༄༅།། ཏང་གི་ཚོགས་ཆེན་ཉི་ཤུ་པ་བསུ་བ་ཞུ་བའི་ཤིས་སྨོན།།

ཀྲུང་ཧྭ་ས་གཞིར་རི་ཆུ་ཀླུང་གསུམ་མཛེས།

ཀྲུང་ཧྭ་མི་རིགས་ང་དྲུག་ལྗོན་བཟང་བརྟན།

ཀྲུང་ཧྭ་མི་དམངས་དུང་ཕྱུར་བཅུ་བཞི་ཡིས།

ཏང་གི་ཚོགས་ཆེན་ཉི་ཤུ་བསུ་བ་ཞུ།

རྒྱལ་ས་པེ་ཅིང་ངོ་མཚར་ཡིད་དབང་འཕྲོག

སྐར་ལྔའི་དར་མར་ལྷབ་ལྷུབ་བཀྲག་མདངས་འཚེར།

བློས་བསླང་དམག་གི་གླུ་དབྱངས་སྙན་ཞིང་འཇེབས།

ང་ཚོའི་མེས་རྒྱལ་གཟི་མདངས་བླ་ན་མཐོ།

རླབས་ཆེན་ཏང་གི་སྲོག་ཤིང་ཞི་ཅིན་ཕིང་།

དུས་རབས་གསར་པའི་དམངས་ཀྱི་ཉི་མ་ཡིན།

དབུལ་སྒྲོལ་ནད་རིམས་སྒྲོལ་བའི་དཔའ་བོ་ཆེ།

རྒྱལ་ཁབ་གཙོ་འཛིན་ཆེན་མོ་རྟག་ཏུ་བརྟན།

སྟོབས་འབྱོར་མངའ་ཐང་འཛམ་གླིང་མདུན་གྲལ་བསྐྱོད།

ཚན་རྩལ་རིག་པའི་འཇིག་རྟེན་གཞན་དག་རྟོགས།

རི་ཆུ་ཀླུང་གསུམ་གསེར་རི་དངུལ་ལས་གཅེས།

དུས་རབས་གསར་པར་སྲིད་བཟང་ངོ་མཚར་ཆེ།

ཏང་གི་ཆོས་དད་སྲིད་བཟང་ཉི་མ་ཤར།

རིས་མེད་གྲུབ་མཐའི་སློབ་གཙོ་སྒྲུབ་ཁང་རྗེ།

ཆོས་ལུགས་ཀྲུང་གོ་ཅན་གྱི་ཁྲིད་སྟོན་འོག

མདོ་སྔགས་རིས་མེད་གཙུག་ལག་རྒྱ་མཚོར་མེར།

བོད་ལྗོངས་རིམས་ནད་རྣམ་པར་རྒྱལ་ཉེ་སྐབས།

སློབ་གཙོ་ཆེན་མོའི་སྣེ་ཁྲིད་ཟབ་མོའི་འོག

འདུ་ཤེས་གསུམ་གྱི་སློབ་གསོ་བརྙན་འཕྲིན་བརྒྱུད།

ཤར་གཏོང་བྱས་ཏེ་ཚོགས་ཆེན་ཉི་ཤུ་བསུས།

བཀྲ་ཤིས་རྟགས་བརྒྱད་ལག་ན་ཐོགས་ཏེ་ཚོགས་ཆེན་ཉི་ཤུ་བསུ་བ་ཞུ།

བདེ་ལེགས་སྲིད་པའི་ཁ་བཏགས་དཀར་པོའི་ཚོགས་ཆེན་ཉི་ཤུ་བསུ་བ་ཞུ།

རིས་མེད་གྲུབ་མཐའི་རྣམ་དཔྱོད་སྟོང་གི་ཚོགས་ཆེན་ཉི་ཤུ་བསུ་བ་ཞུ།

འཛམ་གླིང་ཞི་བདེའི་དཔལ་ལ་རོལ་བའི་ཚོགས་ཆེན་ཉི་ཤུ་བསུ་བ་ཞུ།   

         （སྨོན་རྒྱལ་མཁྱེན་རབ་ནམ་མཁའ། བོད་ལྗོངས་ནང་བསྟན་སློབ་ཆེན་གྱི་སློབ་དཔོན།）