མིའི་རིགས་ཀྱི་དམངས་གཙོའི་བྱ་གཞག་འཕེལ་རྒྱས་གཏོང་བར་ཐབས་ལམ་གསར་པ་འཚོལ་ཞིབ་བྱེད་དགོས།
སྤེལ་དུས 2024-12-18
ཡོང་ཁུངས། མི་དམས་ཉིན་རེའི་ཚགས་པར།
རྩོམ་པ་པོ།
ཀྲུང་གོ་གུང་ཁྲན་ཏང་དང་ཀྲུང་གོ་སྲིད་གཞུང་གིས་གོ་ཆོད་ལམ་ལུགས་ཀྱི་ཇུས་འགོད་ལ་བརྟེན་ནས་མི་དམངས་ཀྱི་བསམ་འདུན་རྒྱ་ཁྱབ་ཉན་པ་དང་མི་དམངས་ཀྱི་བློ་གྲོས་དང་སྟོབས་ཤུགས་གཅིག་ཏུ་བསྡུས་ཡོད། རྨང་གཞི་དེའི་ཐོག་གྲུབ་པའི་བྱེད་ཕྱོགས་དང་སྲིད་ཇུས་ལ་མི་དམངས་ཀྱི་རྒྱབ་སྐྱོར་གང་ལེགས་ཐོབ་ཡོད། ཀྲུང་གོས་མི་དམངས་འཐུས་མི་ཚོགས་ཆེན་གྱི་ལམ་ལུགས་བརྒྱུད་དམངས་གཙོའི་འདེམས་བསྐོ་དང་། དམངས་གཙོའི་གྲོས་མོལ། དམངས་གཙོའི་ཐབས་ཇུས། དམངས་གཙོའི་དོ་དམ། དམངས་གཙོའི་ལྟ་སྐུལ་བཅས་གཅིག་གྱུར་དམ་ཟབ་བྱས་ཏེ། བརྒྱུད་རིམ་ཧྲིལ་པོའི་མི་དམངས་དམངས་གཙོ་མངོན་འགྱུར་ཡོང་བར་འགན་ལེན་ནུས་ལྡན་བྱེད་བཞིན་ཡོད། རིམ་པ་ཁག་གི་མི་དམངས་འཐུས་ཚོགས་ཀྱི་འཐུས་མི་ནི་བཟོ་པ་དང་ཞིང་པ་དཀྱུས་མ་ཚུད་པའི་མི་རིགས་ཁག་དང་ལས་རིགས་ཁག་ནས་ཡོང་བ་ཤ་སྟག་ཡིན་པས། གཞི་རིམ་ལ་དངོས་འབྲེལ་རྒྱུས་མངའ་ཡོད་པ་དང་མི་དམངས་ཀྱི་དོ་ཁུར་རྟོགས་ཐུབ་ཀྱི་ཡོད། ཀྲུང་གོའི་ཆབ་སྲིད་གྲོས་མོལ་ལམ་ལུགས་ཀྱིས་དམངས་གཙོ་ཏང་ཤོག་ཁག་དང་སྤྱི་ཚོགས་ལས་རིགས་ཁག་གི་མི་སྣ་བསྡུ་ལེན་རྒྱ་ཁྱབ་བྱས་ནས། གྲོས་མོལ་བྱེད་རིང་མཐུན་སྒྲིལ་རྒྱ་ཁྱབ་ལ་སྐུལ་སྤེལ་དང་། ཏང་མང་མཉམ་ལས་ལ་སྐུལ་སྤེལ། མི་དམངས་དམངས་གཙོ་ལག་བསྟར་བཅས་བྱེད་བཞིན་ཡོད།
ཀྲུའུ་ཞི་ཞི་ཅིན་ཕིང་གིས། “གལ་ཏེ་མི་དམངས་རྣམས་འདེམས་ཤོག་འཕེན་སྐབས་གཉིད་ལས་བསད་པ་དང་འདེམས་ཤོག་འཕངས་རྗེས་དགུན་ཉལ་རྒྱག་པ། བདམས་ཐོན་འགྲན་རྩོད་སྐབས་ཁ་མཁས་ཚིག་སྙན་གྱི་འབོད་ཚིག་ཉན་པ་དང་བདམས་ཐོན་འགྲན་རྩོད་ཚར་རྗེས་སྐད་ཆ་ཤོད་དབང་མེད་པ། འདེམས་ཤོག་འགུག་སྐབས་གཅེས་སྐྱོང་དང་འདེམས་བསྐོ་ཚར་རྗེས་སྣང་མེད་དུ་འཇོག་པ་བཅས་ཀྱི་དམངས་གཙོ་དེ་ལྟ་བུ་ནི་དམངས་གཙོ་ངོ་མ་ཞིག་ག་ལ་ཡིན”ཞེས་གསུངས་ཡོད། ན་ནིང་དབྱར་ཁར་ང་ལ་ཀྲུང་གོའི་ཀུའེ་ཀྲོའུ་ཞིང་ཆེན་ཀུའེ་དབྱང་གྲོང་ཁྱེར་ཀོན་ཧྲན་མཚོ་ཁུལ་ཅིན་ཡོན་སྡེ་ཁུལ་ལ་འཚམས་འདྲི་བྱེད་པའི་གོ་སྐབས་རག་བྱུང་། དེ་གའི་གཞི་རིམ་གྱི་དམངས་གཙོའི་ལག་ལེན་ལས་ང་ལ་བག་ཆགས་ཟབ་མོ་བྱུང་། གྲོང་མིས་བཏོན་པའི་བཅོས་སྐྱོང་གི་གནད་དོན་སྣ་ཚོགས་བསྡུ་རུབ་དང་ཕྱོགས་བསྡུས་བྱེད་པ་དང་སྡེ་ཁུལ་གྱི་ལས་དོན་པ་དང་དང་བླངས་པས་དུས་ཐོག་ཏུ་གྲོང་མིར་ཞབས་འདེགས་ཞུ་གི་འདུག དམངས་གཙོ་ནི་འདེམས་ཤོག་ཙམ་དུ་བརྩི་མི་རུང་བར་མི་དམངས་ཀྱི་ཁེ་ཕན་ལ་སེམས་ཁུར་ཏན་ཏིག་བྱེད་པ་དང་མི་དམངས་ཀྱི་དོ་ཁུར་ཐག་གཅོད་བྱས་ཚེ་གཞི་ནས་དམངས་གཙོ་དོན་ཐོག་ཏུ་འཁྱོལ་ཐུབ།
དམངས་གཙོར་དེ་བས་ལེགས་པ་ལས་ཡག་ཤོས་ཟེར་བ་མེད། དམངས་གཙོ་སྤེལ་སྟངས་གཅིག་ཁོ་ན་མིན་པར་དམངས་གཙོའི་ལག་ལེན་རྒྱུན་ཆད་མེད་པར་འཕེལ་རྒྱས་གཏོང་དགོས། ཀྲུང་གོས་རང་རྒྱལ་ཁབ་ཀྱི་རྒྱལ་བབ་ལ་གཞི་ཚུགས་རྒྱུ་མཐའ་འཁྱོངས་བྱས་ཏེ། བརྒྱུད་རིམ་ཧྲིལ་པོའི་མི་དམངས་དམངས་གཙོ་རྒྱུན་ཆད་མེད་པར་འཕེལ་རྒྱས་བཏང་ནས་མིའི་རིགས་ཀྱི་དམངས་གཙོའི་བྱ་གཞག་འཕེལ་རྒྱས་ཆེད་ཐབས་ལམ་གསར་པ་འཚོལ་ཞིབ་དང་། རྒྱལ་ཁབ་ཁག་གིས་རྒྱལ་བབ་ལ་གཞིགས་ནས་དམངས་གཙོ་འཕེལ་རྒྱས་གཏོང་བར་དཔྱད་གཞི་གལ་ཆེན་མཁོ་འདོན་བྱས་ཡོད།
