དབྱི་ཐ་ལིས་རིག་གནས་ཤུལ་བཞག་ལ་སྲུང་སྐྱོང་དང་ཕྱིར་གྱར་རིག་དངོས་བདག་པོའི་རྒྱལ་ཁབ་ལ་ཕྱིར་སློག་པའི་འགན་འཁྲི་འཁུར་ཕོད་པར་ཚད་མཐོའི་བསྔགས་བརྗོད་བྱེད་ཀྱི་ཡིན།
སྤེལ་དུས 2024-11-15
ཡོང་ཁུངས། ཤིན་ཧྭ་གསར་འགྱུར་ཁང་།
རྩོམ་པ་པོ།
ཤིན་ཧྭ་གསར་འགྱུར་ཁང་པེ་ཅིང་ནས་གློག་འཕྲིན་འབྱོར་གསལ། ཚེས་11ཉིན་ཕྱི་འབྲེལ་པུའི་མགྲིན་ཚབ་པ་ལིན་ཅན་གྱིས་ལོ་མང་རིང་ཕྱི་རྒྱལ་དུ་གྱར་བའི་ཀྲུང་གོའི་རིག་དངོས་སྒྱུ་རྩལ་ཐོན་རྫས་56“ཁྱིམ་དུ་ལོག་པར”ཀྲུང་གོ་ཕྱོགས་ཀྱིས་དགའ་བསུ་ཞུ་རྒྱུ་ཡིན་ལ་དབྱི་ཐ་ལིས་རིག་གནས་ཤུལ་བཞག་ལ་སྲུང་སྐྱོང་དང་ཕྱིར་གྱར་རིག་དངོས་བདག་པོའི་རྒྱལ་ཁབ་ལ་ཕྱིར་སློག་པའི་འགན་འཁྲི་འཁུར་ཕོད་པར་ཚད་མཐོའི་བསྔགས་བརྗོད་བྱེད་ཀྱི་ཡིན་ཞེས་བརྗོད་པ་རེད།
དེ་ཉིན་གྱི་གསར་འགོད་པའི་འཆར་ཅན་ཚོགས་འདུའི་ཐོག་གསར་འགོད་པ་ཞིག་གིས་དྲིས་དོན། ཟླ་11ཚེས་8ཉིན་ཀྲུའུ་ཞི་ཞི་ཅིན་ཕིང་སྟངས་དཔྱལ་གྱིས་དབྱི་ཐ་ལིའི་ཙུང་ཐུང་མྰ་ཐ་ལེ་ལ་དང་བུ་མོ་ལུའོ་ལ་དང་ལྷན་དུ་ཕྱི་རྒྱལ་ནས་ཕྱིར་སློག་པའི་རིག་དངོས་ལ་དཔྱད་ཞིབ་གནང་ཡོད། མགྲིན་ཚབ་པས་དེའི་སྐོར་གྱི་འབྲེལ་ཡོད་གནས་ཚུལ་ངོ་སྤྲོད་བྱས་ན་འགྲིག་གམ། ཀྲུང་དབྱིའི་རིག་དངོས་ཕྱིར་སློག་གི་མཉམ་ལས་ལ་དཔྱད་གཏམ་གང་ཞིག་སྤེལ་རྩིས་ཡོད་དམ།
ལིན་ཅན་གྱིས་ད་ཐེངས་ཀྲུའུ་ཞི་ཞི་ཅིན་ཕིང་སྟངས་དཔྱལ་གྱིས་དབྱི་ཐ་ལིའི་ཙུང་ཐུང་མྰ་ཐ་ལེ་ལ་དང་བུ་མོ་ལུའོ་ལ་དང་ལྷན་དུ་ཕྱི་རྒྱལ་ནས་ཕྱིར་སློག་པའི་རིག་དངོས་ལ་དཔྱད་ཞིབ་གནང་བ་དེ་ནི་2019ལོའི་རྗེས་སུ་རྒྱལ་ཁབ་གཉིས་པོའི་འགོ་ཁྲིད་ཀྱིས་ཀྲུང་དབྱིའི་རིག་དངོས་ཕྱིར་སློག་གི་མཉམ་ལས་གྲུབ་འབྲས་ལ་སླར་ཡང་ལྷན་དུ་དཔང་པོ་གནང་བ་ཞིག་ཡིན་ཞིང་། དེ་ལས་དབྱི་ཐ་ལི་ཕྱོགས་ཀྱིས་ཀྲུང་གོའི་རིག་གནས་ཤུལ་བཞག་ལ་བརྩི་འཇོག་བྱེད་པ་མཚོན་གྱི་ཡོད་ལ་ཀྲུང་དབྱིའི་མཛའ་གྲོགས་ཀྱི་གསོན་ཉམས་དོད་པའི་དཔེ་མཚོན་ཞིག་དེ་བས་ཀྱང་རེད་ཅེས་བརྗོད།
ཉེ་བའི་ལོ་ཤས་རིང་ཀྲུང་དབྱིས་རྒྱལ་སྤྱིའི་མཉམ་ལས་ཀྱི་རིག་དངོས་བདའ་འདེད་དང་ཕྱིར་སློག་པའི་ཐད་མཉམ་ལས་ཡག་པོ་བྱས་པར་གཡུར་ཟའི་གྲུབ་འབྲས་ཐོབ་ཡོད། 2022ལོའི་ཟླ་10པར་ཀྲུང་དབྱིའི་རིག་དངོས་སྡེ་ཚན་གྱིས་ཁྲིམས་འགལ་ངང་རིག་དངོས་རྒྱལ་མཚམས་ནས་ཕྱིར་གཏོང་བྱེད་པར་བཀག་འགོག་བྱ་རྒྱུའི་སྐོར་གྱི་རྒྱལ་ཁབ་གཉིས་ཀྱི་ཕྱོགས་གཉིས་པོའི་གྲོས་ཆོད་ཀྱི་སྒྲོམ་གཞིའི་འོག་རིག་དངོས་སྒྱུ་རྩལ་ཐོན་རྫས་དེ་དག་ཕྱིར་སློག་གི་མཉམ་ལས་བྱེད་འགོ་ཚུགས་པ་དང་ཀྲུང་གོ་ཕྱོགས་ཀྱིས་མཁོ་འདོན་བྱས་པའི་གསལ་འབྱེད་བསམ་འཆར་དང་བཅའ་ཁྲིམས་ཀྱི་གཞི་འཛིན་སར་གཞིགས་ནས་དབྱི་ཐ་ལི་ཕྱོགས་ཀྱིས་ཕྱིར་སློག་བྱ་རྒྱུའི་གཏན་འབེབས་བྱས་པ་དང་འབྲེལ་ཀྲུང་གོ་ཕྱོགས་ལ་རྩིས་ཀྱང་སྤྲད་པ་རེད། མིག་སྔར་ཕྱོགས་གཉིས་པོའི་སྡེ་ཚན་གྱིས་ཕྱིར་སློག་པའི་རིག་དངོས་སྲུང་སྐྱོང་ཉམས་གསོ་དང་ཞིབ་འཇུག་འགྲེམས་སྟོན་སོགས་ཀྱི་མཉམ་ལས་ཐད་གྲོས་བསྡུར་བྱེད་བཞིན་ཡོད།
