དངོས་མཚོན་གློག་བརྙན《ཞི་ཅིན་ཕིང་གི་རྒྱལ་སྐྱོང་མཛད་ཇུས》(འབར་མའི་སྐད་ཀྱི་པར་གཞི)སྟོན་འགོ་ཚུགས་པའི་མཛད་སྒོ་རང་ཀོང་དུ་གཉེར་བ།
སྤེལ་དུས 2020-01-19
ཡོང་ཁུངས། མི་དམངས་ཉིན་རེའི་ཚགས་པར།
རྩོམ་པ་པོ།
རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་འབར་མར་རྒྱལ་དོན་འཚམས་འདྲི་གནང་ཉེར་ཡོད་པའི་སྐབས་སུ་དངོས་མཚོན་གློག་བརྙན《ཞི་ཅིན་ཕིང་གི་རྒྱལ་སྐྱོང་མཛད་ཇུས》(འབར་མའི་སྐད་ཀྱི་པར་གཞི)སྟོན་འགོ་ཚུགས་པའི་མཛད་སྒོ་ཚེས་16ཉིན་འབར་མའི་རང་ཀོང་དུ་གཉེར་བ་རེད།
ད་ཐེངས་ཀྱི་བྱེད་སྒོ་དེ་ཀྲུང་གོ་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་དོན་ཁང་དང་། འབར་མར་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་། འབར་མའི་དྲིལ་བསྒྲགས་པུའུ་བཅས་ཀྱིས་ཐུན་མོང་ཐོག་གཙོ་གཉེར་བྱས་པ་ཞིག་རེད།
ལེའུ་གསུམ་ཡོད་པའི་དངོས་མཚོན་གློག་བརྙན《ཞི་ཅིན་ཕིང་གི་རྒྱལ་སྐྱོང་མཛད་ཇུས》ཞེས་པ་དེ་ཀྲུང་གོ་གླིང་ལྔ་བརྒྱུད་སྤེལ་ལྟེ་གནས་དང་ཨ་རིའི་འཚོལ་ཞིབ་འཕྲིན་ལམ་གྱིས་མཉམ་འབྲེལ་ཐོག་བཟོས་པ་ཞིག་ཡིན་པ་དང་གསོན་ཉམས་དོད་ལ་མི་སེམས་འགུལ་བའི་གཏམ་རྒྱུད་རེ་རེ་ལས་ཞི་ཅིན་ཕིང་གི་རྒྱལ་སྲིད་སྐྱོང་ལུགས་སྐོར་གྱི་ལག་ལེན་དངོས་དང་གྲུབ་འབྲས་རྒྱས་བཤད་གཏིང་ཟབ་བྱས་ཡོད་པ་རེད། གློག་བརྙན་འདི་དེ་གོང་འཚོལ་ཞིབ་འཕྲིན་ལམ་སོགས་རྒྱལ་སྤྱིའི་སྨྱན་སྦྱོར་མང་པོས་བསྟན་མྱོང་བས་ཚུར་སྣང་ལན་ཆ་དྲག་པོ་བྱུང་ཡོད། གློག་བརྙན་དེ་ཚེས་16ནས་18ཉིན་གྱི་དགོང་མོའི་དུས་ཚོད་ཡག་ཤོས་སུ་འབར་མའི་གནམ་དྲ་བརྙན་འཕྲིན་ལས་ཁུངས་ཀྱིས་བསྟན་རྒྱུ་ཡིན་པ་དང་ད་དུང་གློག་བརྙན་དེ་འབར་མའི་རྒྱལ་ཁབ་བརྙན་འཕྲིན་ལས་ཁུངས་སོགས་ས་གནས་དེ་གའི་གཙོ་རྒྱུན་སྨྱན་སྦྱོར་ལས་སྟེགས་སུ་གཅིག་རྗེས་གཉིས་མཐུད་ངང་བསྟན་རྒྱུ་ཡིན་པ་རེད།
མཛད་སྒོར་ཞུགས་མཁན་འབར་མའི་ལས་རིགས་ཁག་གི་འཐུས་མིས་གནས་ཚུལ་དངོས་མཚོན་གློག་བརྙན་དེར་ཚད་མཐོའི་གདེང་འཇོག་བྱེད་ཀྱི་ཡོད་པ་དང་མི་རིང་བར་ཀྲུའུ་ཞི་ཞི་ཅིན་ཕིང་འབར་མར་འཚམས་འདྲི་གནང་བར་ཕེབས་མཁན་ཡིན་པ་དང་རྒྱལ་ཁབ་གཉིས་པོའི་དབར་ཕྱི་འབྲེལ་བཙུགས་ནས་ལོ་ངོ་70འཁོར་བའི་མཚམས་དེར་གློག་བརྙན་དེ་འབར་མར་བསྟན་པར་དོན་སྙིང་གལ་ཆེན་ལྡན་པའི་ངོས་འཛིན་བྱེད་ཀྱི་ཡོད། གནས་ཚུལ་དངོས་མཚོན་གློག་བརྙན་དེ་བརྒྱུད། འབར་མའི་ལས་རིགས་ཁག་གི་མི་སྣས་ཀྲུང་གོའི་འགོ་ཁྲིད་མི་སྣའི་རྒྱལ་སྐྱོང་མཛད་ཇུས་དེ་བས་ལེགས་པའི་སྒོ་ནས་ཤེས་རྟོགས་དང་ཀྲུང་གོའི་འཕེལ་རྒྱས་ཀྱི་ཉམས་མྱོང་ལ་དཔེ་བལྟ་ཐུབ་པ་མ་ཟད། རྒྱལ་ཁབ་གཉིས་པོའི་མཉམ་ལས་ལ་མུ་མཐུད་ཤུགས་སྣོན་རྒྱག་པ་དང་གཉིས་ཁེ་གཉིས་ཕན་ཡོང་བའི་རེ་བ་བྱེད་ཀྱི་ཡོད་པ་རེད།
བྱེད་སྒོ་སྤེལ་ཡུལ་དུ་ད་དུང《དུས་ཚོད་ཀྱི་གཏམ་རྒྱུད—“སྤུན་ཟླའི”བརྩེ་དུང》ཞེས་པའི་གློག་བརྙན་པར་རྒྱག་འགོ་ཚུགས་པའི་མཛད་སྒོ་གཉེར་བ་རེད།
ཟླ་1ཚེས་14ནས་16ཉིན་བར་ཀྲུང་གོ་དང་འབར་མའི་འབྲེལ་ཡོད་སྡེ་ཚན་དང་སྒྲིག་གཞིས་རང་ཀོང་དུ་མཉམ་དུ་དངོས་མཚོན་གློག་བརྙན《ཞི་ཅིན་ཕིང་གི་རྒྱལ་སྐྱོང་མཛད་ཇུས》(འབར་མའི་སྐད་ཀྱི་པར་གཞི)སྟོན་འགོ་ཚུགས་པའི་མཛད་སྒོ་དང་། “དེང་སྐབས་ཀྱི་ཀྲུང་གོ་དང་འཛམ་གླིང—ཀྲུང་གོ་དང་འབར་མའི་ཇུས་འདོན་ཚོགས་པའི་གླེང་མོལ་ཚོགས་འདུ”“ཀྲུང་གོ་དང་འབར་མའི‘སྤུན་ཟླའི’བརྩེ་དུང”གི་པར་རིས་འགྲེམས་སྟོན། ཆེད་དོན་གློག་བརྙན《ང་ཚོ་ལམ་ཆེན་ཐོག་སྐྱོད་བཞིན་ཡོད》(འབར་མའི་སྐད་ཀྱི་པར་གཞི)སྟོན་འགོ་ཚུགས་པའི་མཛད་སྒོ་དང་དཔེ་དེབ་སྤྱི་ཕན་ཞལ་འདེབས་རྒྱག་པ་་སོགས་ཀྱི་བྱེད་སྒོ་རབ་དང་རིམ་པ་གཉེར་ཡོད་པ་རེད།
རྩོམ་སྒྲིག་པ། བདེ་སྒྲོལ།
