ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ། ཚོགས་ཆེན་བཅུ་དགུ་པའི་དགོངས་དོན་བགྲོ་གླེང་འཛིན་གྲྭ་སློབ་འགོ་ཚུགས་པ། བོད་སྐྱོད་འབུམ་རམས་པའི་ཞབས་ཞུ་ཚོགས་པས་མུ་མཐུད་རིག་སྟོབས་རོགས་སྐྱོར་བྱས་པ། བོད་ལྗོངས་ཀྱི་གཞོན་ནུ་ལོ་ཆུང་གི་ཚན་རིག་ལས་དོན་ཁང་ཐོག་མ་ལྷ་སར་བཙུགས་པ། བོད་ཀྱིས་རང་སྐྱོང་ལྗོངས་རིམ་པའི་མངོན་མིན་རིག་གནས་ཤུལ་བཞག་རྣམ་གྲངས་བརྒྱ་ལྷག་ཙམ་གསར་དུ་བསྣན་པ། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གིས“ངོ་རིས་བཤེར་ནས་དངུལ་ལེན་པའི”བྱེད་ནུས་བཏོན་པ། ཀྲུང་དབྱང་གི་ཁོར་ཡུག་སྲུང་སྐྱོབ་སྐོར་ཞིབ་རུ་ཁག་ཨང་དྲུག་པས་བོད་ལྗོངས་ལ་གྱོད་དོན་༡༧བརྒྱུད་སྤྱོད་བྱས། བོད་ལྗོངས་ཀྱི་གྲོང་གསེབ་ཀྱི་མི་སྡོད་ཁོར་ཡུག་བཅོས་སྒྲིག་ལ་གྲུབ་འབྲས་མངོན་གསལ་དོད་པོ་ཐོབ་པ། བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་དབུ་བརྙེས་པའི་མཛད་སྒོ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་སྤེལ།
ཀྲུང་གོའི་བོད་ལྗོངས་དྲ་བ། > རྩོམ་རིག > ལྷུག་རྩོམ།

འབྲོག་ཁྱི་ལ་བོའི་སྐྱོ་མགུར་བདེན་པའི་ཐིགས་པ།

སྤེལ་དུས 2014-08-06 ཡོང་ཁུངས། མཆོད་མེ་དྲ་བ། རྩོམ་པ་པོ། ཁོན་ཐར་གྱིས་བཤུས།

ཟླ་ཚང་དཔལ་མཁར་རྒྱལ།

 ༡

སེང་དཀར་མོ་ཚང་གི་རྒྱུད་བཟང་།

ཁྱུང་བསྡེབས་ཡ་ཅན་གྱི་དཔའ་རྒྱུད།

གནའ་གདོང་དམར་རིགས་ཀྱི་བདག་པོ།

སྟོང་ཁམས་གསུམ་ཟིལ་གནོན་ཟེར་བ།

བསྟོད་ཆེ་བ་བུ་ལོའི་སྨྱུག་འཕྲུལ།

དོན་དམ་པའི་ཁྱི་ནག་དོམ་བུ།

ང་འབྲོག་ཁྱི་ལ་བོ་ཡིན་ནོ།

 ༢

སྤྱང་དར་མའི་འདུར་ལམ་འགོག་མྱོང་།

འབྲོང་བྲེ་ལོའི་བཤར་ལམ་བཅད་མྱོང་།

སྙིང་དམར་པོ་མེ་ལས་ཚ་ཡིན།

དཔའ་རྟུལ་ཕོད་སྟག་མོའི་དོ་ཡ།

ས་ཆེན་པོ་བདག་པོ་བྱས་མྱོང་།

བྷོད་ཚང་ལ་ཞབས་རྟེན་བྱས་མྱོང་།

ང་འབྲོག་ཁྱི་ལ་བོའི་དཔལ་ཡིན།

 ༣

དུས་མི་འགྱུར་མི་ནི་འགྱུར་བ།

འགྱུར་ཆེ་བ་གཤིས་དང་ལུགས་ཡིན།

འབྲོག་ལ་བོའི་དུས་བབ་འགྱུར་ཐལ།

འབྲོག་ལ་བོའི་བསྐལ་བ་འཇིག་ཐལ།

ལྷོ་འཛམ་གླིང་བར་ཐག་རིང་ཐལ།

གངས་དཀར་བོ་འཕྲེང་སེམས་ཆད་ཐལ།

ཆུ་གཙང་མོ་འཐུང་སྐལ་ཚར་ཐལ།  

 ༤

ནུབ་ཡོ་རོབ་གླིང་གི་ཕོ་བྲང་།

བརྗིད་རྔམས་ཀ་གཞལ་ཡས་རང་བྱུང་།

འདས་དུས་རབས་བཅུ་དྲུག་སྟོད་སྨད།

ཁྱི་ལ་བོ་བཤམས་སྟོན་བྱས་ཐལ།

རིགས་བཟང་བོ་གནའ་རྫས་གྱུར་ཐལ།

གླིང་དྲུག་གི་མཐོང་བའི་དགྱེས་སྟོན།

དེབ་གསར་རྙིང་ལོ་རྒྱུས་གྲུབ་ཐལ།

 ༥

དུས་དེང་སང་འབྲོག་ཁྱི་ལ་བོ།

རྒྱུད་ཉམས་པའི་དུས་ངན་གཏུམ་མོ།

ཚེ་འཇིག་པའི་སྙིགས་མའི་བར་དོ།

བོད་ཟེར་བ་རྒྱུ་འབྲས་རླུང་རེད།

རླུང་བསེར་བུ་སྒྱུ་མའི་གར་ཡིན།

ཁྱི་ལ་བོའི་ལོ་རྒྱུས་འཇིག་ཐལ།

ཁྱི་ལ་བོའི་རིག་གནས་བརྐུས་ཐལ།

   ༦

ངའི་བདག་པོས་བདག་ངོ་མི་མཁྱེན།

ངའི་བདག་པོའི་རང་ཚུགས་རྩྭ་རེད།

ངའི་བདག་པོས་གཅེས་འཛིན་མི་ཤེས།

ངའི་བདག་པོ་བས་མཐའི་གློའུ་རེད།

ངའི་བདག་པོས་རིན་ཐང་མི་རྟོགས།

ངའི་བདག་པོའི་རྣམ་དཔྱོད་ལྡོངས་འདུག

ཁྱི་ལ་བོའི་སྐྱོ་མགུར་ཆེ་ཙམ།

གཙང་ཛ་ཧུའི་བུ་མོ་སྐྱེངས་འགྲོ།

 

  འདི་ནི་སྤྱི་ལོ༢༠༡༤ལོའི་ཟླ༡པའི་ཚེས༢༡ཉིན་ལ། གཙང་ལྷོ་ཁའི་འབྲོག་ཕྱོགས་སུ་འབྲོག་ཁྱི་དར་མ་རེར་སྒོར་ཁྲི་གཅིག་དང་ཁྱི་གུ་རེར་སྒོར་སྟོང་གཉིས་ལྷག་ཏུ་འཚོང་་བཞིན་པའི་འཇིག་ཉེན་གྱི་ཉོ་ཚོང་གནས་བབ་དངོས་ལ་གཞིགས་ནས་ཡུལ་སྐོར་ཟིན་བྲིས་སུ་སྐྱོ་མགུར་ཙམ་དུ་བྲིས་པ་ཡིན།