ཉེ་ཆར།
ཀྲེ་ཅང་ཐའེ་ཀྲོའུ་ཡི་སྐྱེས་པ་ཞིག
ལམ་འགྲོ་བས་བྱིས་པ་བསླུ་འཚོང་བྱེད་མཁན་རེད་ཅེས་ཉེན་རྟོག་པར་གཏུགས།
དེའི་རྒྱུ་མཚན་ཅི་ཞིག་ཡིན་ནམ།
སུན་ལགས་ནི་ཀྲེ་ཅང་ཐའེ་ཀྲོའུ་ཡི་སྤྱི་སྤྱོད་རླངས་འཁོར་གྱི་ཁ་ལོ་བ་ཞིག་ཡིན།
ཉིན་ཞིག་གི་ཉིན་གུང་།
ཁོང་གིས་ནམ་རྒྱུན་དང་འདྲ་བར་རླངས་འཁོར་གཏོང་བཞིན་ཡོད།
ལམ་ག་གེ་མོར་བརྒྱུད་སྐབས།
ཁོང་ལ་བློ་མི་བདེ་བའི་རྣམ་པ་ཞིག་མཐོང་།
བྱིས་པ་ཞིག་རླངས་འཁོར་བགྲོད་ལམ་ཐོག་ཏུ་ཡོད་ཅིང་།
ཟོག་འདྲེན་རླངས་འཁོར་ཞིག་བྱིས་པའི་འགྲམ་དུ་སླེབས་རྗེས།
གློ་བུར་དུ་བསྡད་བྱུང་།
དེ་ནས་སྐྱེས་པ་ཞིག་རླངས་འཁོར་ལས་མར་བབས་ཏེ།
བྱིས་པ་དེ་རླངས་འཁོར་ནང་དུ་བཞག
“འགྲིག་མ་སོང་། ཕལ་ཆེར་བྱིས་པ་བསླུ་འཚོང་བྱེད་མཁན་ཡིན་སྲིད།”
སུན་ལགས་རླངས་འཁོར་གྱི་རྗེས་སུ་འབྲང་བཞིན་སེམས་ལ་ཐེ་ཚོམ་སྐྱེས།
བསམ་བློ་བཞི་གསུམ་བཅུ་གཉིས་བཏང་རྗེས་ལམ་སེང་རླངས་འཁོར་བསྡད་ནས110ལ་ཁ་པར་བཏང་།
“བློ་མཐུན་ཉེན་རྟོག་པ་ལགས། མི་ཞིག་གིས་བྱིས་པ་ཞིག་བསླུ་ཚོང་བྱས་པ་འདྲ་ཞེས་བཤད།
ཟོག་འདྲེན་རླངས་འཁོར་དེ་ཧ་ཅང་མགྱོགས་པས།
ངས་འཁོར་རྟགས་གསལ་པོ་མཐོང་མ་སོང་ཡང་།
ངའི་རླངས་འཁོར་གྱི་ལམ་བར་ཐོ་འགོད་ཡོ་ཆས་ཀྱིས་པར་བརྒྱབ་ཡོད་ངེས་རེད།
ཁྱེད་ཚོས་མྱུར་དུ་བལྟ་རོགས་མཁྱེན”ཞེས་ཞུས།
མི་དམངས་ཉེན་རྟོག་པས་ཉེན་བརྡ་འབྱོར་རྗེས།
གང་མགྱོགས་ཀྱིས་ཐོ་འགོད་ཡོ་ཆས་ལས་བརྙན་བླངས་ཏེ།
ཟོག་འདྲེན་རླངས་འཁོར་གྱི་ཁ་ལོ་བ་དེ་རྙེད་བྱུང་།
ཞིབ་བསྡུར་ཞིག་བྱས་རྗེས།
མ་གཞི་ནི་གོ་འཛོལ་ཐེངས་གཅིག་རེད།
ཕུ་བོ་ཀྲུའུ་ལགས་ནི་སུན་ལགས་ཀྱིས་བཤད་པའི་ཟོག་འདྲེན་རླངས་འཁོར་གྱི་ཁ་ལོ་བ་དེ་རེད།
ཉིན་དེའི་ཉིན་གུང་།
ཕུ་བོ་ཀྲུའུ་ལགས་ཀྱིས་རླངས་འཁོར་བསྐོར་ནས་ཡུལ་དངོས་ལམ་དུམ་བརྒྱུད་སྐབས།
གྲོགས་པོ་ཆུང་ཆུང་ཞིག་གཞུང་ལམ་ཐོག་ཉེན་ཁ་ཧ་ཅང་ཆེ་བ་མཐོང་།
ཁོང་གིས་རླངས་འཁོར་ཇེ་དལ་དུ་བཏང་ནས་བྱིས་པའི་འགྲམ་དུ་སླེབས་སྐབས།
མ་གཞི་བྱིས་པ་དེ་ནི་རང་ཉིད་ཀྱི་གྲོགས་པོའི་བྱིས་པ་ཡིན་པ་ཤེས།
དེ་ནས་ཁོས་འཕྲལ་མར་རླངས་འཁོར་གཏོང་མཚམས་བཞག་སྟེ།
གྲོགས་པོ་ཆུང་ཆུང་དེ་རླངས་འཁོར་ནང་བཞག་ནས་ཁྱིམ་དུ་བསྐྱལ་བ་ཡིན་ཟེར།
གོ་འཛོལ་མེད་པར་བཟོས་རྗེས།
མི་དམངས་ཉེན་རྟོག་པས་ཀྱང་མྱུར་དུ་སུན་ལགས་ལ་འབྲེལ་གཏུག་བྱས་ཏེ།
དོན་དག་གི་རྒྱུ་འབྲས་གསལ་བོར་བཤད་པ་ན།
སུན་ལགས་ད་གཟོད་སེམས་ལྷོད་ལ་བབས།
ས་གནས་དེ་གའི་སྤྱི་བདེ་ཅུས་ཀྱིས་ཆེད་དུ་རྒན་སུན་ལགས་ལ་གཟེངས་བསྟོད་བྱས།
མི་དམངས་ཉེན་རྟོག་པས།
གཞན་སེམས་ཅན་གྱི་རྒན་སུན་ལགས་ལྟ་བུ་ཁྲི་སྟོང་མང་པོ་ཡོད་པས།
ད་གཟོད་ཚང་མའི་ཐུན་མོང་གི་བདེ་འཇགས་ཡོད་ཅེས་བཤད།
དྲ་གྲོགས་ཚོས་སུན་ལགས་དང་ཕུ་བོ་ཀྲུའུ་ལགས་ནི།
“བྱ་བ་བཟང་པོ་བསྒྲུབ་པའི་ཟོག་འདྲེན་རླངས་འཁོར་གྱི་ཁ་ལོ་བ་དང་།
གཞན་སེམས་ཅན་གྱི་སྤྱི་སྤྱོད་རླངས་འཁོར་གྱི་ཁ་ལོ་བ་ཞིག་སྟེ།
ཁྱེད་ཚོ་ཚང་མ་བསམ་དཀར་ཅན་གྱི་མི་རེད”ཅེས་གཅིག་རྗེས་གཉིས་མཐུད་ངང་བསྔགས་བརྗོད་བྱས།
རྩོམ་སྒྲིག་པ། བདེ་སྒྲོལ།
