ཀྲུང་གོའི་བོད་ལྗོངས་དྲ་བ། > གསར་འགྱུར། > རྒྱལ་ནང་གསར་འགྱུར།

ད་ལོའི་མཐོ་རྒྱུགས་ཟླ་གཅིག་ནར་འགྱངས་བྱས་པ།

སྤེལ་དུས 2020-04-01 ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། རྩོམ་པ་པོ།

ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད། སྤྱི་ལོ་2020ལོའི་རྒྱལ་ཡོངས་མཐོ་རིམ་སློབ་གྲྭ་དཀྱུས་མའི་སློབ་མ་བསྡུ་བའི་ཡིག་རྒྱུགས་ཟླ་གཅིག་ནར་འགྱངས་བྱས་ཏེ། རྒྱུགས་སྤྲོད་པའི་དུས་ཚོད་ཟླ་7པའི་ཚེས་7ཉིན་ནས་ཚེས་8ཉིན་བར་གཏན་འཁེལ་བྱས་པ་རེད།

ཡིག་རྒྱུགས་གཏོང་བའི་དུས་ཚོད་ཞིབ་ཕྲ་ནི། ཟླ་7པའི་ཚེས་7ཉིན་གྱི་སྔ་དྲོའི་ཆུ་ཚོད་9：00ནས་ 11：30བར་སྐད་ཡིག་དང་། ཕྱི་དྲོའི་ཆུ་ཚོད་15：00ནས་17：00བར་རྩིས་རིག ཟླ་7པའི་ཚེས་8་ཉིན་གྱི་སྔ་དྲོའི་ཆུ་ཚོད་9：00ནས་ 11：30བར་ རིག་གནས་ཚན་ཁག་གི་ཕྱོགས་བསྡུས་ཡིག་ཚད་དམ་ཡང་ན་རང་བྱུང་ཚན་རིག་ཚན་ཁག་གི་ཕྱོགས་བསྡུས་ཡིག་ཚད། ཕྱི་དྲོའི་ཆུ་ཚོད་15：00ནས་17：00བར་ཕྱི་སྐད་ཡིག་ཚད་བཅས་གཏོང་རྒྱུ་ཡིན་པ་རེད།

འུ་པེ་ཞིང་ཆེན་དང་པེ་ཅིང་གྲོང་ཁྱེར་གྱིས་རིམས་ནད་སྔོན་འགོག་ཚོད་འཛིན་གྱི་གནས་ཚུལ་ལ་གཞིགས་ནས། ས་གནས་དེ་གའི་མཐོ་རྒྱུགས་དུས་ཚོད་བཀོད་སྒྲིག་གི་བསམ་འཆར་ཞིབ་འཇུག་བྱས་ཏེ། སློབ་གསོ་པུའུ་ནས་ཆོག་མཆན་ཐོབ་རྗེས་དུས་ཐོག་ཏུ་སྤྱི་ཚོགས་སྟེང་ཁྱབ་བསྒྲགས་བྱ་རྒྱུ་ཡིན་པ་རེད།

རྩོམ་སྒྲིག་པ།སྣང་རྡོར།