ཟླ10པའི་ཚེས10ཉིན།མགོ་ལོག་བོད་རིགས་རང་སྐྱོང་ཁུལ་རྨ་ཆེན་རྫོང་སྤྱི་བདེ་ཅུའུ་ཡིས་དྲ་རྒྱའི་སྟེང་ཁ་ཆད་བཞག་སྟེ་རྡུང་རེས་ཟེར་བའི་ཁྲིམས་འགལ་བྱ་སྤྱོད་ཅིག་མགྱོགས་མྱུར་ངང་ཞིབ་བཤེར་ཐག་གཅོད་བྱས།
ཞིབ་བཤེར་བྱས་པ་བརྒྱུད། 2024ལོའི་ཟླ10པའི་ཚེས5ནས་ཚེས6ཉིན་བར། དབྱང་ཆེ་གེ་མོ་དང་འབྲུག་ཆེ་གེ་མོ། འཇིགས་ཆེ་གེ་མོ། ཚེ་ག་གེ་མོ་བཅས་མི་བཞིས་ལྐོག་ཏུ་གྲོས་མཐུན་བཞག་ནས་ཐད་གཏོང་དུ་འཁྲབ་སྟོན་བྱེད་སྟངས་ལ་བརྟེན་ནས། མོས་པ་ཡོད་མཁན་གྱི་ཡིད་དབང་བཀུག་ནས་ཐོན་རྫས་ཕྱིར་འཚོང་བྱས་ཤིང་། ཐོབ་པའི་ཁེ་སྤོགས་མི་བཞིས་ཆ་སྙོམས་བགོ་བཤའ་རྒྱག་པ་དང་། འཁྲབ་སྟོན་གྱི་ནང་དོན་མི་གཞན་ལ་བཤད་མི་རུང་སྟེ། དེ་མིན་སྒོར་ཁྲི1གི་ཁ་ཆད་དང་འགལ་བའི་སྒོར་ཆད་འཁུར་དགོས་པའི་གྲོས་ཐག་བཅད། གྲོས་མོལ་གྱི་ནང་དོན་གཞིར་བཟུང་སྟེ། མི4པོས་ཐད་གཏོང་བྱེད་སྐབས་སྐད་སྦྲེལ་གྱི་བྱེད་སྟངས་ལ་བརྟེན་ནས་ཕ་རོལ་པོར་དམའ་འབེབས་དང་ཁ་ཆད་བཞག་སྟེ་རྡུང་རེས་རྒྱག་ཟེར་བ་བཅས་བྱས་ནས་ཐད་གཏོང་ལ་ལྟ་མཁན་དང་དང་ཞེན་མི་ཇེ་མང་དུ་བཏང་སྟེ། དོ་ཁུར་བྱེད་པ་དང་ཐད་གཏོང་དུ་ལྟ་མཁན་མི་གྲངས1000ལྷག་ཟིན་ནས་སྤྱི་ཚོགས་ལ་ཤུགས་རྐྱེན་ངན་པ་བཟོས་ཡོད། ཁྲིམས་འགལ་ཁུངས་སྣེ་ཤེས་རྟོགས་བྱུང་རྗེས། མི་དམངས་ཉེན་རྟོག་པས་མགྱོགས་མྱུར་ཐག་གཅོད་བྱས་པར་མ་ཟད། འབྲེལ་ཡོད་དོགས་ཡོད་ཉེས་ཅན4ཡང་བདེ་བླག་ངང་ཚོད་འཛིན་བྱས།《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་སྲུང་དོ་དམ་ཆད་གཅོད་བཅའ་ཁྲིམས》ཀྱི་དོན་ཚན25པའི་གཏན་འཁེལ་གཞིར་བཟུང་སྟེ། རྨ་ཆེན་རྫོང་སྤྱི་བདེ་ཅུའུ་ཡིས་ཁྲིམས་ལྟར་དོགས་ཡོད་ཉེས་ཅན4ལ་སྲིད་འཛིན་བཀག་ཉར་བྱས་པར་མ་ཟད། ད་དུང་སྒོར་ཆད་ཀྱང་བཅད།
རྩོམ་སྒྲིག་པ། མང་ག་མཚོ།
