ཕྱོགས་གཉིས་ཀར་དམ་འཛིན་བྱས་ཏེ་སེམས་ཐག་གཙང་བཅད་ཀྱིས་རྒྱལ་ཁ་གཉིས་ལེན་རྒྱུའི་བརྩོན་ལེན་བྱེད་དགོས།

          གཅིག་གྱུར་འཆར་འགོད་ལས་དོན་ཡག་པོ་སྒྲུབ་པ་དང་། གཙོ་གནད་འབུར་ཐོན་བྱེད་པ། ཤུགས་རྒྱག་སར་དམ་འཛིན་བྱེད་དགོས། ནང་འདྲེན་རང་བཞིན་གྱི་ཉེན་ཁའི་ཐད། འགག་སྒོར་གྲལ་བཤེར་དང་། གནས་གཏན་འཁེལ་དུ་ལོགས་དབྱེ། སྨན་བཅོས་སྐྱོབ་བཅོས་བཅས་ལྷུ་ཚིགས་གསུམ་བརྒྱུད་ས་ཁོངས་ཕྱིའི་ནད་དཔེ་རྒྱལ་ནང་དུ་འཐོན་རྒྱུ་སྔོན་འགོག་ཡག་པོ་བྱེད་དགོས་པ་དང་། རྒྱལ་ནང་དུ་མུ་མཐུད་ཆ་འཕྲིན་ཡོངས་བསྒྲགས་དང་ཁ་གསལ་བྱས་ནས། རིམས་ནད་གཙང་སེལ་བྱེད་པའི་བརྒྱུད་རིམ་ནང་སྦ་གསང་དང་ཆད་ཞུ་བྱས་རིགས་གཏན་འགོག་མཐའ་གཅིག་ཏུ་བྱེད་དགོས་ཤིང་། འཕེལ་ཕྱོགས་ཆེན་པོ་ཁོང་དུ་ཆུད་པ་བྱས་ནས་རྒྱང་རིང་ལ་ཇུས་འགོད་བྱེད་དགོས། རང་རྒྱལ་གྱི་དཔལ་འབྱོར་དུས་ཡུན་རིང་པོར་ཡག་པའི་ཕྱོགས་སུ་འཕེལ་བའི་གཞི་རྩའི་ཆ་དང་ནང་གནས་འཕེལ་རྒྱས་ཀྱི་འཕེལ་ཕྱོགས་ལ་འགྱུར་བ་བྱུང་མེད་པས། རིམས་ནད་རྗེས་ཀྱི་ཐོན་ལས་འཕེལ་རྒྱས་ཐད་སྔོན་ཚུད་ནས་བཀོད་སྒྲིག་བྱེད་པ་དང་། ཚོད་འཛིན་ཐེབས་པའི་འཛད་སྤྱོད་དགོས་མཁོ་འཕེལ་བ་བྱེད་པ། དུས་ཐུང་གི་གནོན་ཤུགས་དེ་ཡུན་རིང་རིམ་སྤོར་གྱི་སྒུལ་ཤུགས་སུ་བསྒྱུར་བ་བྱས་ཏེ། སྤུས་ཚད་མཐོ་བའི་གོང་འཕེལ་གྱི་བར་ཁམས་གསར་པ་གཏོད་དགོས་ཞེས་ནན་སྟོན་བྱས་ཡོད།

རྩོམ་སྒྲིག་པ། བདེ་སྒྲོལ།