གཤིན་འདྲེ་གསོན་མའི་རང་མདངས།

   དྲན་པའི་ངོས་སུ་ཤེལ་བུམ་གྱི་ཐིང་སྒྲ་དང་།

                            རྒྱ་ལོར་དམར་པོའི་ཤུབས་སྒྲའི་ཁྲོད།
                     རང་དབང་བྲལ་བའི་ཕོ་གསར་ཁྱུ་གཅིག།
                      ཐམ་ཐོམ་གྱི་གོམས་སྟབས་འགྱུར་གྱིན།
                            ཤན་གྲི་དམར་པོ་ལག་ཏུ་ཐོག་སྟེ།

དྲིན་ཆེན་ཕ་མའི་རྔུལ་ཆུ་ལས་གྲུབ་པའི་རང་ཉིད་ཀྱི་ལུས་ཕུང་དོན་མེད་དུ་བསྐྱལ།

རེད་ཨྰ་་་་་གཅིག་བྱས་ན་དེ་ནི་དེང་དུས་ཕོ་གསར་གྱི་སྟག་རྒོད་ལས་ངར་ ཞིང་།

འབྲོང་རྒོད་ཡང་སྐྱི་གཡའ་བའི་འགོག་མེད་ཀྱི་ལང་ཚོའི་དཔལ་སྟོབས་ཡིན་ཤས་ཆེ།
གཅིག་བྱས་ན་གནོག་ཆུང་ཕོ་གསར་གྱིས་གཡར་བའི་ཕྱི་ཚུལ་གྱི་དཔའ་བོ་
ལས་དོན་དམ་དུ་ཁྱི་ངར་ཡིན་ཤས་ཆེ།
གང་ལྟར་ཡང་། སྦི་རག་གི་རྒྱ་མཚོར་དེང་དུས་ཀྱི་རྐྱལ་རྩལ་རྒྱག་བཞིན།
                            ཁ་ནས་འཆལ་གཏམ་སྨྲ་གིན།
       ཐེ་ཚོམ་ཡེ་ནས་མེད་པར་མི་ལུས་ཁེ་དབང་ལ་གནོད་འཚེ་གཏོང་།
              དྲན་པ་གསལ་དུས།          

                                   དྲིན་ཆེན་གྱི་ཕ་མ་དྲན།
                            ཕོ་གསར་གྱི་ང་རོ་རྫོགས།

                     སྐྱོ་ཤས་ཀྱི་ཟློས་གར་འཁྲབ།
                     འགྱོད་སེམས་ཀྱི་མིག་ཆུས་འཇིག་རྟེན་གང་།
                     ལན་ལྕག་བུ་ལོན་རྒྱབ་འཁུར་ལྕི་པོ་འཁུར།
ཨ་ཁ་ཁ་་་ ད་བྱེད་དུས་ ང་ནི་གཤིན་རྗེ་ཆོས་རྒྱལ་གྱི་ཕོ་ཉས་བསུ་བར་བྲེལ་བའི་གཤིན་འདྲེ་དེ་ཡིན་པ་འདྲ།