འདི་ནི་ལྷོ་ཁ་གྲོང་ཁྱེར་རླུང་འཕྲིན་བརྙན་འཕྲིན་ལས་ཁུངས་རླུང་འཕྲིན་འཕྲིན་ལམ་གྱི་འཕྲིན་གཏོང་ཁང་ཡིན་པ།
ཟླ་བ་གཅིག་གྲ་སྒྲིག་བྱས་པ་བརྒྱུད། ཉེ་ཆར། ལྷོ་ཁ་གྲོང་ཁྱེར་གྱི་བདེ་ཐང་འཕྲོད་བསྟེན་གྱི་ཚན་རིག་ཁྱབ་གདལ་རིགས་ཀྱི་བརྙན་འཕྲིན་ལེ་ཚན《བདེ་ཐང་སྐོར་ཚང་མས་གླེང་བ》ཞེས་པ་ལྷོ་ཁ་གྲོང་ཁྱེར་རླུང་འཕྲིན་བརྙན་འཕྲིན་ལས་ཁུངས་སུ་དངོས་སུ་བསྟན་པ་རེད།
ཤེས་རྟོགས་བྱུང་བར་གཞིགས་ན། 《བདེ་ཐང་སྐོར་ཚང་མས་གླེང་བ》ཞེས་པའི་ལེ་ཚན་ནང་འདྲི་གླེང་ཆུང་ངུའི་རྣམ་པ་ནས་དབང་གྲགས་ལྡན་པའི་སྨན་བཅོས་རིགས་གཅིག་མཁས་ཅན་འཁྲབ་གཏོང་ཁང་དུ་གདན་དྲངས་ཏེ། གཙོ་བོ་སྨན་བཅོས་འཕྲོད་བསྟེན་བདེ་ཐང་ཀྱི་རྒྱ་ཆེའི་མང་ཚོགས་ཚོའི་ནོར་འཁྲུལ་གྱི་ངོས་འཛིན་དང་རྨོངས་ཁུལ་གྱི་དོགས་གནད་ལ་ལན་རྒྱག་གི་ཡོད་པ་རེད། ལེ་ཚན་དེ་གཟའ་འཁོར་རེའི་རེ་གཟའ་པ་སངས་ཀྱི་དགོང་མོ་ལྷོ་ཁ་གྲོང་ཁྱེར་རླུང་འཕྲིན་བརྙན་འཕྲིན་ལས་ཁུངས་ཀྱི་ཕྱོགས་བསྡུས་འཕྲིན་ལམ་ནས་སྟོན་པ་མ་ཟད།“ལྷོ་ཁའི་གཞུང་ཕྱོགས་སྐད་འཕྲིན”སྤྱི་རྟགས་ནས་ལེ་ཚན་གྱི་བརྙན་ལམ་ནང་དོན་དུས་གཅིག་ཏུ་སྟོན་པ་དང་། ལྷོ་ཁ་གྲོང་ཁྱེར་རླུང་འཕྲིན་བརྙན་འཕྲིན་ལས་ཁུངས་ཀྱི་རླུང་འཕྲིན་འཕྲིན་ལམ་ལའང་རླུང་འཕྲིན་པར་གཞིའི་ལེ་ཚན་དུས་གཅིག་ཏུ་སྟོན་གྱི་ཡོད།
《བདེ་ཐང་སྐོར་ཚང་མས་གླེང་བ》ཞེས་པའི་ལེ་ཚན་ནི་ཧུའུ་པེ་ཞིང་ཆེན་གྱི་བོད་སྐྱོར་ལས་དོན་རུ་ཁག་ཁག་བཅུ་པ་དང་། ཧུའུ་པེ་ཞིང་ཆེན་འཕྲོད་བསྟེན་བདེ་ཐང་ཨུ་ལྷན། ལྷོ་ཁ་གྲོང་ཁྱེར་འཕྲོད་བསྟེན་བདེ་ཐང་ཨུ་ལྷན། ལྷོ་ཁ་གྲོང་ཁྱེར་མ་བུ་བདེ་སྲུང་ཁང་བཅས་ཀྱིས་རྒྱབ་སྐྱོར་བྱས་ནས་གཉེར་བ་ཞིག་ཡིན་ཞིང་། ཧུའུ་པེའི་བོད་སྐྱོར་ལས་བྱེད་པ་ལྷོ་ཁ་གྲོང་ཁྱེར་འཕྲོད་བསྟེན་བདེ་ཐང་ཨུ་ལྷན་གྱི་ཀྲུའུ་རེན་གཞོན་པ་ཀྲང་ཁྲེན་གྱིས། 《བདེ་ཐང་སྐོར་ཚང་མས་གླེང་བ》ཞེས་པའི“ཚང་མ”ནི་དབང་གྲགས་ལྡན་པའི་རིགས་གཅིག་མཁས་ཅན་ལ་ཟེར་བ་དང་། དེར་མཉམ་དུ་ཞུགས་པ་དང་མཉམ་དུ་གཏོད་པའི་དོན་སྙིང་ལྡན་ཡོད། ལེ་ཚན་དེས་ལྷོ་ཁར་ཡོད་པའི་བོད་སྐྱོར་སྨན་བཅོས་རིགས་གཅིག་མཁས་ཅན་གྱི་ཐོན་ཁུངས་སྐོང་འཐེན་གང་ལེགས་ཀྱིས་སྤྱི་ཕན་གྱི་ཚན་རིག་ཁྱབ་གདལ་གཏོང་སྟངས་དང་དེང་རབས་སྤྱི་དམངས་ཀྱི་ཁྱབ་སྤེལ་གཏོང་སྟངས་བརྒྱུད། སྨན་བཅོས་བདེ་ཐང་འཕྲོད་བསྟེན་གྱི་ཤེས་བྱ་ཁྱབ་གདལ་གཏོང་བ་དང་། ཚང་མའི་བདེ་ཐང་གི་འདུ་ཤེས་དང་བྱང་ཚད་མཐོ་རུ་བཏང་སྟེ་ལྷོ་ཁ་གྲོང་ཁྱེར་གྱི་འཕྲོད་བསྟེན་བདེ་ཐང་ཆུ་ཚད་མཐོ་རུ་གཏོང་རྒྱུ་རེད།
རྩོམ་སྒྲིག་པ། མང་ག་མཚོ།
