དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > ཆོས་ལུགས། > གསར་ཤོས།

གཡུ་ཐོག་གསར་མ་ཡོན་ཏན་མགོན་པོ།

སྤེལ་དུས 2021-02-26 ཡོང་ཁུངས། འཕྲིན་སྟེགས། རྩོམ་པ་པོ།
       གཡུ་ཐོག་གསར་མ་ཡོན་ཏན་མགོན་པོ།
       གཡུ་ཐོག་གསར་མ་ཡོན་ཏན་མགོན་པོ་ཞེས་པ་ནི། སྔར་གྱི་གཡུ་ཐོག་རྙིང་མའི་རིགས་ལས་མཆེད་པའི་གདུང་རབས་བཅུ་གསུམ་པ་ན། གཙང་ཉང་སྟོད་ཀྱི་སའི་ཆ་སྒོ་བཞི་རེ་ཐང་དུ་ཡབ་གཡུ་ཐོག་ཁྱུང་པོ་རྡོ་རྗེ་དང༌། ཡུམ་པདྨ་འོད་ལྡན་གྱི་སྲས་སུ་དགེ་ལེགས་ཀྱི་མཚན་མ་བསམ་གྱིས་མི་ཁྱབ་པ་དང་བཅས་རབ་བྱུང་གཉིས་པའི་མེ་རྟ་སྤྱི་ལོ1126ལོ་ལ་སྐུ་འཁྲུངས།
 
       གཞི་རྩའི་གནས་ཚུལ།
       རྒྱ་ཡིག་གི་མིང་།宇陀萨玛·元丹贡布
       འཁྲུངས་ལོ།སྤྱི་ལོ1126ལོ།
       འཁྲུངས་ཡུལ།གཙང་ཉང་སྟོད་སའི་ཆ་སྒོ་བཞི་རེ་ཐང་།
       ཡབ།གཡུ་ཐོག་ཁྱུང་པོ་རྡོ་རྗེ།
       ཡུམ།པདྨ་འོད་ལྡན།
       དཀར་ཆག
       1  ངོ་སྤྲོད་མདོར་བསྡུས།
       2   གཞུང་བརྩམས་ཚུལ།
       3   རྗེས་འཇུག་བུ་སློབ།
       1 ངོ་སྤྲོད་མདོར་བསྡུས།
       གཡུ་ཐོག་གསར་མ་ཡོན་ཏན་མགོན་པོ་ཞེས་པ་ནི། སྔར་གྱི་གཡུ་ཐོག་རྙིང་མའི་རིགས་ལས་མཆེད་པའི་གདུང་རབས་བཅུ་གསུམ་པ་ན། གཙང་ཉང་སྟོད་ཀྱི་སའི་ཆ་སྒོ་བཞི་རེ་ཐང་དུ་ཡབ་གཡུ་ཐོག་ཁྱུང་པོ་རྡོ་རྗེ་དང༌། ཡུམ་པདྨ་འོད་ལྡན་གྱི་སྲས་སུ་དགེ་ལེགས་ཀྱི་མཚན་མ་བསམ་གྱིས་མི་ཁྱབ་པ་དང་བཅས་རབ་བྱུང་གཉིས་པའི་མེ་རྟ་སྤྱི་ལོ1126ལོ་ལ་སྐུ་འཁྲུངས། ཆུང་ངུ་ནས་བག་ཆགས་བཟང་པོའི་སྣང་བས་སྨན་གྱི་ངོས་འཛིན་ལ་སོགས་པ་འཁྲུལ་བ་མེད་པར་མཁྱེན། དགུང་ལོ་བཅུ་གཉིས་ཀྱི་སྐབས་སུ་མང་མཁར་ཚ་ལུང་པ་རོག་སྟོན་དཀོན་ཅོག་སྐྱབས་སྒོ་བཞི་རེ་ཐང་དུ་བྱོན་དུས་རྒྱས་པ་འབུམ་དང༌། རྟ་སྒ་སྲབ་བཅས་འབུལ་བ་གྱ་ནོམས་པ་ཕུལ་ཏེ་དཔལ་ལྡན་རྒྱུད་བཞི་རྫོགས་པར་ཞུས་ནས་རེ་ཞིག་ཆིག་བརྒྱུད་ཀྱི་བཀའ་རྒྱ་མ་བཀྲོལ་བར་རང་གིས་ཟབ་བཞེས་སུ་མཛད། སྔ་ཕྱིར་རྒྱ་གར་དུ་ལན་དྲུག་དང༌། དེ་དུས་སིངྒྷ་ལ་དང་གསེར་གླིང་ཚུན་ཆད་ལ་ཕེབས། རྫུ་འཕྲུལ་གྱི་བཀོད་པ་བསྟན་པ་བསམ་ལས་འདས་ཤིང་བརྟན་གཡོའི་དངོས་པོ་ཀུན་ལག་མཐིལ་དུ་སྐྱུ་རུ་ར་བཞག་པ་བཞིན་གཟིགས་ཏེ། བཀའ་འགྱུར་དང་བསྟན་འགྱུར་ཐུགས་ཐོག་ནས་འཆད་པ་དང༌། རྒྱ་གར་རྡོ་རྗེ་གདན་དུ་པཎ་ཆེན་བརྒྱ་ཕྲག་དུ་མའི་ཚོགས་དཔོན་མཛད། སྐུ་ཚེའི་སྟོད་དུ་ཡན་ལག་བརྒྱད་པ་ཁོ་ནའི་འཕྲིན་ལས་བསྐྱངས།
       2 གཞུང་བརྩམས་ཚུལ།
       《རྩ་དཔྱད་རིག་པ་དང་རང་གསལ》སྡེ་ཚན་ལྔ་པ་དང༌། 《ལག་ལེན་པོད་ཆུང༌།》 《རྒྱུད་ཆུང་བདུད་རྩི་སྙིང་པོ།》 《ཤོག་དྲིལ་སྐོར་གསུམ།》 《ལྡེ་མིག་སྐོར་དྲུག》སོགས་སྨན་གཞུང་མང་པོ་བརྩམས་པར་མཛད། རྒྱུད་བཞིའི་འཆད་ཐབས་སུ་ཆ་ལག་བཅུ་གསུམ་མམ་བཅོ་བརྒྱད་དུ་གྲགས།《ཁོག་འབུགས་ཁྱུང་ཆེན་ལྡིང་བ》དང༌། 《སྟོང་ཐུན་མཛེས་པའི་འཇའ་རིས།》 《ས་བཅད་སྟག་མོའི་རྔམས་ཐབས།》 《ཌིཀྐ་མུན་སེལ་གྲོན་མེ།》 《འགྲེལ་བ་འབུམ་ནག་གསལ་སྒྲོན།》 《རྩོད་བཟློག་གེགས་སེལ་འཁོར་ལོ།》 《སྐོར་ཚོམས་སྟོང་ཐུན་བཅུ་གཅིག》 《མིང་དོན་བརྡ་སྤྲོད་རྣམ་ལྔ།》 《ལག་ལེན་རིན་ཆེན་གཏེར་སྤུངས།》 《ཁ་ཐོར་རིན་ཆེན་སྤུངས་པ།》 《ལག་ལེན་སྨར་ཁྲིད་ཡིག་ཆུང༌།》 《མེད་ཐབས་མེད་པ་རྣམ་གསུམ།》 《གབ་པ་བཅོ་བརྒྱད།》 《ཟབ་པ་རྣམ་གསུམ།》 《མཁས་ཁྱད་ངོ་མཚར་བཞི་སྤྲུགས།》 《རྒྱུད་ཆུང་བདུད་རྩི་སྙིང་པོ།》 《གསོ་དཔྱད་མུ་ཏིག་ཕྲེང་བ།》 《ཕན་བྱ་སྔགས་འབུམ་དཀར་པོ》བཅས་རྣམས་ཡོད་པ་ལས། 《སྐོར་ཚོམས་སྟོང་ཐུན་བཅུ་གཅིག》དང༌། 《ལག་ལེན་སྨར་ཁྲིད་ཡིག་ཆུང༌།》 《གབ་པ་བཅོ་བརྒྱད།》 《མེ་ཐབས་མེད་པ་རྣམ་གསུམ།》 《ཁ་ཐོར་རིན་ཆེན་སྤུངས་པ།》 《ཁྱད་པར་ཟབ་པ་རྣམ་གསུམ།》 《མཁས་ཁྱད་ངོ་མཚར་བཞི་སྤྲུགས།》 《བདུད་རྩི་སྙིང་པོ།》 《མུ་ཏིག་ཕྲེང་བ》རྣམས་གཡུ་ཐོག་པ་རང་གི་གསུང་ཡིན་པར་ཕལ་ཆེར་བཞེད་པ་དང༌། གཞན་མ་རྣམས་རྫ་ཡེ་ཤེས་གཟུངས་དང༌། ཤག་རམ་པ་ཉི་མ་དཔལ། འབལ་སྨན། བྲང་ཏི། རོག་སྟོན་དཀོན་ཅོག་སྐྱབས་སོགས་ཀྱིས་བརྩམས་ཤིང༌། དེ་མིན《ཊྰིཀྐ་མུན་སེལ་སྒྲོན་མེ》དང༌། 《མིང་དོན་བརྡ་སྤྲོད་རྣམ་ལྔ》སོགས་བཻ་རོས་མཛད་ཅེས་ཟེར། གཞན་ཡང་སྨན་པའི་རྒྱལ་པོ་གཡུ་ཐོག་གསར་མ་ཞེས་པ་དེས《སྔོ་འབུམ་ཆེན་མོ་》དང༌། 《མན་ངག་སྙིང་པོ་དྲིལ་བ་འབུམ་ཁུ་ཚུར།》 《ཐོར་བུ་མེ་ལེན།》 《དེབ་ཆིངས་སྐྱོགས་ཀྱི་དཔེ་རིས།》 《བྱང་ཁོག་གི་རྩ་པྲ།》 《སྨུག་པོ་གསོ་བ་ཆུ་རྒྱུན་གྱི་གདམས་པ།》 《ལག་ལེན་པོད་ཆུང༌།》 《ཆུའི་འཁོར་ལོ།》 《པྲ་གསལ་བའི་མེ་ལོང༌།》 《བུ་དོན་མ།》 《འབྱུང་བ་ལུས་འཁྲུགས་ཀྱི་གེགས་སེལ།》 《དུག་ནད་ཞི་བ།》 《མོ་ནད་བཅོས་ཐབས་ཡིག་སྣ་བཅུ་བཞི་པ།》 《གཟེར་སྨན་གཉེན་པོ་ལྔ་སྦྱོར།》 《སྨན་པའི་བྱ་བ་མདོར་བསྡུས》སོགས་མཛད་དེ་བོད་གངས་ཅན་གྱི་ཡུལ་དུ་གསོ་དཔྱད་ཀྱི་བསྟན་པའི་སྒྲོན་མེ་ཆེས་ཆེར་སྤར་བར་མཛད།
       3 རྗེས་འཇུག་བུ་སློབ།
       དམ་པ་དེ་ལ་རྗེས་འཇུག་གི་སློབ་མ་ཀུན་བསྡོམས་ན་གནམ་གྱི་སྐར་མ་དང་སའི་དྲེག་པའི་དཔེ་བཞིན་བྱུང་བ་ནས་ཡོངས་གྲགས་ནི་ལྗང་སྨན་ལེབ་སེ། འབལ་སྨན་ཉི་མ་དཔལ། རྫ་ཡེ་ཤེས་གཟུངས། སྟོན་པ་ཨ་ཚེས། ཤག་རམ་པ་ཉི་མ་དཔལ། གཡུ་ཐོག་འབུམ་སེང་དང༌། བསོད་སེང༌། སུམ་སྟོན་ཡེ་ཤེས་གཟུངས། དགེ་བཤེས་རོག་ཆུང་རྣམས་ཡིན་ནོ། །