རང་སར་མི་བཞག་མི་སར་རང་བཞག་ནས། དམངས་ཀྱི་དཀའ་གནད་ཤེས་རྟོཌ་ཐུབ་པ་དགོས།

          མིག་སྔར། ཁེ་ལས་མང་པོ་གཅིག་མཇུག་གཉིས་མཐུད་ངང་ལས་འགོ་བསྐྱར་འཛུགས་དང་ཐོན་སྐྱེད་སླར་གསོ་བྱེད་བཞིན་ཡོད་པས། རྒྱལ་ཁབ་ཁྲལ་དོན་སྤྱི་ཁྱབ་ཅུས་བོད་རང་སྐྱོང་ལྗོངས་ཁྲལ་དོན་ཅུས་ཀྱིས་ངོ་གཏུག་མི་དགོས་པར་ཁྲལ་དངུལ་བསྡུ་བའི་ཞབས་ཞུའི་ཁྱབ་ཁོངས་རྒྱ་ཆེར་བཏང་བ་དང་འབྲེལ་དྲ་ཐོག་ནས་ཁྲལ་བསྡུ་དང་། རྒྱང་ཁྲིད་ཞབས་ཞུ། སྤ་སེ་སྦྲག་བཀུར་སོགས་བྱེད་ཐབས་སྣ་ཚོགས་སྤྱད་པ་དང་། ཁྲལ་བསྡུའི་འགན་ནུས་ཀྱི་ནུས་པ་གང་ལེགས་བཏོན་ནས། ཁེ་ལས་ཀྱི་ལས་འགོ་བསྐྱར་འཛུགས་དང་ཐོན་སྐྱེད་སླར་གསོར་རྒྱབ་སྐྱོར་ཧུར་ཐག་དང་། གནད་སྨིན་དྲིལ་བསྒྲགས་ཟུར་ཁྲིད། ཞབས་ཞུའི་བྱེད་ཐབས་ཞིབ་ཚགས་སུ་དང་ལེགས་སུ་གཏོང་བ། རིམས་ནད་སྔོན་འགོག་ཚོད་འཛིན་རིང་གི་ཁྲལ་གྲོན་གཟིགས་སྐྱོང་སྲིད་ཇུས་ཀྱི་དོན་འཁྱོལ་ལ་སྐུལ་འདེད་ཧུར་ཐག་གཏོང་བ་བཅས་བྱས་ཏེ། ཁྲོམ་རའི་བྱེད་པོས་རིམས་ནད་ལ་ཁ་གཏད་ཧུར་ཐག་གཅོག་པ་དང་བརྟན་པོ་དང་རྒྱུན་མཐུད་ངང་ལས་དོན་སྤེལ་རྒྱུར་ནུས་ཤུགས་ཡོད་རྒུས་རྒྱབ་སྐྱོར་བྱས་པ་རེད།
          ཁྲལ་དོན་སྐར་ཁུང་དུ་འགྲོ་མི་དགོས་པར་ཐད་ཀར་ཁྲལ་དོན་ལས་སྒོ་གཉེར་ཐུབ་པ། ཁེ་ལས་དང་བྱ་གཞག་ཚན་པ་མང་པོ་ཞིག་གི་ནོར་དོན་སྡེ་ཚན་གྱིས། ཁྲལ་དོན་སྡེ་ཚན་གྱི་དམིགས་བསལ་ཞབས་ཞུར་བརྟེན་ནས་ཁྲལ་བསྡུའི་ལས་སྒོ་གཉེར་ཐུབ་པ་བྱུང་ཡོད།
          དོན་དངོས་ལས་ར་སྤྲོད་བྱས་དོན། དངོས་ཐོག་བདེན་འཚོལ་དང་ཡུལ་བབ་དང་བསྟུན་ཚེ་དམངས་འཚོའི“དོན་ཆུང”ཡག་པོ་བསྒྲུབས་ཐུབ་ནས་མི་སེར་གྱི་ཐོབ་ཚོར་མཐོ་རུ་གཏོང་ཐུབ། དམངས་ལ་ཞབས་འདེགས་ཞུ་བའི་འགག་རྩ་ནི་སེམས་ལ་ཐུག་ཡོད། དེས་ན། ཐོག་མཐའ་བར་གསུམ་དུ་དམངས་འཚོར་དོ་ཁུར་བྱེད་པ་དང་རང་སར་མི་དང་མི་སར་རང་བཞག་ཚེ། ད་གཟོད་ཏང་དང་མང་ཚོགས་དབར་གྱི“མཛའ་གཅུགས་གསེར་ཟམ”བཏོད་ཐུབ་ནས་མི་དམངས་ཀྱི་སེམས་པ་འགུག་ཐུབ།
          དམངས་འཚོར་དོན་ཆུང་མེད། ཐོག་མཐའ་བར་གསུམ་དུ་གཞན་དཔེ་རང་ལ་བཀབ་ནས་བསམ་གཞིག་བྱེད་རྒྱུ་མཐའ་འཁྱོངས་བྱེད་པ་དང་། ཐོག་མཐའ་བར་གསུམ་དུ་མི་དམངས་མང་ཚོགས་ལ་བརྩེ་སེམས་བཅངས་ཚེ། མི་དམངས་མང་ཚོགས་ཀྱི་ལྷད་མེད་པའི་མོས་བསྟོད་ཐོབ་ཐུབ། འགོ་ཁྲིད་ལས་བྱེད་པ་ཕྱིར་ཐོན་པ་དང་གོམ་པ་སྤོས་ནས་དམངས་འཚོའི་དཀའ་ཚེགས་ཤེས་རྟོགས་བྱེད་དགོས་པ་མ་ཟད། དོན་འཁྱོལ་ལའང་དམ་འཛིན་བྱས་ཏེ་དཀའ་ངལ་ཆེ་སར་བསྐྱོད་ཕོད་པ་དང་ཉེན་ཁའི་གནད་ལ་གཏུག་ཕོད་པའི་སྒོ་ནས་ལྷག་བསམ་རྣམ་དག་གིས་མི་དམངས་ཀྱི་སེམས་ཁྲལ་སེལ་དགོས། “དཔོན་ཉམས”དོར་བ་དང“སྙིང་གཏམ”མང་ཙམ་བརྗོད་ཚེ། ད་གཟོད་མང་ཚོགས་ཀྱི“སྙིང་ཉེ་ས”དང་དམངས་སེམས་ཀྱི“དྲོད་སྲུང་མཁན”དུ་གྱུར་ཐུབ།
          “དམངས་ཀྱི་འདོད་བློ་དང་བསྟུན་པ་དང་དམངས་འཚོ་ལེགས་སུ་གཏོང་བ་ནི་སྲིད་སྐྱོང་བའི་ཐབས་ཤེས་ཡིན” མི་སེར་གྱི“དོན་དག་ཆུང་གྲས”སེམས་ནང་འཆང་བ་དང་མི་སེར་གྱི་དམངས་འཚོའི“དོན་ཆུང”ལ་དམ་པོར་དམིགས་པ་ནི་དུས་རབས་གསར་པའི་བརྗོད་གཞི་གསར་པ་རེད། སེམས་རྣལ་དུ་ཕབ་པ་དང་བརྩེ་སེམས་ལ་བརྟེན་ནས“དོན་ཆུང”ཚང་མ་ཞིབ་ཚགས་དང་ཏན་ཏིག་བསྒྲུབ་ཚེ་མི་སེར་གྱི་བདེ་སྐྱིད་ཚོར་སེམས་དང་། ཐོབ་ཚོར། བདེ་འཇགས་ཚོར་སེམས་བཅས་རྒྱུན་ཆད་མེད་པར་མཐོ་རུ་གཏོང་ཐུབ་ལ། མི་དམངས་བློ་ཡིད་ཚིམ་པའི་དམངས་འཚོའི་རྒྱུགས་ལན་ཞིག་ཀྱང་འབུལ་ཐུབ།

རྩོམ་སྒྲིག་པ། བདེ་སྒྲོལ།