དུས་རབས་གསར་པའི་རྒྱང་སྐྱོད་ལམ་བུར་ཡག་པོ་སྐྱོད་པའི་བརྗོད་དོན་གཙོ་བོའི་བྱེད་སྒོ་ལས་གཞོན་ནུའི་ལས་འགན་དང་འགན་འཁྲི་མངོན་པ།
སྤེལ་དུས 2024-12-05
ཡོང་ཁུངས། ཤིན་ཧྭ་གསར་འགྱུར་ཁང་།
རྩོམ་པ་པོ།
ཤིན་ཧྭ་གསར་འགྱུར་ཁང་ནན་ཉིང་ནས་གློག་འཕྲིན་འབྱོར་གསལ། གུང་གཞོན་སྡེ་ཚོགས་ཀྲུང་དབྱང་དང་ཀོང་ཤིས་ཀྲོང་རིགས་རང་སྐྱོང་ལྗོངས་ཏང་ཨུད་ཀྱིས་མཉམ་འབྲེལ་ཐོག་གཙོ་གཉེར་བྱས་པའི“ལང་ཚོའི་དུས་སུ་ཀྲུང་གོའི་ལུགས་ཀྱི་དེང་རབས་ཅན་གྱི་འགན་འཁྲི་ཕྲག་ཏུ་འཁུར། དུས་རབས་གསར་པའི་རྒྱང་སྐྱོད་ལམ་བུར་ཡག་པོ་སྐྱོད”ཅེས་པའི་བརྗོད་དོན་གཙོ་བོའི་བྱེད་སྒོ་ཚེས་1ཉིན་ཀོང་ཤིས་ཀུའེ་ལིན་གྲོང་ཁྱེར་ཆོན་ཀྲོའུ་རྫོང་གི་དམར་དམག་རྒྱང་སྐྱོད་ཀྱི་ཤང་ཅང་གཙང་པོའི་གཡུལ་འགྱེད་དྲན་གསོ་གླིང་དུ་སྤེལ་བ་རེད།
བྱེད་སྒོ་སྤེལ་རིང་། ཚོགས་ཞུགས་འཐུས་མི་ཚོ་ཤང་ཅང་གཙང་པོའི་གཡུལ་འགྱེད་ཁྲོད་ཀྱི་དམར་དམག་སྔོན་གཤེགས་དཔའ་བོར་མེ་ཏོག་སི་ར་འབུལ་བའི་བྱེད་སྒོར་ཞུགས་ནས“དམར་དམག་བླ་སྲོག”གི་འཇིམ་བརྙན་དང་དྲན་གསོའི་ནགས་ཚལ་ལ་ལྟ་སྐོར་དང་དམར་དམག་རྒྱང་སྐྱོད་ཀྱི་ཤང་ཅང་གཙང་པོའི་གཡུལ་འགྱེད་དྲན་གསོ་ཁང་ལ་ལྟ་སྐོར་བྱས་ནས་མི་རིགས་རང་བཙན་དང་མི་དམངས་བཅིངས་འགྲོལ་ཆེད་དཔའ་ངར་ཆེན་པོས་རང་སྲོག་བློས་གཏོང་མཁན་དམར་དམག་གི་སྔོན་གཤེགས་དཔའ་བོར་དྲན་གསོ་ཟབ་མོ་ཞུས་པ་རེད། བརྗོད་དོན་གཙོ་བོའི་སྒྲོག་འགྲེལ་ཚོགས་འདུའི་ཐོག་ཀོང་ཤིས་དང་། ཧྥུའུ་ཅན། ཅང་ཤིས། ཧུའུ་ནན། ཀོང་ཏུང་། ཀུའེ་ཀྲོའུ་སོགས་ནས་ཡོང་བའི་གཞོན་ནུ་འཆད་ཁྲིད་ཚོགས་པའི་ཁོངས་མིས་གསར་བརྗེའི་ཁྲག་རྒྱུན་རྒྱུན་འཛིན་དང་རླབས་ཆེན་རྒྱང་སྐྱོད་ཀྱི་སྙིང་སྟོབས་དར་སྤེལ་གཏོང་བའི་ལང་ཚོའི་གཏམ་རྒྱུད་སྒྲོག་འགྲེལ་བྱས་པ་དང་། གཞོན་ནུ་ཏང་ཡོན་དང་། གུང་གཞོན་སྡེ་ཚོགས་ཀྱི་ཚོགས་མི། ལོ་ཆུང་གདོང་ལེན་རུ་ཁག་གི་རུ་མི་བཅས་ཀྱི་འཐུས་མིས“ལང་ཚོའི་དུས་སུ་གསར་བརྗེའི་ཁྲག་རྒྱུན་རྒྱུན་འཛིན”ཞེས་པའི་གྲོས་འགོ་སྒྲོག་སྦྱངས་བྱས་ནས་གཞོན་ནུ་ལོ་ཆུང་ཚོར་གསར་བརྗེའི་རྒན་རབས་པའི་གཟི་བརྗིད་སྲོལ་རྒྱུན་རྒྱུན་འཛིན་བྱས་ཏེ་ལང་ཚོའི་ཁ་ཕྱོགས་སྟངས་འཛིན་དང་། ལང་ཚོའི་བྱས་རྗེས་མངོན་པ། ལང་ཚོའི་ཉམས་འགྱུར་མངོན་པ། ལང་ཚོའི་སྟོབས་ཤུགས་ལེགས་སྐྱེས་འབུལ་བ་བཅས་བྱེད་དགོས་པའི་འབོད་སྐུལ་བྱས་པ་རེད།
གུང་གཞོན་སྡེ་ཚོགས་ཀྲུང་དབྱང་གི་འགན་འཁུར་བ་གཙོ་བོས་གསུང་བཤད་གནང་སྐབས། རྒྱ་ཆེའི་གཞོན་ནུ་ཚོར་ཏང་གི་གསར་གཏོད་རིགས་པའི་གཞུང་ལུགས་ཟབ་སྦྱོང་མཐིལ་རྟོགས་བྱས་ནས་ཕུགས་བསམ་དང་དད་སེམས་བརྟན་དུ་གཏོང་བ་དང་། དུས་རབས་ཀྱི་ལས་འགན་གསར་པ་ཕྲག་ཏུ་འཁུར་ཕོད་པ་བྱས་ཏེ་རང་འགུལ་ངང་འགན་འཁྲི་འཁུར་བ། མེ་ལྟར་ཚ་བའི་སྤྱི་ཚོགས་ཀྱི་ལག་ལེན་ནང་ཧུར་ཐག་ཞུགས་ནས་དཀའ་སྡུག་ཟོད་པའི་བསམ་བློར་ཞུན་བརྡར་སྤྲོས་པ། རང་རྟོགས་ངང་གཟི་བརྗིད་ལྡན་པའི་གསར་བརྗེའི་སྲོལ་རྒྱུན་རྒྱུན་འཛིན་དང་འབད་འཐབ་ཀྱི་ལང་ཚོ་བཏོད་ནས“ལང་ཚོའི་དུས་སུ་ཀྲུང་གོའི་ལུགས་ཀྱི་དེང་རབས་ཅན་གྱི་འགན་འཁྲི་འཁུར་བའི”དུས་རབས་ཀྱི་འབོད་སྒྲ་དྲག་པོ་སྒྲོག་པ་བཅས་བྱེད་དགོས་ཞེས་བརྗོད་པ་རེད།
