ལྷ་སས་སྒོར་ཁྲི་134རི་བའི་ཐ་མག་རྫུན་མ་མེད་པར་བཟོས་འདུག
སྤེལ་དུས 2020-09-01
ཡོང་ཁུངས། ཁྲིམས་གསལ་མེ་ལོང་།
རྩོམ་པ་པོ།
ཚེས་29ཉིན། ལྷ་ས་གྲོང་ཁྱེར་སྤྱི་བདེ་ཅུས་ཀྱིས་ལྷ་ས་གྲོང་ཁྱེར་རྡོ་ཐ་ཆེད་ཚོང་ཅུས་དང་མཉམ་དུ་མི་དམངས་ཤོག་སྒོར་ཁྲི་134རི་བའི་ཐ་མག་རྫུན་མ་གཅིག་སྡུད་ཐོག་མེད་པར་བཟོས་འདུག
ལྷ་ས་གྲོང་ཁྱེར་སྤྱི་བདེ་ཅུས་དཔལ་འབྱོར་མྱུལ་ཞིབ་ཉིང་ལག་རུ་ཁག་རུ་ཆེན་ལྔ་པའི་རུ་དཔོན་ཝུའུ་ཅང་ཧོ་ཡིས་ངོ་སྤྲོད་བྱས་པར་གཞིགས་ན། འདི་དག་ནི་2018ལོའི་ཟླ་དང་པོའི་ཟླ་སྟོད་ནས་2019ལོའི་ཟླ་12པའི་ཟླ་མཇུག་བར་རྩད་ཆོད་པའི་ཐ་མག་རྗུན་མ་ཤ་སྟག་རེད། ཐ་མག་རྫུན་མ་ཚོང་ས་ཁག་གཅིག་མེད་པར་བཟོས་པ་དང་ཁྲིམས་འགལ་ཉེས་གསོག་པ་4ལ་ཁྲིམས་ལྟར་དུས་བཀག་བཙོན་འཇུག་ལོ་5བྱས་པ་རེད།
ལྷ་ས་གྲོང་ཁྱེར་རྡོ་ཐ་ཆེད་ཚོང་ཅུས་གྱོད་གཞི་ཞིབ་གཅོད་ཁང་གི་འགན་འཁུར་བ་རྣམ་རྒྱལ་གྱིས་ད་ཐེངས་ཀྱི་ཐ་མག་རྫུན་མ་མང་ཆེ་བ་ཁྲོམ་རའི་སིལ་ཚོང་དང་མྱུར་སྐྱེལ་བསྐུར་མ་ནས་རྩད་ཆོད་པ་ཤ་སྟག་ཡིན་ཞིང་། འདི་དག་རྒྱལ་ཁབ་འབྲེལ་ཡོད་སྡེ་ཚན་གྱི་ཆེད་ལས་མི་སྣས་གསལ་འབྱེད་བྱས་པ་བརྒྱུད་ཐ་མག་རྫུན་མ་ཡིན་པ་གཏན་འཁེལ་བྱས་པ་རེད་ཅེས་བཤད།
དེ་སྔ་ཐ་མག་རྫུན་མ་ཚང་མ་མེ་བསྲེགས་གཏོང་གི་ཡོད་མོད། ཡིན་ནའང་། ཁོར་ཡུག་ལ་གནོད་པ་ཆེ་བས། ད་ཐེངས་རྩད་ཆོད་པའི་ཐ་མག་རྫུན་མ་ཚང་མ་ཁེ་ལས་ལ་བསྐྱལ་ནས་གནོད་མེད་ཐག་གཅོད་བྱས་པ་རེད།