ཁྱིམ་དུ་གསོལ་སྨན་མཆོད་དུས་འདི་དག་ལ་ཡིན་གཅིག་དོ་སྣང་གནང་རོགས།

         ནད་རྟགས་མེད་ན་སྨན་ཟ་མི་རུང་།
         ཚ་བ་གཅོག་སྨན་དང་། ཆམ་པའི་སྨན། གློ་འཇོམས་སྨན། ལུད་པ་གོག་པའི་སྨན་བཅས་ཀྱིས་ན་ཚ་ཡང་དུ་གཏོང་ཐུབ་པ་ལས། ནད་གཞི་སྔོན་འགོག་བྱེད་མི་ཐུབ། དེས་ན་ནད་རྟགས་མེད་ན་སྨན་གང་བྱུང་ཟ་མི་རུང་། 
མ་གཞི་སྨན་མང་པོ་ཞིག་ནི་སྨན་ཐོ་མི་དགོས་པའི་སྨན་ཡིན་མོད། འོན་ཀྱང་གལ་ཏེ་སྨན་གང་བྱུང་དུ་བཟས་ན་མཆིན་པ་དང་མཁལ་མར་གནོད་སྲིད།
         ཚ་བ་གཅོག་སྨན་དང་ཆམ་པའི་མང་སྦྱོར་སྨན（复方感冒药）མཉམ་དུ་ཟ་མི་རུང་།
         ཚ་བ་གཅོག་སྨན་དང་རྒྱུན་དུ་ཟ་བའི་ཆམ་པའི་སྨན་གཉིས་དུས་གཅིག་ཏུ་ཟ་མི་རུང་ལ། ཀྲུང་ལུགས་གསོ་རིག་གི་ཆམ་པའི་སྨན་ཁག་གཅིག་དང་ཡང་མཉམ་དུ་ཟ་རྒྱུ་མེད།
         ཚ་བ་གཅོག་སྨན་མི་འདྲ་བ་མཉམ་དུ་ཟ་མི་རུང་།
         ཏུའེ་དབྱི་ཤན་ཨེན་ཅི་ཧྥེན(对乙酰氨基酚)དང་པུ་ལུའོ་ཧྥུན(布洛芬)གཉིས་ཀ་ཚ་བ་གཅོག་སྨན་ཡིན་པས། མཉམ་དུ་བཟས་ཚེ་དོས་དྲག་རང་བཞིན་གྱི་མཆིན་པའི་ནུས་པ་ཉམས་པའི་ནད་ཕོག་སྲིད།
         སྨན་ཚད་ལས་བརྒལ་བ་ཟ་མི་རུང་།
         སྨན་ཚད་ལས་བརྒལ་བ་བཟས་ཚེ་ནད་གཞི་ཡང་དུ་གཏོང་མི་ཐུབ་ལ་མགྱོགས་པོ་དྲག་པའི་ནུས་པ་ཐོན་མི་སྲིད། དེ་ལས་ལྡོག་སྟེ་མ་འཕྲོད་པ་ཡོང་སྲིད།
         སྨན་ཐེངས་མང་གཏོང་མི་རུང་།
         སྨན་སོ་སོར་ནུས་པ་ཐོན་པའི་དུས་ཡུན་དང་ནུས་པ་ཡོལ་བའི་དུས་ཡུན་མི་གཅིག་པས། སྨན་རྫས་མི་འདྲ་བར་གཞིགས་ནས་སྨན་ཟ་བའི་དུས་ཚོད་ལ་ལྟ་དགོས། ལྷག་པར་དུ་ཚ་བ་གཅོག་སྨན་བཟས་རྗེས། ད་དུང་ཚ་བ་ཤུགས་ཆེན་པོ་རྒྱས་ནས་མ་འཇགས་པ་ཡིན་ན་བསྐྱར་དུ་ཚ་བ་གཅོག་པའི་སྨན་ཐེངས་མང་ཟ་བ་སོགས་བྱེད་མི་རུང་།
         ཚ་བ་གཅོག་སྨན་དང་ཆམ་པའི་སྨན་བཟས་རྗེས་ཆང་རག་འཐུང་མི་རུང་།

         སྨན་གཏོང་རིང་ཆང་རག་བཏུངས་ན་མཆིན་པར་གནོད་ཀྱི་ཡོད། ད་དུང་པུ་ལུའོ་ཧྥུན(布洛芬)གཏོང་སྐབས་ཆང་རག་འཐུང་བ་དང་ཐ་མག་འཐེན་ན་ཕོ་རྒྱུ་ནས་ཁྲག་དོན་པའི་ཉེན་ཁ་ཡོད་པས། གལ་ཏེ་སྨན་པུ་ལུའོ་ཧྥུན་བཟས་པ་ཡིན་ན། ཆང་རག་མི་འཐུང་བ་དང་ཐ་མག་འཐེན་རྒྱུ་མེད།

རྩོམ་སྒྲིག་པ། མང་ག་མཚོ།