སྨན་བཅོས་འགན་བཅོལ་གྱི་དམངས་ཕན་བྱེད་ཐབས་བཟང་པོ།
མཚོ་སྔོན་ཞིང་ཆེན་གྱི་སྨན་བཅོས་འགན་བཅོལ་གྱི་གློག་རྡུལ་དཔང་ཡིག་དངོས་སུ་བེད་སྤྱོད་བྱེད་འགོ་ཚུགས་པ།
སྤེལ་དུས 2020-06-18
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ།
སྤྱི་ཟླ6པའི་ཚེས15ཉིན། གསར་འགོད་པར་མཚོ་སྔོན་ཞིང་ཆེན་སྨན་བཅོས་འགན་བཅོལ་ཅུད་ནས་ཤེས་རྟོགས་བྱུང་བར། སྤྱི་ཟླ6པའི་ཚེས9ཉིན་ནས་བཟུང་། མཚོ་སྔོན་ཞིང་ཆེན་གྱི་སྨན་བཅོས་འགན་བཅོལ་གྱི་གློག་རྡུལ་དཔང་ཡིག་དེ་མཚོ་སྔོན་ཞིང་ཆེན་མི་དམངས་སྨན་ཁང་བཞི་པ་སོགས་ཞིང་ཆེན་ཡོངས་ཀྱི་གནས་གཏན་འཁེལ་གྱི་སྨན་བཅོས་ལས་ཁུངས10དང་སྨན་རྫས་སིལ་འཚོང་ཁང1000ལྷག་ཏུ་དངོས་སུ་བེད་སྤྱོད་བྱེད་འགོ་ཚུགས་ནས། རྒྱལ་ཡོངས་ཀྱི་སྔོན་དུ་དཔང་ཡིག་སྟོན་ཐེངས་གཅིག་དང་དངུལ་སྤྲོད་བྱེད་སྟངས་གཉིས་མངོན་གྱུར་བྱུང་ཡོད།
མཚོ་སྔོན་ཞིང་ཆེན་ཡོངས་ཀྱི་འགན་བཅོལ་ནང་ཞུགས་པའི་མི་སྣས༼མཚོ་སྔོན་སྨན་བཅོས་འགན་བཅོལAPP༽ཕབ་ལེན་བྱས་ནས་གློག་རྡུལ་དཔང་ཡིག་བེད་སྤྱོད་བཏང་ཆོག་པ།
ཚོད་ལྟ་བྱེད་སའི་སྨན་བཅོས་སྒྲིག་གཞི་དང་སྨན་རྫས་སིལ་འཚོང་ཁང་དུ་ཨང་བཤེར་གཏོང་སྤྲོད་བྱེད་དུས། སྨན་བཅོས་འགན་བཅོལ་གྱི་རྩ་གཉིས་ཨང་བཤེར་བསྟན་ན། མི་སྒེར་གྱི་སྨན་བཅོས་འགན་བཅོལ་རྩིས་ཁྲ་དང་མི་སྒེར་གྱི་དངུལ་སྨར་ལ་བརྟེན་ནས་གཏོང་སྤྲོད་བྱེད་ཆོག་པས། སྨན་བཅོས་འགྲོ་གྲོན་རྩིས་རྒྱག་སྐབས་སྟབས་བདེ་སྐྲུན་པ་དང་། དཔང་ཡིག་གཅིག་པུར་བརྟེན་ནས་བྱང་བུ་མེད་ཀྱང་ནད་བལྟ་ཐུབ་པ་མངོན་གྱུར་བྱུང་ཡོད།
དེ་ཡང་བོད་རིགས་མང་ཚོགས་ཀྱི་དགོས་མཁོར་གཞིགས་ནས། དུས་མཉམ་དུ་བོད་ཡིག་པར་མའི་གློག་རྡུལ་དཔང་ཡིག་ཀྱང་བཏོན་ཡོད་པས། བོད་རིགས་མང་ཚོགས་ནས་སྨན་བཅོས་འགན་བཅོལ་གྱི་གློག་རྡུལ་དཔང་ཡིག་བེད་སྤྱོད་གཏོང་བར་སྟབས་བདེ་སྐྲུན་ཡོད་པ་རེད།
ཤེས་རྟོགས་བྱུང་བར་གཞིགས་ན། མཚོ་སྔོན་ཞིང་ཆེན་གྱི་སྨན་བཅོས་འགན་བཅོལ་གྱི་སྤྱི་པའི་ཞབས་ཞུའི་ནུས་པ་མཐོ་རུ་ཕྱིན་པ་དང་བསྟུན་ནས། སྨན་བཅོས་འགན་བཅོལ་གྱི་གློག་རྡུལ་དཔང་ཡིག་དེ་མི་སྒེར་གྱིས་འགན་བཅོལ་ནང་ཞུགས་པ་དང་གྲོན་དངུལ་འཇལ་བ། སྨན་བཅོས་འགན་བཅོལ་གྱི་འབྲེལ་བ་སྤོ་བསྒྱུར་སྦྲེལ་མཐུད་བྱེད་པ། དེ་བཞིན་ཞིང་ཆེན་བརྒལ་ནས་ཡུལ་གཞན་དུ་སྨན་པར་བརྟེན་ནས་ཐད་ཀར་རྩིས་རྒྱག་པ་སོགས་སྨན་བཅོས་འགན་བཅོལ་གྱི་ཞབས་ཞུའི་ཁྱབ་ཁོངས་སུ་ཡོངས་ཁྱབ་ཐོག་བེད་སྤྱོད་ཐུབ་ནས། མཚོ་སྔོན་ཞིང་ཆེན་ཡོངས་ཀྱི་འགན་བཅོལ་ནང་ཞུགས་པའི་མི་སྣའི་ཐོབ་ཚོར་དང་སྐྱིད་ཚོར། དེ་བཞིན་བདེ་འཇགས་ཚོར་སེམས་བཅས་མཐོ་རུ་གཏོང་རྒྱུ་ཡིན་པ་རེད།