ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ། ཚོགས་ཆེན་བཅུ་དགུ་པའི་དགོངས་དོན་བགྲོ་གླེང་འཛིན་གྲྭ་སློབ་འགོ་ཚུགས་པ། བོད་སྐྱོད་འབུམ་རམས་པའི་ཞབས་ཞུ་ཚོགས་པས་མུ་མཐུད་རིག་སྟོབས་རོགས་སྐྱོར་བྱས་པ། བོད་ལྗོངས་ཀྱི་གཞོན་ནུ་ལོ་ཆུང་གི་ཚན་རིག་ལས་དོན་ཁང་ཐོག་མ་ལྷ་སར་བཙུགས་པ། བོད་ཀྱིས་རང་སྐྱོང་ལྗོངས་རིམ་པའི་མངོན་མིན་རིག་གནས་ཤུལ་བཞག་རྣམ་གྲངས་བརྒྱ་ལྷག་ཙམ་གསར་དུ་བསྣན་པ། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གིས“ངོ་རིས་བཤེར་ནས་དངུལ་ལེན་པའི”བྱེད་ནུས་བཏོན་པ། ཀྲུང་དབྱང་གི་ཁོར་ཡུག་སྲུང་སྐྱོབ་སྐོར་ཞིབ་རུ་ཁག་ཨང་དྲུག་པས་བོད་ལྗོངས་ལ་གྱོད་དོན་༡༧བརྒྱུད་སྤྱོད་བྱས། བོད་ལྗོངས་ཀྱི་གྲོང་གསེབ་ཀྱི་མི་སྡོད་ཁོར་ཡུག་བཅོས་སྒྲིག་ལ་གྲུབ་འབྲས་མངོན་གསལ་དོད་པོ་ཐོབ་པ། བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་དབུ་བརྙེས་པའི་མཛད་སྒོ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་སྤེལ།
ཀྲུང་གོའི་བོད་ལྗོངས་དྲ་བ། > ཁྲིམས་ལུགས། > བཅའ་ཁྲིམས་ཁྲིམས་སྲོལ།

རྐུ་འཕྲོག་ཉེས་གསོག་གི་ཚབས་ཆེ་ཆུང་ལ་གཞིགས་པའི་ཉེས་ཆད་གཅོད་ཚད།

སྤེལ་དུས 2018-01-12 ཡོང་ཁུངས། བོད་ལྗོངས་ཉིན་རེའི་ཚགས་པར། རྩོམ་པ་པོ། སྒྲོལ་མས་བསྒྲིགས།

          རང་རྒྱལ་གྱི《ཉེས་ཁྲིམས》དོན་ཚན་ཉིས་བརྒྱ་རེ་བཞི་པའི་གཏན་འབེབས་ནང་། གཞུང་དང་མི་སྒེར་གྱི་རྒྱུ་དངོས་རྐུ་འཕྲོག་བྱས་པ་དང་གྲངས་འབོར་ཆེ་བའམ་ཡང་ན་རྐུ་འཕྲོག་ཐེངས་མང་བྱས་པ་དང་། དུད་ཁྱིམ་དུ་འཛུལ་ནས་རྐུ་འཕྲོག་བྱས་པ། མཚོན་ཆ་ཁྱེར་ནས་རྐུ་འཕྲོག་བྱས་པ། མཐེབ་དྲས་རྐུ་རྒྱག་བྱས་རིགས་ལ་ལོ་གསུམ་མན་གྱི་དུས་བཀག་བཙོན་འཇུག་དང་། བཙན་ཉར་ལས་སྐུལ། གཅུན་འདོམས་བཅས་བྱེད་པ་དང་འབྲེལ་དངུལ་ཆད་གཅོད་རྒྱུ། གྲངས་འབོར་ཅུང་ཆེ་བའམ་ཡང་ན་གནས་ཚུལ་ཚབས་ཆེན་གཞན་དག་ཡོད་རིགས་ལ་ལོ་གསུམ་ཡན་དང་ལོ་བཅུ་མན་གྱི་དུས་བཀག་བཙོན་འཇུག་བྱེད་པ་དང་འབྲེལ་དངུལ་ཆད་གཅོད་རྒྱུ། གྲངས་འབོར་ཧ་ཅང་ཆེ་བའམ་ཡང་ན་གནས་ཚུལ་ཧ་ཅང་ཚབས་ཆེན་གཞན་དག་ཡོད་རིགས་ལ་ལོ་བཅུ་ཡན་གྱི་དུས་བཀག་བཙོན་འཇུག་གམ་ཡང་ན་ཚེ་གང་བཙོན་འཇུག་བྱ་རྒྱུ་དང་དངུལ་ཆད་གཅོད་རྒྱུ་མ་ཟད་རྒྱུ་ནོར་ཚང་མ་གཞུང་བཞེས་གཏོང་རྒྱུ་ཡིན་པ་འཁོད་ཡོད།
          ཆེས་མཐོའི་མི་དམངས་ཁྲིམས་ཁང་གིས《རྒྱུན་མཐོང་ཉེས་གསོག་ལ་ཉེས་ཆད་གཅོད་ཚད་སྐོར་གྱི་མཛུབ་ཁྲིད་བསམ་འཆར》ནང་རང་ཉེས་ངོས་ལེན་ཞུ་སྐབས་རང་ཉེས་ངོས་ལེན་ཞུ་བའི་སྐུལ་སློང་དང་། དུས་ཚོད། བྱ་ཐབས། ནག་ཉེས་ཚབས་ཆེ་ཆུང་། ནག་ཉེས་གསོག་པའི་རྒྱུད་རིམ་ཇི་བཞིན་བརྗོད་པའི་ཚད་གཞི། རང་ཉེས་འགྱོད་བཤགས་ཀྱི་རྣམ་འགྱུར་སོགས་ལ་བལྟས་ནས་གཞི་རྩའི་ཉེས་ཆད་ཀྱི་ཚད་གཞིའི་40%མན་ཡང་དུ་གཏོང་ཆོག་ལ། ཉེས་གསོག་ཚབས་ཆེན་པོ་མེད་ཚེ་གཞི་རྩའི་ཉེས་ཆད་ཀྱི་ཚད་གཞིའི་40%ཡན་ནམ་ཡང་ན་ཁྲིམས་ལྟར་ཆད་གཅོད་མེད་པ་བཟོ་ཆོག རྐང་བཙུགས་ནས་རང་ཉེས་ངོས་ལེན་ཞུ་བའི་ཐབས་ལ་བརྟེན་ནས་བཅའ་ཁྲིམས་ཀྱི་ཆད་གཅོད་ལས་གཡོལ་ཐབས་བྱེད་པ་སོགས་ཡིན་ཚེ་ཉེས་ཆད་གུ་ཡངས་གཏོང་རྒྱུ་མིན་པ་བཏོན་ཡོད།
          རྐུ་འཕྲོག་ཉེས་གསོག་དོགས་ཅན་གྱིས་རང་འགུལ་ངང་རང་ཉེས་ངོས་ལེན་ཞུས་ཚེ་ཉེས་ཆད་གཅོད་པའི་ཚད་གཞིར་གཞིགས་ནས་བསམ་གཞིགས་བྱེད་ངེས། ཁྲིམས་ཁང་གིས་གྱོད་གཞི་ཁྲུན་ཐག་གཅོད་སྐབས་ཉེས་བསགས་ཐོག་མ་ཡིན་པ་དང་རང་ཉེས་ངོས་ལེན་ཞུ་བའི་གནས་ཚུལ་ལ་གཞིགས་ནས་ཁྲིམས་དཔོན་གྱིས་ཉེས་གསོག་དོགས་ཅན་ལ་ཁྲིམས་ཐག་ཡང་པོ་གཅོད་པ་ཡིན།