1.ཁྱིམ་བདག་གི་ལྟ་རྟོག་ཧ་ཅང་གལ་ཆེ།
ཁྱིམ་བདག་གིས་ཐོག་མར་སོ་ལ་སྲུང་སྐྱོབ་བྱེད་སྟངས་ཤེས་དགོས་ཤིང་། དེ་ནས་བྱིས་པར་ཡང་དག་པའི་སོ་འཁྲུད་སྟངས་དང་སོ་ལ་བདག་སྐྱོང་བྱེད་སྟངས་ཁྲིད་དགོས། ཁྱིམ་བདག་གི་ལྟ་རྟོག་ནི་བྱིས་པའི་ཁ་ནང་གི་འཕྲོད་བསྟེན་ལ་ཧ་ཅང་གལ་ཆེ་བ་ཡིན།
2.གོམས་གཤིས་ལེགས་པོ་ཆགས་སུ་འཇུག་པ།
ཉིན་རེ་ལ་སོ་ཐེངས་གཉིས་རེ་འཁྲུད་པ་དང་ཐེངས་རེ་ལ་སྐར་མ་གཉིས་ཙམ་བཀོལ་དགོས་པར་མ་ཟད། སོ་སྐུད་ཀྱིས་སོ་བར་ལ་གཙང་དག་བྱེད་ཤེས་དགོས། དེ་ལྟར་བྱས་ཚེ་ཕྲ་སྲིན་དང་ཟས་སྙིགས་སོགས་གཙང་སེལ་བྱེད་ཐུབ་པ་ཡིན།
3.བཟའ་བཏུང་ལ་མཉམ་འཇོག་བྱེད་པ།
ཀ་རའི་འདུས་ཚད་མཐོ་བ་དང་སྐྱུར་མཐོ་བའི་བཟའ་བཅའ་ཉུང་བཟའ་བྱ་དགོས་ཤིང་། ལྷག་པར་དུ་ཀ་ར་འདུས་པའི་བཏུང་བ་ལ་འཛེམ་དགོས། བཟའ་བཏུང་གི་གོམས་གཤིས་ལེགས་པོ་གསོ་སྐྱོང་བྱས་ཏེ། དུས་ལྟར་ཟ་མ་བཟའ་དགོས།
4.དུས་ལྟར་བརྟག་དཔྱད་བྱེད་པ།
ཁྱིམ་བདག་གིས་བྱིས་པ་ཁྲིད་དེ་སོའི་སྨན་པ་ལ་སྟོན་དགོས་པ་དང་། གནད་དོན་ཡོད་ཚེ་སྔ་མོ་ནས་གསོ་བཅོས་བྱ་དགོས།
5.ཧྥུལ་འགྱུར་རྫས་ཀྱི་སོ་སྨན་སྤྱོད་པ།
ཧྥུལ་འགྱུར་རྫས་འདུས་པའི་སོ་སྨན་སྤྱད་དེ་སོ་འཁྲུད་པ་དང་། ཡང་ན་སྨན་པའི་མཛུབ་སྟོན་འོག་ཧྥུལ་འགྱུར་རྫས་སྤྱད་ནས་ཁ་ནང་བཤལ་བ།
6.སོ་སྲུབས་བསུམ་པ་ཧ་ཅང་གལ་ཆེ།
གསར་དུ་སྐྱེས་པའི་འགྲམ་སོ་ཡི་སོ་སྲུབས་བསུམ་ཆོག་ལ། དེ་ལྟར་བྱས་ཚེ་སོའི་ཐོག་ཏུ་སྲུང་སྐྱོབ་རིམ་པ་ཞིག་གྲུབ་ནས། ཕྲ་སྲིན་དང་ཟས་སྙིགས་ལོགས་དགར་བྱེད་ཐུབ། ལོ་ཚོད་མི་འདྲ་བ་ལ་སོ་སྲུབས་བསུམ་པའི་དུས་ཚོད་ལེགས་ཤོས་མི་འདྲ་བ་ཡོད་པས། དུས་ཐོག་ཏུ་སོའི་སྨན་པ་ལ་འདྲི་རྩད་བྱ་རྒྱུ་གལ་ཆེ།
7.དུས་ལྟར་གསོ་བཅོས་བྱ་རྒྱུ་ཧ་ཅང་གལ་ཆེ།
སོ་སྲིན་ཡོད་པ་ཤེས་མ་ཐག་ལམ་སང་སོའི་སྨན་པ་ལ་སྟོན་དགོས་ཤིང་། སྔ་མོ་ནས་གསོ་བཅོས་བྱས་ཚེ་སོ་སྲིན་ཚབས་ཆེར་འགྲོ་བ་སྔོན་འགོག་བྱེད་ཐུབ།
8.ཁ་ནང་བདེ་ཐང་གི་བྱ་འགུལ་ལ་ཞུགས་པ།
སློབ་གྲྭ་དང་སྡེ་ཁུལ་གྱིས་བསྒྲུབས་པའི་ཁ་ནང་བདེ་ཐང་སློབ་གསོའི་བྱ་འགུལ་ལ་ཞུགས་ཏེ། སོ་སྲུང་སྐྱོབ་ཀྱི་ཤེས་བྱར་རྒྱུས་ལོན་མང་ཙམ་བྱ་དགོས།
སྟབས་བདེ་ཞིང་ཕན་ནུས་ཆེ་བའི་བྱེད་ཐབས་འདི་དག་གིས་སོ་སྲིན་འབྱུང་ཚད་ཇེ་དམའ་རུ་གཏོང་བར་མ་ཟད། བྱིས་པ་ལ་བདེ་ཐང་དང་མཛེས་སྡུག་གི་འཛུམ་མདངས་ཤིག་ཀྱང་སྦྱིན་ཐུབ།
