“པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ། ཞི་ཅིན་ཕིང་དང་ཨར་པ་ནི་ཡའི་ཙུང་ཐུང་མའེ་ཐ་རྣམ་གཉིས་ཀྱིས་ཀྲུང་གོ་དང་ཨར་པ་ནི་ཡའི་དབར་ཕྱི་འབྲེལ་བཙུགས་ནས་ལོ་ངོ་70འཁོར་བར་ཕན་ཚུན་རྟེན་འབྲེལ་གློག་འཕྲིན་བཏང་གནང་བ། 《ཀྲུང་གོའི་བོད་ལྗོངས》དུས་དེབ་སྤེལ་ནས་ལོ་འཁོར་30ལོན་པ་དང་ཀྲུང་གོའི་བོད་ལྗོངས་དྲ་བ་བཙུགས་ནས་ལོ་འཁོར་20ལོན་པའི་བཞུགས་མོལ་ཚོགས་འདུ་པེ་ཅིང་དུ་འཚོགས་པ། ཆེད་མཁས་པས2020ལོའི་བོད་ཀྱི་ལོ་སར་དང་དཔྱིད་གསར་དུས་ཆེན་གཉིས་བར་ཟླ་གཅིག་ཡོད་པའི་གསང་བ་བརྟོལ་བ། ཞི་ཅིན་ཕིང་གིས་ཨ་རིའི་རྒྱལ་དོན་བློན་ཆེན་ཟུར་པ་ཅིས་ཤིན་ཀེ་དང་མཇལ་འཛོམས་གནང་བ། ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས། 《གྲོང་གསེབ་བཅོས་སྐྱོང་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》བཀྲམ་པ། ཞི་ཅིན་ཕིང་གིས་ཅིན་ཀྲེང་ཨེན་དང་གྲོས་མོལ་གནང་བ།
ཀྲུང་གོའི་བོད་ལྗོངས་དྲ་བ། > ཆོས་ལུགས། > དགོན་སྡེ།

སེ་ར་དགོན་བཤད་སྒྲུབ་དར་རྒྱས་གླིང་།

སྤེལ་དུས 2019-11-07 ཡོང་ཁུངས། ཡོངས་འཛིན། རྩོམ་པ་པོ།
            སྤྱི་ལོ1829ལོར་སེར་རྒན་ཟླ་བ་གྲགས་པ་རིན་པོ་ཆེས་དུང་དཀར་ལུང་དུ་དགོན་པ་ཕྱག་འདེབས་མཛད་སྐབས། ལུང་ཕུག་ཏུ་མཛོ་རོ་བླ་མའི་རི་ཁྲོད་བཤད་སྒྲུབ་གླིང་དུ་གྲྭ་བ་ཁ་ཤས་བཞུགས་པ་རྣམས་ཀྱང་འདུན་པ་གཅིག་དྲིལ་གྱིས་རི་ཁྲོད་དེ་སེར་རྒན་ཟླ་གྲགས་རིན་པོ་ཆེ་ལ་ཕུལ་ནས། ཁོང་གིས་ཀྱང་ཞལ་བཞེས་གནང་སྟེ་རི་ཁྲོད་ཉམས་གསོ་དང་དགོན་པ་གསར་འདེབས་ཟུང་འབྲེལ་སྒོས་ལུང་མདོར་བཤད་སྒྲུབ་དར་རྒྱས་གླིང་ཞེས་པའི་སེ་ར་དགོན་སྡེ་བཞེངས་པ་ཡིན། ལྷ་སའི་སེ་ར་ཐེག་ཆེན་གླིང་གི་རྒྱུད་སྟོད་ཀྱི་ཕྱག་ལེན་ལྟར་དུ་བྱེད་པའི་དགེ་ལུགས་པའི་རྒྱུད་པ་གྲྭ་ཚང་ཞིག་ཡིན། ད་ལྟ་སི་ཁྲོན་རྔ་བ་ཁུལ་མཛོད་དགེ་རྫོང་ཨ་སྐྱིད་ཡུལ་ཚོའི་མངའ་ཁོངས་སུ་ཆགས་ཡོད།
            1 ​མཆོག་སྤྲུལ་རྣམ་གསུམ་གྱི་སྐུ་ཕྲེང་རིམ་བྱོན།
            དགོན་སྡེ་འདི་ལ་མཆོག་སྤྲུལ་རྣམ་པ་གསུམ་ཡོད་ལ་རེ་རེ་བཞིན་སྐུ་ཕྲེང་རིམ་བྱོན་འདི་ལྟ་སྟེ། དགོན་གསར་འདེབས་མཛད་པ་པོ་རྗེ་སེར་རྒན་ཟླ་བ་གྲགས་པའི་སྐུ་ཕྲེང་དང་བོ་ནི་སེར་སྨད་མཛོད་རོང་བློ་བཟང་ཕུན་ཚོགས། གཉིས་པ་དཀའ་ཆེན་ནམ་མཁའ་གྲགས་པ། གསུམ་པ་འཇམ་དཔལ་ལེགས་བཤད། བཞི་བ་རྗེ་སེར་རྒན་ཟླ་བ་གྲགས་པ། ལྔ་བ་གྲགས་པ་བསྟན་འཛིན། དྲུག་པ་བློ་བཟང་ཆོས་གྲགས་རྒྱ་མཚོ། བདུན་པ་བློ་བཟང་འཇིགས་མེད་དམ་ཆོས་བཅས། སྐྱེས་བུ་དམ་པ་ཤིང་བཟའ་སྐལ་བཟང་ཆོས་ཀྱི་རྒྱལ་མཚན་གྱི་སྐུ་ཕྲེང་དང་བོ་གནས་རྟེན་ཀ་ཏ་ཡ་ན། གྲུབ་པའི་དབྱང་ཕྱུག་པད་མ་ར་ཀ། བལ་བོ་འདུལ་འཛིན་བཤེས་གཉེན་པ། མོན་ཡུལ་ཀུན་སྤང་བ་བྲཛྙ་ས་ར། གྲུབ་ཐོབ་ཉི་ཕུག་ཆོས་ཀྱི་གྲགས་པ། རྣལ་འབྱོར་དབང་ཕྱུག་སྐྱེར་སྒང་བ། ལྷོ་བྲག་གྲུབ་ཆེན་ནམ་མཁའ་རྒྱལ་མཚན། ཚ་ཁོ་ངག་དབང་གྲགས་པ། ངག་དབང་ནམ་མཁའ་དཔལ་བཟང་། རྗེ་འཇིགས་མེད་ནམ་མཁའ་བཟང་བོ། བློ་བཟང་བསྟན་པའི་སྒྲོན་མེ། བསྟན་པའི་ཉི་མ། བློ་བཟང་འཇམ་དཔལ་ཚུལ་ཁྲིམས་རྒྱ་མཚོ། ངག་དབང་མཁྱེན་རབ་རྒྱ་མཚོ། བློ་བཟང་ཆོས་ཀྱི་རྒྱ་མཚོ། སྐལ་བཟང་ཆོས་ཀྱི་རྒྱལ་མཚན་བཅས་སྐུ་ཕྲེང་་བཅུ་དྲུག་ཡོད། དགེ་བཤེས་བློ་བཟང་དཀོན་མཆོག་ཐུབ་བསྟན་རྒྱ་མཚོའི་སྐུ་ཕྲེང་ནི་སྟག་ར་དགེ་བཤེས་བློ་བཟང་ལྷ་རམས་པ། སྟག་ར་དགེ་བཤེས་བློ་བཟང་། ངག་དབང་བློ་བཟང་བསྟན་པའི་རྒྱལ་མཚན། བློ་བཟང་དཀོན་མཆོག་ཐུབ་བསྟན་རྒྱ་མཚོ་བཅས་སྐུ་ཕྲེང་བཞི་ཡོད།
            2 སྐུ་གསུང་ཐུགས་རྟེན།
            ཆོས་སྐྱོང་ཐཱ་ཐོག་ཆོས་རྒྱལ་ཆེན་པོའི་སྤྲུལ་བའི་ངང་ནས་བཟོས་པའི་སྨན་སྐུ་སངས་རྒྱས་ཤྰཀྱ་ཐུབ་པའི་སྐུ། ས་སྐྱ་གོང་མ་ནས་གནང་བའི་ཙན་དན་ལས་གྲུབ་པའི་རྗེ་བཙུན་བྱམས་པ་མགོན་པོ། རྒྱ་གར་སོགས་ནས་གདན་དྲངས་པའི་ཐུབ་དབང་རྡོར་གདན་སོགས་ལི་གསེར་རྣམས་ལས་གྲུབ་པའི་སྐུའི་རིགས། སེ་ར་ཐེག་ཆེན་གླིང་ནས་གནང་བའི་མགོན་ཐང་བྱིན་ཅན། རྗེ་བློ་བཟང་གྲགས་པའི་ཞལ་འདོན་བྱིན་ཅན་ལམ་རིམ་ཆེན་མོ་དང་ཁོང་གི་ཕྱག་ཕྲེང་དང་བཞེས་ཅན། ཤིང་བཟའ་རིན་པོ་ཆེ་ནས་གདན་དྲངས་པའི་མཁའ་སྤྱོད་མའི་ཐང་ཀ་བྱིན་ཅན། ཇོ་བོ་རིན་པོ་ཆེའི་རྣམ་སྦྱར་བྱིན་ཅན། དགའ་ལྡན་གསེར་ཁྲི་རིན་པོ་ཆེས་གནང་བའི་རྒྱལ་བའི་བཀའ་འརྗམ་རྒྱས་འབྲིང་བསྡུས་གསུམ་དང་གསུང་འརྗམ། ཀུན་མཁྱེན་འཇམ་དབྱངས་བཞད་པས་གནང་བའི་སྐལ་འཕགས་ཏིང་གསུམ། གཞན་ཡང་སྐུ་ཆེ་ཆུང་བྱིན་ཅན་སྟོང་སྐུ་སོགས་དང་། བཀའ་དང་བསྟན་འགྱུར་གསུང་འརྗམ་སོགས། བླ་མ་རིམ་བྱོན་གྱི་སྐུ་གདུང་སོགས་སྐུ་གསུང་ཐུགས་རྟེན་བྱིན་ཅན་མང་བོ་བཞུགས།
            3 འདོན་ཆོས།
བོད་ཟླ་དང་བོའི་ཚེས་ལྔ་ནས་བཅོ་ལྔ་བར་ཆོ་འཕྲུལ་སྨོན་ལམ་ཆེན་མོ། ཚེས་བཅུ་དགུ་ནས་ཉེར་བདུན་བར་བདེ་མཆོག་བདག་འཇུག་གི་སྒྲུབ་མཆོད། ཟླ་གཉིས་པའི་ཚེས་གཅིག་ཉིན་རྣམ་རྒྱལ་སྟོང་མཆོད། ཚེས་བཅུ་གཅིག་ནས་བཅུ་དགུ་ལ་འཇིགས་བྱེད་ཀྱི་སྒྲུབ་མཆོད། ཟླ་གསུམ་པའི་ཚེས་བཅུ་གསུམ་ནས་བཅུ་དགུ་བར་ཐུགས་རྗེ་ཆེན་པོའི་མ་ཎི་རིལ་སྒྲུབ། ཚེས་ཉེར་དགུ་ནས་ཟླ་བཞི་བའི་ཚེས་བཅོ་ལྔ་བར་སྣང་མཛད་ཀྱི་སྒྲུབ་མཆོད། ཟླ་ལྔ་བའི་ཚེས་བཞི་ནས་བཅུ་གཉིས་བར་དཔལ་གསང་འདུས་ཀྱི་སྒྲུབ་མཆོད། ཟླ་དྲུག་པའི་ཚེས་བཞི་ནས་བདུན་བར་རྗེ་གསེར་ཁང་བའི་ཕྱག་བཞེས་ལྟར་མཆོད་པའི་ཆོས་ཐོག ཚེས་བརྒྱད་ནས་བཅུ་བཞི་བར་དགོན་གྲོང་གཉིས་ཀྱིས་མ་ཎི་དུང་ཕྱུར་སྒུབ་པའི་ཆོས་ཆོག ཚེས་བཅོ་ལྔ་ནས་ཟླ་བརྒྱད་པའི་ཚེས་གཅིག་བར་དུ་དབྱར་མགོའི་བསྐང་གསོ་ཆེན་པོ་དང་རིམ་བཞིན་དབྱར་གནས་ཀྱི་ཆོ་ག་བསྒྲུབ་པ།ཟླ་དགུ་བའི་ཚེས་བཅོ་ལྔ་ནས་ཉེར་གཉིས་པར་མདོ་སྨད་ན་དཀོན་པའི་ཆོས་ཐོག་མ་ཅིག་ལབ་སྒྲོན་གྱི་གཅོད་ཀྱི་སྒྲུབ་མཆོད། ཟླ་བཅུ་བའི་ཚེས་བཅུ་གཅིག་ནས་བཅོ་ལྔ་བའི་བར་རྗེ་བཙུན་བྱམས་སྨོན་ཆོས་ཐོག ཚེས་ཉེར་གསུམ་ནས་ཉེར་དྲུག་བར་དགའ་ལྡན་ལྔ་མཆོད་ཆེན་མོའི་ཆོས་ཐོག ཟླ་བཅུ་བའི་ཚེས་གཅིག་ནས་ལྔ་བར་དགོན་གྲོང་གཉིས་ཀྱི་གདུགས་དཀར་ཁྲི་ཚར་གྱི་ཆོས་ཐོག ཚེས་བཅུ་བཞི་ནས་བཅོ་ལྔ་བར་རྣམ་རྒྱལ་སྟོང་མཆོད། ཚེས་བཅུ་དྲུག་ནས་ཉེར་གཅིག་བར་དགོན་གྲོང་གཉིས་ཀྱི་སྒྲོལ་མ་འབུམ་ཚར་གྱི་སྒྲུབ་མཆོད། ཟླ་བཅུ་གཉིས་པའི་ཚེས་གསུམ་ནས་བདུན་བར་སངས་རྒྱས་སྨན་བླའི་སྒྲུབ་མཆོད། ཚེས་ཉེར་གསུམ་ནས་ཉེར་དགུའི་བར་ལོ་ཪྙིང་དགུ་གཏོར་ཆེན་མོའི་སྒྲུབ་མཆོད་བཅས།
            4 ད་ལྟའི་གནས་བབ།
            1980ལོར་ཆོས་དད་རང་མོས་ཀྱི་སྲིད་ཇུས་བཟང་བོའི་ཉི་གཞོན་ཤར་བས། མཆོག་སྤྲུལ་རྣམ་གསུམ་རང་དགོན་དུ་ཕེབས་ནས་དགོན་པ་བསྐྱར་བཞེངས་ཀྱི་དབུ་བརྩམས་ཤིང་། གོང་སྲིད་གཞུང་དང་ལྷ་སྡེ་སོགས་ཀྱི་རྒྱབ་སྐྱོར་འོག་འདུ་ཁང་དང་ལྷ་ཁང་། སྐུ་གསུང་ཐུགས་རྟེན་སོགས་ཆོས་སྤྱོད་ལེགས་འགྲུབ་བྱུང་ཡོད་ལ། མཆོག་སྤྲུལ་རྣམ་གསུམ་བཞུགས་པར་མ་ཟད་དགེ་འདུན་པ་བདུན་བཅུ་ལྷག་ཡོད།