ཚེས་༢༢ནས་༢༨ཉིན་བར་གྱི་གྲོས་རིམ་གལ་ཆེན།
སྤེལ་དུས 2020-05-22
ཡོང་ཁུངས། སེམས་ཀྱི་ཞིང་ཁམས།
རྩོམ་པ་པོ།
སྤྱི་ཚེས་༢༡ཉིན་གྱི་མཚན་མོར་རྒྱལ་ཡོངས་མི་དམངས་འཐུས་ཚོགས་སྐབས་བཅུ་གསུམ་པའི་ཚོགས་འདུ་ཐེངས་གསུམ་པའི་གསར་འགྱུར་ཡོངས་བསྒྲགས་ཚོགས་འདུ་འཚོགས་པ་རེད། ཚོགས་འདུའི་གཏམ་བཤད་གནང་མཁན་ཀྲང་ཡེ་སུའེ་ལགས་ཀྱིས་ངོ་སྤྲོད་གནང་དོན། ཐེངས་འདིའི་ཚོགས་འདུ་སྤྱི་ཚེས་༢༢ཉིན་གྱི་སྔ་དྲོར་འཚོག་རྒྱུ་ཡིན་པ་དང་། ཚེས་༢༨ཉིན་གྱི་ཕྱི་དྲོར་མཇུག་བསྒྲིལ་རྒྱུ་ཡིན་ལ། ཚང་འཛོམས་གྲོས་ཚོགས་ཐེངས་གསུམ་བཀོད་སྒྲིག་བྱས་འདུག ཁྱོན་གྲོས་རིམ་༩ཡོད་པ་དང་། སྲིད་གཞུང་ལས་དོན་སྙན་སྒྲོན་སོགས་ཀྱི་སྙན་སྒྲོན་༦གྲོས་ཞིབ་གནང་རྒྱུ་དང་། དམངས་དོན་ཁྲིམས་གཞུང་གི་འཆར་ཟིན་སོགས་ལ་གྲོས་ཞིབ་གནང་རྒྱུ། ཉེ་ཆར་ལས་དོན་སོ་སོ་ཕྱོགས་ཡོངས་ནས་ལེགས་གྲུབ་བྱུང་ཡོད།
རྒྱལ་ཡོངས་མི་དམངས་འཐུས་ཚོགས་སྐབས་བཅུ་གསུམ་པའི་ཚོགས་འདུ་ཐེངས་གསུམ་པའི་གྲོས་རིམ།
༢༠༢༠ལོའི་ཟླ་༥ཚེས་༢༡ཉིན་རྒྱལ་ཡོངས་མི་དམངས་འཐུས་ཚོགས་སྐབས་བཅུ་གསུམ་པའི་ཚོགས་འདུ་ཐེངས་གསུམ་པའི་གྲ་སྒྲིག་ཚོགས་འདུའི་ཐོག་གྲོས་འཆམ་བྱུང་བ།
གཅིག སྲིད་གཞུང་ལས་དོན་སྙན་སྒྲོན་ལ་གྲོས་ཞིབ་གནང་རྒྱུ།
གཉིས། ༢༠༡༩ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འཆར་གཞི་ལག་བསྟར་བྱས་ཚུལ་དང་། ༢༠༢༠ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་འཆར་གཞི་མ་ཟིན་གྱི་སྙན་སྒྲོན། ༢༠༢༠ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འཆར་གཞིའི་མ་ཟིན་བཅས་ལ་གྲོས་ཞིབ་གནང་རྒྱུ།
གསུམ། ༢༠༢༩ལོའི་ཀྲུང་དབྱང་དང་ས་གནས་ཀྱི་སྔོན་རྩིས་ལག་བསྟར་བྱས་ཚུལ་དང་། ༢༠༢༠ལོའི་ཀྲུང་དབྱང་དང་ས་གནས་སྔོན་རྩིས་མ་ཟིན་གྱི་སྙན་སྒྲོན། ༢༠༢༠ལོའི་ཀྲུང་དབྱང་དང་ས་གནས་སྔོན་རྩིས་མ་ཟིན་བཅས་ལ་གྲོས་ཞིབ་གནང་རྒྱུ།
བཞི། རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་གྲོབ་ཞིབ་གནང་བར་བཏོན་པའི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དམངས་དོན་ཁྲིམས་གཞུང་གི་འཆར་ཟིན་གྲོས་གཞི་ལ་གྲོས་ཞིབ་གནང་རྒྱུ།
ལྔ། རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་གྲོས་ཞིབ་གནང་བར་བཏོན་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱིས་ཤང་ཀང་དམིགས་བསལ་སྲིད་འཛིན་ཁུལ་གྱི་རྒྱལ་ཁབ་བདེ་འཇགས་བཅའ་ཁྲིམས་ཁྲིམས་སྲོལ་དང་ལག་བསྟར་སྒྲིག་གཞིའི་གཏན་འབེབས་ལ་སྲུང་སྐྱོང་བྱེད་པ་འཐུས་ཚང་ཅན་དུ་གཏོང་པའི་མ་ཟིན་གྱི་གྲོས་གཞིར་གྲོས་ཞིབ་གནང་རྒྱུ།
དྲུག རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ལས་དོན་སྙན་སྒྲོན་ལ་གྲོས་ཞིབ་གནང་རྒྱུ།
བདུན། ཆེས་མཐོའི་མི་དམངས་ཁྲིམས་ཁང་གི་སྙན་སྒྲོན་ལ་གྲོས་ཞིབ་གནང་རྒྱུ།
བརྒྱད། ཆེས་མཐོའི་མི་དམངས་ཞིབ་དཔྱོད་ཁང་གི་ལས་དོན་སྙན་སྒྲོན་ལ་གྲོས་ཞིབ་གནང་རྒྱུ།
དགུ། གཞན་དག
ཟླ་༥ཚེས་༢༡ཉིན་ཤིན་ཧྭ་གསར་འགྱུར་ཁང་གིས་པེ་ཅིང་དུ་སྤེལ།
