ཀྲུང་གོ་ལྕགས་ལམ་ཝུའུ་ཧན་གློག་ཤུགས་ཅན་ཅུས་ཀྱིས་སྐྲུན་འགན་ཁུར་བའི་ཀྲུང་གོ་དང་ལོ་སིའི་ལྕགས་ལམ་རྣམ་གྲངས་གློག་ཤུགས་ཅན་གྱི་ལས་གྲྭ་ཚེས་15ཉིན་དངོས་སུ་སྐྲུན་འགོ་ཚུགས་ཤིང་། འདི་ནི་ཟླ་3ཚེས་15ཉིན་ལོ་སིའི་རྒྱལ་ས་ཝན་ཐེན་བྱང་རྒྱུད་ཀྱི་ཀྲུང་གོ་དང་ལོ་སིའི་ལྕགས་ལམ་རྣམ་གྲངས་སྐྲུན་ཡུལ་དུ་བཟོ་པས་གློག་ཤུགས་ཅན་གྱི་གློག་ཤིང་འཛུགས་བཞིན་པ།
ཚེས་15ཉིན་ཤིན་ཧྭ་གསར་འགྱུར་ཁང་གི་གསར་འགོད་པར་ལོ་ཀྲུང་ལྕགས་ལམ་ཚད་ཡོད་ཀུང་སི་ནས་ཤེས་རྟོགས་བྱུང་བར། ཀྲུང་གོ་ལྕགས་ལམ་ཝུའུ་ཧན་གློག་ཤུགས་ཅན་ཅུས་ཀྱིས་སྐྲུན་འགན་འཁུར་བའི་ཀྲུང་ལོའི་ལྕགས་ལམ་རྣམ་གྲངས་གློག་ཤུགས་ཅན་གྱི་ལས་གྲྭ་ཨར་སྐྲུན་དུས་མཚམས་སུ་སླེབས་ཡོད་པ་རེད།
ཀྲུང་གོ་ལྕགས་ལམ་ཝུའུ་ཧན་གློག་ཤུགས་ཅན་ཅུས་ཀྱི་ཀྲུང་ལོའི་ལྕགས་ལམ་རྣམ་གྲངས་པུས་ཀྲུང་གོ་ལྕགས་ལམ་ཝུའུ་ཧན་གློག་ཤུགས་ཅན་ཅུས་ཀྱིས“ཀྲུང་ལོའི་ལྕགས་ལམ་ཡག་པོ་བསྐྲུན་ནས་རྒྱལ་ཁབ་གཉིས་པོའི་མི་དམངས་ལ་བདེ་སྐྱིད་བསྐྲུན་པའི”དམིགས་ཡུལ་གྱི་དགོངས་དོན་གཞིར་བཟུང་ནས་ཀྲུང་ལོ་རྒྱལ་ཁབ་གཉིས་ཀྱི་མི་དམངས་ལ་བློ་ཡིད་ཚིམ་པའི་རྒྱུགའ་ལན་ཞིག་འབུལ་རྒྱུ་ཡིན་ཞེས་བཤད་པ་རེད།
ཀྲུང་ལོའི་ལྕགས་ལམ་ནི་ཀྲུང་གོའི“རྒྱུད་གཅིག་ལམ་གཅིག”གི་གྲོས་འགོ་དང་ལོ་སིའི“སྐམ་སའི་ནང་ཁུལ་སྒོ་སྟེམས་རྒྱལ་ཁབ་དེ་སྐམ་སའི་ནང་ཁུལ་འབྲེལ་བྱེད་རྒྱལ་ཁབ་ཏུ་འགྱུར་རྒྱུའི”འཐབ་ཇུས་ཀྱི་འབྲེལ་མཐུད་རྣམ་གྲངས་ཤིག་ཡིན་པ་དང་ལོ་སིའི་དུམ་བུའི་བྱང་ནས་ལོ་ཀྲུང་གི་མཐའ་མཚམས་འགག་སྒོ་མོ་ཏིང་བར་དང་ལྷོ་ལོ་སིའི་རྒྱལ་ས་ཝན་ཐེན་བར་ཡིན་པ་དང་སྤྱིའི་རིང་ཚད་སྤྱི་ལེ་414ཡོད་པ་རེད། ལྕགས་ལམ་དེ་ཀྲུང་གོའི་དོ་དམ་ཚད་གཞི་དང་ལག་རྩལ་ཚད་གཞི་གཞིར་བཟུང་བསྐྲུན་པ་ཞིག་ཡིན་པ་དང་ཆུ་ཚོད་རེའི་མྱུར་ཚད་སྤྱི་ལེ་160ཟིན་གྱི་ཡོད་པ་དང་། གློག་ཤུགས་ཅན་གྱི་འགྲུལ་སྐྱེལ་ཟོག་སྐྱེལ་མཉམ་འདྲེས་ཀྱི་ལྕགས་ལམ་ཞིག་ཡིན་པས་ལས་གྲྭ་དེ་2016ལོའི་ཟླ་12པར་ཕྱོགས་ཡོངས་ནས་སྐྲུན་འགོ་ཚུགས་ཏེ་2021ལོའི་ཟླ་12པར་ཤར་གཏོང་ཐུབ་རྒྱུའི་འཆར་གཞི་ཡོད།
རྩོམ་སྒྲིག་པ། བདེ་སྒྲོལ།