ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ། ཚོགས་ཆེན་བཅུ་དགུ་པའི་དགོངས་དོན་བགྲོ་གླེང་འཛིན་གྲྭ་སློབ་འགོ་ཚུགས་པ།
ཀྲུང་གོའི་བོད་ལྗོངས་དྲ་བ། > གསོ་རིག > ལུས་ཁམས་བདེ་སྲུང་།

སྙིང་རླུང་ནད་ཀྱི་ཟས་སྤྱོད་སྤང་བླང་།

སྤེལ་དུས 2018-01-23 ཡོང་ཁུངས། མཚོ་སྔོན་བོད་ཡིག་གསར་འགྱུར། རྩོམ་པ་པོ། སྒྲོལ་མས་བསྒྲིགས།
          སྙིང་རླུང་གི་ནད་ནི་དུས་རྒྱུན་འཚོ་བའི་ཁྲོད་མང་དུ་མཐོང་བའི་སྙིང་ནད་ཀྱི་རིགས་གཅིག་དང་། ཡུན་རིང་དུ་ཁ་ཟས་རོ་ཁ་བའི་རིགས་དང་། ནུས་པ་ཡང་རྩུབ་བསིལ་ཆེ་བའི་ཟས་རིགས་བསྟེན་དྲགས་པ། ལྟོ་དང་གཉིད་ཆག་པ། ལྟོ་སྟོང་ལ་དྲག་ཤུལ་གྱི་ལས་བྱས་པ། བསམ་བློ་དང་བརྩེ་དུང་ལ་ཕོག་ཐུག་ཆེན་པོ་བྱུང་བ། ཁ་ཡི་ལས་ཆེ་བ། ཤུགས་བཀག་པ་དང་ངུས་དྲགས་པ། ཁྲག་མང་ཟགས་དང་འཁྲུ་སྐྱུགས་དྲག་པོས་བཏབ་པ་སོགས་རྐྱེན་གྱིས་ལུས་ལ་ལྷན་སྐྱེས་སུ་གནས་པའི་ཉེས་པ་རླུང་གི་བྱེད་ལས་ལོག་ནས་སྙིང་ལ་ཞུགས་ཏེ་རླུང་ཁམས་འཁྲུགས་པའི་དབང་གིས་བྱུང་བ་ཡིན། ལོ་བཞི་བཅུ་ཡས་མས་བྱུང་མང་ལ་ལྷག་ཏུ་བུད་མིད་རྣམས་ལ་འབྱུང་སླ། ནད་འགྱུར་གྱི་རྟགས་ལ་དབུགས་སྣ་ཐུང་བ་དང་སྙིང་འདར་བ། རོ་རྒྱབ་གཟེར་བ། ཤེས་པ་འཁྲུལ་ནས་ཟི་ཐོམ་བྱེད་པ། མགོ་ཡུ་འཁོར་བ། ཁ་ལྕེ་སྐམ་པ། མཚན་གཉིད་ཆུང་བ། རྨི་ལམ་ཟ་ཟི་མང་བ།ཤུ་ཡུ་འདེབས་པ། འཆལ་གཏམ་མང་བ། གནས་གཅིག་ཏུ་སྡོད་མི་ཐུབ་པ་སོགས་མངོན། འབྲེལ་ཡོད་གཞོགས་འདེགས་བརྟག་དཔྱད་བྱས་ཀྱང་ཁྱད་པར་གྱི་ནད་འགྱུར་མེད་པས་ནད་མེད་པར་ངོས་འཛིན་བྱས་ཡོད། འོན་ཀྱང་ནད་པ་རང་ལ་མཚོན་ན་གོང་གི་ནད་རྟགས་གསལ་པོར་ཡོད་པས་སེམས་ཁམས་མི་བདེ་བ་དང་དུས་ཚོད་ལྟར་གསོ་བཅོས་མ་བྱས་པར་ཡུན་རིང་དུ་འགོར་ན་སྲོག་རླུང་དང་སྨྱོ་བྱེད་དུ་འགྱུར་སྲིད།
          དེ་བས་ནད་གཞི་འདིའི་སྔོན་འགོག་ནི་ཤིན་ཏུ་གལ་ཆེ་ལ་དོ་སྣང་བྱེད་དགོས། ཇི་ལྟར་སྔོན་འགོག་བྱེད་དགོས་ཞེས་ན། ནད་འདི་ཉིད་སློང་བའི་རྐྱེན་ཟས་སྤྱོད་ཀྱི་སྤང་བླང་ངེས་དགོས་ཏེ། ཟས་སྤྱོད་ནི་ནད་རིགས་སློང་བའི་རྐྱེན་གཙོ་བོ་ཡིན་ལ་ཡང་དག་པར་བསྟེན་ཤེས་ན་ནད་གཞི་སྔོན་འགོག་གི་ཐབས་ལམ་དང་གསོ་བཅོས་ཀྱི་གཉེན་པོའང་ཡིན་ཕྱིར། འཚོ་བ་ཟས་ཀྱི་ངོ་བོ་ལྕི་ཡང་དང་བསིལ་དྲོད། དུག་ལྡན་དང་མི་འཕྲོད་པའི་ཁ་ཟས་བསྡམ་པ། ཟས་ཚོད་རན་པར་བཟའ་བ། སྤྱོད་ལམ་ལ་དུས་རྒྱུན་གྱི་སྤྱོད་པ་གཉིད་ལོག་པ་སོགས་དང་ནམ་ཟླ་དུས་དྲུག་གི་སྤྱོད་པ། གནས་སྐབས་ཐུགས་འཕྲལ་གྱི་སྤྱོད་པ་ཤུགས་བཀག་བཅུ་གསུམ་སོགས་ཡང་དག་པར་བསྟེན་རྒྱུ་དང་། སྤྱོད་ལམ་ལུས་ངག་ཡིད་གསུམ་གྱི་སྤྱོད་པ་དགེ་བ་བཅུ་བསྟེན་ཞིང་མི་དགེ་བ་སྤང་བ་བཅས་བྱེད་དགོས། འདིར་སྙིང་རླུང་གི་ནད་པར་ཁ་ཟས་སུ་སྣུམ་བཅུད་ཀྱི་རིགས་གཙོ་བོ་འོ་མའི་འབྲས་ཐུག དཀར་ཉོག འཐེན་ཐུག རྩམ་ཁུ། གྲོ་འབྲས། ཤ་འབྲས་ཁུ་བ། གོ་སྙོད་ཤ་ཚོད་སོགས་དྲོ་བཅུད་འཇུ་སླ་བའི་རིགས་བསྟེན་རྒྱུ་དང་། སྐོམ་དུ་འོ་ཇ་དང་ཆུ་བསྐོལ་དྲོད་འཇམ་སོགས་བསྟེན་ན་ལེགས། ཟས་སྐོམ་དུ་སྐྱ་ལ་བསིལ་བ་བཅུད་མིད་ཀྱི་ཁ་ཟས་སྔོ་ཚོད་རིགས་དང་ཇ་འཁྱགས། ཁ་ཧྥེ། ལྦུ་རག་རིགས་སྤང་དགོས། སྤྱོད་ལམ་དུ་ཡུལ་ཟང་ཟིང་མིན་པའི་དབེན་གནས་དང་མུན་ཁུང་དྲོ་བའི་གནས་སུ་གོས་མཐུག་པོས་གཡོགས་ནས་གཉིད་ལོག་པ་དང་ངལ་གསོ་བྱེད་པ། རྩོལ་བཅག་དྲག་ཤུལ་དང་སྨྲ་བརྗོད་མང་བ་སོགས་ལུས་སེམས་འཁྲུགས་པའི་སྤྱོད་ལམ་སྤང་དགོས།