དཔའ་ལུང་སྤྱི་བདེ་ཡིས་ཤོ་རྒྱག་ཚོགས་པ་ཞིག་གཏོར།

2024ལོའི་ཟླ10པའི་ཚེས31ཉིན། མཚོ་ཤར་གྲོང་ཁྱེར་དཔའ་ལུང་རྫོང་སྤྱི་བདེ་ཅུའུ་ཡིས་སྡེ་ཁག་མང་པོ་དང་མཉམ་འབྲེལ་བྱས་ཏེ། མི་མང་འདུས་ནས་ཤོ་རྒྱག་བཞིན་པའི་ས་གནས་ཤིག་རྩད་ཆོད་ནས་ཡུལ་དངོས་སུ་ཤོ་རྒྱག་མི་སྣ14འཛིན་བཟུང་བྱས་པར་མ་ཟད། ཤོ་རྒྱག་མ་དངུལ་སྒོར་ཁྲི21ཀྱང་རྩད་ཆོད་བྱུང་། 

ཟླ10པའི་ཚེས30ཉིན་གྱི་དགོང་མོར། དཔའ་ལུང་རྫོང་སྤྱི་བདེ་ཅུའུ་ཡི་མི་དམངས་ཉེན་རྟོག་པས་བྱ་བ་སྒྲུབ་སྐབས། མངའ་ཁུལ་གྱི་ཇ་ཁང་ག་གེ་མོའི་ནང་དུ་མི་མང་འདུས་ནས་ཤོ་རྒྱག་བཞིན་ཡོད་པ་ཤེས་རྟོགས་བྱུང་། གནས་ཚུལ་དེ་ཤེས་རྗེས། ཅུའུ་ཏང་ཨུས་ཚད་མཐོའི་མཐོང་ཆེན་བྱས་ཏེ་འཕྲལ་དུ་བདེ་སྲུང་དང་ཉེས་དོན་མྱུལ་ཞིབ། དམིགས་བསལ་སྐོར་ཞིབ། དྲ་རྒྱའི་བདེ་འཇགས་རུ་ཆེན་སོགས་སྡེ་ཁག་སྐོང་འཐེན་བྱས་ནས་ཁུངས་སྣེ་དེར་དབྱེ་ཞིབ་དང་ཞིབ་བརྡར་བྱས་ཤིང་། རྩད་ཞིབ་ཞིབ་ཚགས་དང་རྗེས་འདེད་བྱས་པ་བརྒྱུད། ཇ་ཁང་ག་གེ་མོའི་ནང་སྦས་སྐུང་བྱས་ཡོད་པའི་ཤོ་རྒྱག་ས་གནས་དེ་བདེ་བླག་ངང་རྩད་ཆོད་ཅིང་ཡུལ་དངོས་སུ་ཤོ་རྒྱག་སྣ14འཛིན་བཟུང་བྱས་པ་དང་ཤོ་རྒྱག་མ་དངུལ་སྒོར་ཁྲི21རྩད་ཆོད་པར་མ་ཟད། ཤོ་རྒྱག་ཡོ་བྱད་འགའ་ཡང་གཞུང་བཞེས་བྱས། 

འདྲི་རྩད་བྱས་པ་བརྒྱུད། དོགས་ཡོད་ཉེས་ཅན་ཁྲེན་ཆེ་གེ་མོས་ཤོ་རྒྱག་དང་འབྲེལ་བའི་མི་སྣ13མངའ་ཁུལ་གྱི་ཇ་ཁང་ག་གེ་མོའི་ནང་དུ་རྩེད་ཤོག་ལ་བརྟེན་ནས་ཤོ་བརྒྱབ་པའི་ཉེས་གསོག་གི་དོན་དངོས་སྦ་གསང་མེད་པར་ཁས་ལེན་བྱས། མིག་སྔར། ཁྲེན་ཆེ་གེ་མོ་དཔའ་ལུང་རྫོང་སྤྱི་བདེ་ཅུའུ་ཡིས་ཁྲིམས་ལྟར་ཉེས་དོན་བཀག་ཉར་བྱས་པ་དང་། དེ་ལས་གཞན་པའི་མི13ཁྲིམས་ལྟར་སྲིད་འཛིན་བཀག་ཉར་བྱས་པར་མ་ཟད། ཤོ་རྒྱག་མ་དངུལ་སྒོར་ཁྲི21ཀྱང་གཞུང་བཞེས་བྱས་ཤིང་། གྱོད་དོན་དེ་མུ་མཐུད་དུ་ཐག་གཅོད་བྱེད་བཞིན་པའི་སྒང་རེད།