​ སི་ཁྲོན་ལུའུ་ཀྲོའུ་ཡི་ཡུས་ཙེ་ཤིས་ཆུ་ཡུར་གྱི་འབྲུབ་འགོག་བཅོས་སྒྲིག་གི་ལས་འགོ་བསྐྱར་འཛུགས་དང་ཐོན་སྐྱེད་སླར་གསོ་བྱས་པ།

          མིག་སྔར། ལུའུ་ཀྲོའུ་གྲོང་ཁྱེར་ཅང་དབྱང་ཆུས་ཀྲང་པ་ཁྲོམ་གཞུང་དུ་གནས་པའི་ཡུས་ཙེ་ཤིས་ཆུ་ཡུར་གྱི་འབྲུབ་འགོག་བཅོས་སྒྲིག་དང་ལྷན་སྦྱར་ལས་གྲྭ་ཕྱོགས་ཡོངས་ནས་ལས་འགོ་བསྐྱར་འཛུགས་དང་ཐོན་སྐྱེད་སླར་གསོ་བྱས་ཤིང་། འཛུགས་སྐྲུན་ཚན་པས་རིམས་ནད་སྔོན་འགོག་ཚོད་འཛིན་ཡག་པོ་བྱེད་པའི་སྔོན་འགྲོའི་འོག་མྱུར་ཚད་དང་ལས་ཡུན་ལ་དམ་འཛིན་བྱས་ཏེ་ལས་གྲྭ་བདེ་བླག་ངང་བསྐྲུན་རྒྱུའི་འགན་ལེན་བྱས་པ་རེད། རྣམ་གྲངས་དེར་PPPཡི་དཔེ་དབྱིབས་སྤྱད་དེ་མ་དངུལ་བསྡོམས་སྒོར་དུང་ཕྱུར་14.6བཏང་བ་དང་། འཛུགས་སྐྲུན་ནང་ཡུས་ཙེ་ཤིས་ཀྱི་མཚེའུ་ངོས་མུའུ་300དང་། མཚེའུ་འགྲམ་གྱི་སྣོད་བཅུད་འདམ་རའི་མཛེས་ལྗོངས་མུའུ་1300 ཡུས་ཙེ་ཤིས་ཀྱི་གཞུང་ཆུ་དང་དེ་བཞིན་ཉིང་ལག་ཆུ་ཡུར་སྤྱི་ལེ་3བཅོས་སྒྲིག་བྱེད་པ་སོགས་ཚུད་ཡོད། སྔོན་དཔག་བྱས་ན་འདི་ལོའི་ཟླ་6པར་བསྐྲུན་ནས་འཁོར་རྒྱུག་བྱ་རྒྱུ་རེད།

འདི་ནི་ཉེ་ཆར་སི་ཁྲོན་ཞིང་ཆེན་ལུའུ་ཀྲོའུ་གྲོང་ཁྱེར་གྱི་ཡུས་ཙེ་ཤིས་འདམ་རའི་སྤྱི་གླིང་གི་མཚེའུ་ངོས་སུ་ལས་དོན་པས་ཆུར་དུག་སེལ་བྱེད་བཞིན་པ།

རྩོམ་སྒྲིག་པ། བདེ་སྒྲོལ།