“སློབ་གྲྭ་འབྲིང་ཆུང་གི་འགྲིམ་འགྲུལ་བདེ་འཇགས་ཀྱི་གནད་དོན་བཅུ”རྩོམ་འབྲི་བྱས་ནས་ཡོངས་བསྒྲགས་བྱས་པ།
སྤེལ་དུས 2024-12-05
ཡོང་ཁུངས། མི་དམངས་ཉིན་རེའི་ཚགས་པར།
རྩོམ་པ་པོ།
འདི་ལོའི་ཟླ་12ཚེས་2ཉིན་ནི“རྒྱལ་ཡོངས་ཀྱི་འགྲིམ་འགྲུལ་བདེ་འཇགས་ཉིན་མོ”ཐེངས་བཅུ་གསུམ་པ་དེ་ཡིན་ཞིང་། སློབ་གསོ་པུའུ་དང་སྤྱི་བདེ་པུས“སློབ་གྲྭ་འབྲིང་ཆུང་གི་འགྲིམ་འགྲུལ་བདེ་འཇགས་ཀྱི་གནད་དོན་བཅུ”རྩོམ་འབྲི་བྱས་ནས་སློབ་གྲྭ་འབྲིང་ཆུང་དང་སློབ་མའི་སློབ་སྦྱོང་དཔྱད་གཞིར་མཁོ་འདོན་བྱས་པ་རེད། “སློབ་གྲྭ་འབྲིང་ཆུང་གི་འགྲིམ་འགྲུལ་བདེ་འཇགས་ཀྱི་གནད་དོན་བཅུའི”ནང“སློབ་གྲྭ་འབྲིང་ཆུང་གི་སྒོ་འགྲམ་དུ་སློབ་གྲྭ་ཚུགས་པ་དང་གྲོལ་སྐབས་འགྲིམ་འགྲུལ་འགག་པའི་གནད་དོན་ཇི་ལྟར་བྱས་ནས་ཞི་ལྷོད་དུ་གཏོང་བ་དང་སློབ་གྲྭ་འབྲིང་ཆུང་སྒོ་འགྲམ་གྱི་འགྲིམ་འགྲུལ་བདེ་འཇགས་ཇི་ལྟར་བྱས་ནས་འགན་ལེན་བྱེད་པ”སོགས་ཀྱི་གནད་དོན་ལ་ལན་ཞིབ་ཕྲ་བརྒྱབ་ཡོད།
དེའི་ནང་ལམ་མདོ་སྒྲོལ་སྐབས་ཁ་པར་ལྟ་བ་དང་། ཁ་པར་རྒྱག་པ། སྒྲ་སྒམ་ཉན་པ་བཅས་བྱེད་མི་ཆོག་པ་དང་། ལོ་12ལ་མ་སོན་པའི་སློབ་གྲྭ་འབྲིང་ཆུང་གི་སློབ་མ་རྐང་འཁོར་བཞོན་ནས་འགྲོ་ལམ་ཐོག་ཕྱིན་མི་ཆོག་ལ། སྦག་སྦག་གི་རྒྱབ་ཏུ་སྐྱོན་མི་ཆོག་པ་དང་། ལོ་16མ་སོན་ན་གློག་སྒུལ་སྦག་སྦག་གཏོང་མི་ཆོག “སློབ་གྲྭ་རེར་ཐབས་ཇུས་རེ”གཞིར་བཟུང་སློབ་གྲྭ་ཚུགས་པ་དང་གྲོལ་སྐབས་འཚང་གཡོལ་དང་། ཕྱོགས་གཅིག་ལ་འགྲོ་སྐྱོད། ཐག་རིང་སར་རླངས་འཁོར་འཇོག་པ་སོགས་ཀྱི་བྱ་ཐབས་ཕྱོགས་བསྡུས་སྤྱད་ནས། སློབ་གྲྭ་ཚུགས་པ་དང་གྲོལ་དུས་མཚམས་སུ་སློབ་མ་སྐྱེལ་བསུ་བྱེད་མཁན་རླངས་འཁོར་གཅིག་སྡུད་འགྲོ་སྐྱོད་དང་ཐག་ཉེ་སར་འཇོག་དཀའ་བའི་གནོན་ཤུགས་ཆུང་དུ་གཏོང་དགོས། སློབ་གྲྭའི་སྒོ་རྩར་བར་བཅད་ཁུལ་བཙུགས་པ་དང་འབྲེལ། རླངས་འཁོར་འགོག་ཆས་ལུགས་མཐུན་བཟོ་བ་དང་དྲ་དབྱིབས་ལམ་ཐིག་འགོད་དགོས། སློབ་འཁོར་གྱི་ཞབས་འདེགས་ཞུ་མཁན་འཁོར་རིགས་ལ་སློབ་འཁོར་སྤྱོད་ཆོག་པའི་ཆོག་མཆན་ཐོབ་དགོས་ལ། ལོ་ཕྱེད་ནང་འཕྲུལ་སྒུལ་འཁོར་རིགས་ཀྱི་བདེ་འཇགས་ལག་རྩལ་ལ་ཞིབ་བཤེར་ཐེངས་རེ་བྱེད་དགོས་པ་དང་། སློབ་འཁོར་གཏོང་མཁན་ཁ་ལོ་བར་སློབ་འཁོར་གཏོང་ཆོག་པའི་ཐོབ་ཐང་ཡོད་དགོས་པ། ལོ་ལྟར་སྤྱི་བདེ་འགྲིམ་འགྲུལ་དོ་དམ་སྡེ་ཚན་གྱི་ཞིབ་བཤེར་རྩིས་ལེན་དང་ལེན་བྱེད་དགོས་པ། སློབ་མ་བླུགས་པའི་སློབ་འཁོར་གྱིས་ཞིབ་བཤེར་གཏན་འབེབས་བྱས་པའི་ལམ་ཐིག་གཞིར་བཟུང་སྐྱོད་དགོས་པ་ལས། རྒྱུ་མཚན་གང་རུང་ལ་ཁ་གཡར་ནས་མི་སྣ་ཚད་ལས་བརྒལ་མི་ཆོག་པ་བཅས་ཁ་གསལ་བཏོན་ཡོད།
