་ཞུས་ནས་ཆོག་མཆན་ཐོབ་རྗེས། འདམ་གཞུང་རྫོང་སྒྲིག་ཨུད་ཀྱིས་ལྷུན་གྲུབ་ཤེས་རབ་ཏང་གི་སྐྱིད་སྡུག་ནས་ཕྱིར་འབུད་བྱ་རྒྱུ་དང་། ཁོ་པའི་སྒྲིག་འགལ་ཁྲིམས་འགལ་གྱི་ཐོབ་ཆ་ཚང་མ་གཞུང་བཞེས་གཏོང་རྒྱུ། ཉེས་གསོག་གནད་དོན་ཞིབ་དཔྱོད་ལས་ཁུངས་ལ་ཁྲིམས་ལྟར་ཞིབ་བཤེར་ཞུ་གཏུག་རྒྱག་པར་རྩིས་སྤྲོད་རྒྱུ། རྒྱུ་དངོས་ཚང་མ་གྱོད་གཞི་དང་མཉམ་དུ་རྩིས་སྤྲོད་རྒྱུ་བཅས་ཀྱི་གཏན་འབེབས་བྱས་པ་རེད།
རྩོམ་སྒྲིག་པ། བདེ་སྒྲོན།