ངལ་རྩོལ་རྩོད་གླེང་འདུམ་འགྲིག་བྱས་པའི་གྲོས་མཐུན་གྱིས་ཕན་གོ་གང་ཆོད།
སྤེལ་དུས 2017-08-30
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ། ནོར་བུས་བསྒྲིགས།
རྨང་གཞིའི་ཐོག་རང་བརྟེན་གྱི་འདོད་ཚུལ་ཐོག་ནས་བཞག་པ་ཡིན་དགོས་པ་དང་། ཕྱོགས་གཉིས་ཀས་འདུམ་འགྲིག་གྲོས་མཐུན་གྱི་ནང་དོན་རེ་རེ་བཞིན་ལ་བསམ་འཆར་གཅིག་མཐུན་ཡིན་དགོས། དེར་བརྟེན་དོ་བདག་གིས་རང་ཉིད་ཀྱི་འདོད་ཚུལ་ལ་བརྩི་འཇོག་བྱས་ནས་རང་འགུལ་ངང་འདུམ་འགྲིག་གི་གྲོས་མཐུན་དོན་འཁྱོལ་བྱ་དགོས།
འོན་ཀྱང་ཡིད་གཟབ་བྱ་དགོས་པ་ཞིག་ལ་འདུམ་གཅོད་ཀྱི་གྲོས་མཐུན་ནི་ཁེ་ལས་ཀྱི་ངལ་རྩོལ་རྩོད་གླེང་བར་འདུམ་ཨུ་ཡོན་ལྷན་ཁང་གི་རོགས་རམ་འོག་བཞག་པ་ཡིན་པས། བཙན་ཐབས་ཀྱིས་ལག་བསྟར་བྱེད་པའི་སྤྱོད་གོ་ཆོད་ནུས་གཏན་ནས་མེད་པ་དེའང་གསལ་པོར་བཤད་ན། དོ་བདག་ཕྱོགས་གཅིག་གིས་འདུམ་འགྲིག་གི་གྲོས་མཐུན་མ་བྱེད་པའི་ཚེ། དོ་བདག་ཕྱོགས་གཅིག་ཤོས་ཀྱིས་འདུམ་གཅོད་བྱེད་པའི་དུས་ཡུན་ནང་འདུམ་གཅོད་བྱེད་རེ་ཞུ་རྒྱུ་ཙམ་ལས་བཙན་ཐབས་ཀྱིས་ལག་བསྟར་བྱེད་རེ་གཏན་ནས་ཞུ་མི་ཆོག