ཟླ8པར《སུམ་པ་ཡེ་ཤེས་དཔལ་འབྱོར་གྱི་གསུང་རྩོམ་ཕྱོགས་སྒྲིག》གི་ཡིག་གཏག་བྱ་བ་ཡོངས་སུ་འགྲུབ་ངེས།

ཤིང་བརྐོས་པར་གཞིའི་སུམ་པ་ཡེ་ཤེས་དཔལ་འབྱོར་གྱི་བརྩམས་ཆོས།

 　　ད་ལོ་ནས་བཟུང་མི་རིགས་ཀྱི་དཔེ་རྙིང་ལེགས་སྒྲིག་བྱ་བར་ཤུགས་སྣོན་ཆེད་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གསེར་ཆེན་རྫོང་བོད་སྐད་ཡིག་བྱ་བའི་ཨུ་ཡོན་ལྷན་ཁང་གིས་བཀོད་སྒྲིག་ཚགས་དམ་པ་བྱས་ནས་མི་རིགས་ཀྱི་དཔེ་རྙིང་ལེགས་སྒྲིག་གི་བྱ་བ་ཧུར་ཐག་གིས་སྒྲུབ་བཞིན་མཆིས།

　　གསེར་ཆེན་རྫོང་བོད་སྐད་ཡིག་བྱ་བའི་ཨུ་ཡོན་ལྷན་ཁང་གིས《སུམ་པ་ཡེ་ཤེས་དཔལ་འབྱོར་གྱི་གསུང་རྩོམ་ཕྱོགས་སྒྲིག》ལེགས་སྒྲིག་པར་སྐྲུན་བྱ་བའི་འགོ་ཁྲིད་ཚན་ཆུང་དང་འབྲེལ་ཡོད་ཀྱི་སྡེ་ཁག་བཙུགས་ཤིང་། 《སུམ་པ་ཡེ་ཤེས་དཔལ་འབྱོར་གྱི་གསུང་རྩོམ་ཕྱོགས་སྒྲིག》ལེགས་སྒྲིག་པར་སྐྲུན་གྱི་འཆར་བཀོད་ཞིབ་འཇུག་གཏན་འབེབ་དང་། གསེར་ཆེན་རྫོང་ནོར་སྲིད་ཅུས་དུས་སྔོན་གྱི་འཚོལ་སྡུད་དང་ལེགས་སྒྲིག་གི་འགྲོ་གྲོན་སྒོར་ཁྲི༢༢བཏང་བས་དཔེ་རྙིང་ལེགས་སྒྲིག་བྱ་བ་བདེ་བླག་ངང་སྤེལ་བར་མཐུན་རྐྱེན་བསྐྲུན་པ་རེད།
　   བྱ་བའི་ཚན་ཆུང་ཡུལ་སོ་སོར་ཕྱིན་ནས་སུམ་པ་ཡེ་ཤེས་དཔལ་འབྱོར་གྱི་བརྩམས་ཆོས་རྟོག་དཔྱོད་དང་འཚོལ་སྡུད་བྱས་ནས་ཤིང་བརྐོས་བརྩམས་ཆོས་པོད༩དང་ཁག༨༩ལག་སོན་བྱུང་ཞིང་། དེའི་ཁྲོད་ནང་བསྟན་དང་། ལོ་རྒྱུས། སྙན་ངག གསོ་རིག སྐར་རྩིས་སོགས་ཀྱི་ཁྱབ་ཁོངས་མང་དུ་འདུས། འཚོལ་སྡུད་བྱས་པའི་བརྩམས་ཆོས་རྣམ་གྲངས་རེ་རེ་བཞིན་བགོས་ནས་ཤིང་བརྐོས་པར་གཞིའི་ཡིག་གཏག་བྱ་བ་སྤེལ་བཞིན་པའི་སྒང་ཡིན་ལ། མིག་སྔའི་བར་དུ་ཡིག་གཏག་བྱ་བའི་སུམ་ཆའི་གཅིག་འགྲུབ་པ་དང་ད་ལོའི་ཟླ8པར་ཡོངས་སུ་ལེགས་འགྲུབ་འབྱུང་ངེས་པ་རེད།