ཉིན་6གི་རིང་འཚོལ་སྐྱོབ་བྱས་པ་བརྒྱུད། “3·21”ཤར་ཕྱོགས་མཁའ་འགྲུལ་ཀུང་སིའིMU5735གནམ་གྲུའི་དོན་རྐྱེན་རྒྱལ་ཁབ་འཕྲལ་བསྟུན་ཐག་གཅོད་བཀོད་འདོམས་པུའུ་ཡིས་སྤྱི་ཚེས26ཉིན་གྱི་དགོང་མོ་ཁྱབ་བསྒྲགས་་བྱས་པ་ལྟར་ན། ཤར་ཕྱོགས་མཁའ་འགྲུལ་ཀུང་སིའི་གནམ་གྲུMU5735ཐོག་ཡོད་པའི་སྐུ་མགྲོན123དང་གནམ་གྲུའི་ལས་དོན་མི་སྣ9ཚང་མ་རྐྱེན་ལམ་དུ་ཤོར་ཡོད་པ་རེད།
སྤྱི་ཟླ་3ཚེས་26ཉིན་ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་གསར་འགོད་པས་ཤར་ཕྱོགས་མཁའ་འགྲུལ་ཀུང་སིའི་གནམ་གྲུ་ལྷུང་བའི་དོན་རྐྱེན་བྱུང་ཡུལ་གྱི་ལྟེ་གནས་ནས་གནས་ཚུལ་སྤེལ་བ་ལྟར་ན།གནམ་གྲུ་ལྷུང་ཡུལ་གྱི་ཉེ་འགྲམ་དུ་འཚོལ་ཞིབ་ཡང་ཡང་བྱས་པ་བརྒྱུད་ཚེ་སྲོག་གི་རྟགས་མཚན་མེད་པ་གཏན་འཁེལ་བྱུང་ལ།ད་ལྟ་འཕྲུལ་འཁོར་དང་མི་ཐབས་མཐུན་སྦྱོར་གྱི་བྱ་ཐབས་ལ་བརྟེན་ནས་གང་མགྱོགས་ཀྱིས་འཚོལ་སྐྱོབ་བྱེད་བཞིན་ཡོད་པ་རེད། འཚོལ་སྐྱོབ་ཡུལ་དངོས་ཀྱི་འདམ་རྫབ་གཏིང་ཟབ་པས་ལས་སྒྲུབ་བྱེད་པར་འགོག་རྐྱེན་ཆེན་པོ་བཟོས་ཡོད། མེ་གསོད་འཚོལ་སྐྱོབ་ལས་དོན་མི་སྣས་འཕྲུལ་ཆས་ཆེ་གྲས་ལ་བརྟེན་ནས་འདམ་རྫབ་ལས་དངོས་དཔང་འཚོལ་གྱིན་པ་དང་།བཙལ་འཚོལ་བྱས་རྗེས་ཀྱི་འདམ་རྫབ་ཡང་གཅིག་སྡུད་ཁུལ་དུ་དབོར་ནས་ཡང་བསྐྱར་དངོས་དཔང་བཙལ་འཚོལ་བྱེད་བཞིན་པ་རེད།
ཡུལ་དངོས་ནས་དངོས་རྫས་གསར་པ་ག་ཚོད་རྙེད་ཡོད་དམ་ཞེ་ན། ཀོང་ཤིས་ཝུའུ་ཀྲོའུ་གྲོང་ཁྱེར་གྱི་གྲོང་སྤྱི་གཞོན་པ་སྤྱི་བདེ་ཅུས་ཀྱི་ཅུས་ཀྲང་ལའོ་ཀའོ་ཅིན་གྱིས་ངོ་སྤྲོད་བྱས་པར་ལྟར་ན།གནམ་གྲུ་ལྷུང་ཡུལ་ལ་རྩད་ཞིབ་དང་ས་ངོས་སུ་ཁྱོན་ཡོངས་ནས་ཐེངས་གསུམ་ལ་་འཚོལ་ཞིབ་བྱས་པ་བརྒྱུད།སྤྱི་ཚེས་25ཉིན་གྱི་ཆུ་ཚོད་15བར་མཛུབ་རིས18ལ་བརྟག་དཔྱད་བྱེད་རྫས་དང་དངོས་རྫས་101རྙེད་ཡོད་པ་རེད། ཀྲུའུ་ཐའོ་ཡིས་ང་ཚོས་ནམ་ཡང་མི་རྣམས་འཚོལ་སྐྱོབ་ལ་འབད་བརྩོན་བྱེད་བཞིན་ཡོད་ཅེས་བརྗོད།
མའོ་ཡན་ཧྥུང་གིས་ངོ་སྤྲོད་བྱས་པ་ལྟར་ན།སྤྱི་ཚེས་24ཉིན་ཡོངས་བསྒྲགས་བྱས་པའི་གནམ་གྲུའི་ལྷུང་རོ་ཆེ་གྲས་ལས་གཞན། སྤྱི་ཚེས་25ཉིན་གནམ་གྲུ་ལྷུང་གནས་ལས་སྒུལ་བྱེད་འཕྲུལ་འཁོར་གྱི་སོ་འཁོར་དང་གནམ་གྲུའི་འབབ་འཕུར་འཁོར་ལོ་གཙོ་བོའི (发动机齿轮箱和飞机主起落架)ཆག་རོ་གསར་རྙེད་བྱུང་ཡོད་པ་རེད།
ཀྲུའུ་ཐའོ་ཡིས།མིག་སྔར་འཚོལ་སྐྱོབ་ནི་སྔར་བཞིན་ལས་ཀའི་ནང་གི་གཙོ་བོ་ཡིན་ལ། མིག་སྔའི་བར་དུ།འཕྲལ་བསྟུན་ཐག་གཅོད་བཀོད་འདོམས་པུའུ་ཡིས་ཁྱོན་མི་ཐེངས་7000ལྷག་དང་།རླངས་འཁོར་200ལྷག ཐད་འཕུར་གནམ་གྲུ་5དང་བཙལ་འཚོལ་རོགས་སྐྱོབ་སྒྲིག་ཆས་ཁག་གཅིག་བཅས་འཚོལ་སྐྱོབ་ལ་བཏང་ཟིན་ཞེས་བརྗོད།
རྐྱེན་ལམ་དུ་ཤོར་བའི་མི་སྣའི་ཐོབ་ཐང་ངོས་འཛིན་དང་DNAཞིབ་དཔྱད་ཚད་ལེན་གྱི་འཕེལ་རིམ་གང་འདྲ་ཡིན་ནམ། ལའོ་ཀའོ་ཅིན་གྱིས་སྤྱི་བདེ་པུའི་ཆེད་མཁས་ཚོགས་པའི་བཀོད་འདོམས་གཅིག་གྱུར་འོག་སྤྱི་བདེ་པུའུ་དང་།རང་སྐྱོང་ལྗོངས།གྲོང་ཁྱེར།རྫོང་བཅས་རིམ་བཞིའི་སྤྱི་བདེ་ལས་ཁུངས་ཀྱིས་ཆེད་མཁས་བ་དང་ཉེས་དོན་ལག་རྩལ་མི་སྣ་236ལས་གྲུབ་པའི་ལས་དོན་ཚོགས་ཆུང་34བཙུགས་ནས།སྐྱེ་དངོས་ཀྱི་ཁྱད་ཆོས་དང་ཤུལ་ལུས་དངོས་དཔང་རྩད་ཞིབ་དང་སྐོར་ཞིབ་བཅས་བྱས་ནས།རྐྱེན་ལམ་དུ་ཤོར་བའི་མི་སྣའི་ཐོབ་ཐང་གསལ་འབྱེད་དང་DNAཞིབ་དཔྱད་ཀྱི་ལས་དོན་ཁྱོན་ཡོངས་ནས་སྤེལ་བཞིན་ཡོད་ཅེས་བརྗོད།
