འདི་ལོའི་རྒྱལ་ཡོངས་ཚོགས་ཆེན་གཉིས་ལ་ལོ་རབས་དགུ་བཅུའི་རྗེས་སྐྱེས་ཀྱི་འཐུས་མི་དང་ཨུ་ཡོན་མི་ཉུང་བ་ཞིག་ཡོད་ཅིང་། ཁོང་རྣམ་ཚོ་ནི་ལས་རིགས་སྣ་ཚོགས་ལས་ཕེབས་པས་མཚོན་བྱེད་རང་བཞིན་རྒྱ་ཁྱབ་ལྡན་ཡོད། འབད་འཐབ་བྱ་རྒྱུ་ནི་ལང་ཚོའི་བཀྲག་མདངས་འཚེར་ཤོས་ཀྱི་གཞི་མདངས་ཡིན། ཚོགས་ཆེན་ཉི་ཤུ་པའི་དགོངས་དོན་ཁྱོན་ཡོངས་ནས་དོན་འཁྱོལ་མཐར་ཕྱིན་བྱེད་འགོ་རྩོམ་པའི་ལོར། ཁོང་ཚོས་ལོ་རབས་90པའི་རྗེས་སྐྱེས་པའི་ན་གཞོན་མི་རབས་རྣམས་ཀྱི་ཚབ་ཞུས་ཏེ་རྒྱང་སྐྱོད་གསར་པ་དང་རྒྱང་འགྲིམས་གསར་པའི་མདུན་གྲལ་དུ་བསྐྱོད་དེ་ཀྲུང་ཧྭ་མི་རིགས་ཀྱི་བསྐྱར་དར་རླབས་པོ་ཆེའི་རེ་འདུན་གསར་པའི་མི་སེམས་འགུལ་བའི་འགོ་བརྩམས་ཡོད།
རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་ཀྲུའུ་ཡུའེ་མེང་ནི་མཚོ་དམག་ལིའོ་ཉིང་དམག་གྲུའི་རུ་འབྲིང་ཞིག་གི་ཧྲའོ་ཤའོ་ཆབ་སྲིད་སློབ་སྟོན་པ་ཞིག་ཡིན། ཁོང་གིས་ངའི་འགྲམ་དུ་དམག་ནང་ཞུགས་ནས་ལོ་ངོ་30ཙམ་ཕྱིན་པའི་རིགས་གཅིག་མཁས་ཅན་གྱི་“དམག་རྒྱལ་”ཡོད་ལ། སྤྲོ་སེམས་རབ་ཏུ་འཕེལ་བའི་ཉིས་སྟོང་ལོའི་རྗེས་སྐྱེས་ཀྱི་དམག་གསར་ཡང་ཡོད། ཕྱོགས་བཞི་མཚམས་བརྒྱད་ཡོང་ཞིང་མི་རིགས་18ལས་གྲུབ་པའི་གྲངས་ཉུང་མི་རིགས་ཀྱི་དམག་གྲུ་པ་ཡོད་ཅིང་། ཚང་མས་ལང་ཚོ་དང་ཕུགས་འདུན་མེས་རྒྱལ་གྱི་མཚོ་འགྲུལ་བྱ་གཞག་ནང་འདྲེས་པར་བྱས་ཤིང་། དམག་གྲུ་གཅིག་ལ་མི་གྲངས་སྟོངས་བཞུགས་པས། ལེ་དབར་ཁྲི་ཡི་ཁ་ཕྱོགས་ནོར་མི་སྲིད་ཅེས་གསུངས་ཡོད། ཁོང་གིས། ཏང་དང་མི་དམངས་ཀྱིས་སྤྲད་པའི་ལས་འགན་མཐའ་གཅིག་ཏུ་ལེགས་སྒྲུབ་བྱ་རྒྱུ་ཡིན། དེ་དང་ཆབས་ཅིག་ན་གཞོན་གྲོགས་པོ་དེ་བས་མང་བ་གནམ་གྲུ་འབབ་སའི་གྲུ་གཟིངས་ཀྱི་བྱ་གཞག་ནང་ཞུགས་ཏེ། ཐག་རིང་གི་རྒྱ་མཚོ་དང་དེ་བས་གཏིང་ཇེ་ཟབ་ཀྱི་མཚོ་མཐིལ་དུ་མཉམ་དུ་བསྐྱོད་རྒྱུར་དགའ་བསུ་ཞུ་རྒྱུ་ཡིན་ཞེས་གསུངས་པ་རེད།
ཀྲུའུ་ཡུའེ་མེང་།
རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་ཧྲི་ཡན་ཚའེ་ནི་1990ལོར་མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་དུ་སྐྱེས། ཆུང་དུས་མི་གཞན་ལ་ལུག་འཚོ་རོགས་བྱས་ནས་ཡོང་འབབ་གསོག་མཁན་གྱི་ལུག་རྫི་ཆུང་ཆུང་ཞིག་རེད། ཨ་ཕས་རྒྱབ་སྐྱོར་ཤུགས་ཆེན་བྱས་པ་དང་ཉིང་རྡུལ་བཟོ་ལས་སློབ་གསོའི་རོགས་སྐྱོར་སྲིད་ཇུས་ལ་བརྟེན་ནས་ཉིང་རྡུལ་བཟོ་ལས་ཀྱི་ཚ་ལ་རྒྱག་མཁན་ཞིག་ཏུ་གྱུར་ཡོད། ཁོང་གིས་ལོ་ངོ་15ཡི་རིང་ཉིན་གཅིག་ལྟར་འབད་བརྩོན་ལྷོད་མེད་དང་དཀའ་སྤྱད་སྙིང་རུས་བྱས་ནས། གང་ཡང་མི་ཤེས་པའི་མི་ཞིག་ནས་རིམ་བཞིན་རྒྱལ་ཡོངས་ཀྱི་ལག་རྩལ་མཁས་པའི་མཚན་སྙན་ཐོབ་པའི་རྒྱལ་ཁབ་ཆེན་པོའི་ལག་ཤེས་པར་གྱུར་ཡོད། ཁོང་གིས་དུས་རབས་གསར་པའི་ཐོན་ལས་བཟོ་པའི་དཔུང་ཁག་གསོ་སྐྱོང་ཤུགས་ཆེར་གཏོང་རྒྱུའི་སྐོར་གྱི་གྲོས་འགོ་བཏོན་པ་དང་། མདེལ་གཉིས་སྐར་གཅིག་གི་སྙིང་སྟོབས་དར་སྤེལ་བཏང་ནས། རྒྱལ་ཁབ་ཀྱི་ཉིང་རྡུལ་ཚན་རིག་ཉིན་མོ་བཙུགས་ཐོག ཉིང་རྡུལ་བཟོ་ལས་ལས་སྐྲུན་གྱི་ཐོག་མའི་བསམ་འདུན་ཡིད་ལ་བརྟན་པོར་ངེས་དགོས་པའི་གྲོས་འགོ་བཏོན་ཡོད། ཧྲི་ཡན་ཚའེ་ཡིས་མི་ཚང་མར་འཇོན་ནུས་ངོམས་པའི་གོ་སྐབས་ཡོད་པའི་དུས་རབས་འདིར་གཞོན་ནུ་ཚོས་དེ་བས་སྤྱིར་བཏང་གི་འཚོ་བ་སྐྱེལ་ཐུབ་པ་དང་ཁེར་རྐྱང་དུ་སྡོད་ཐུབ་པ་ནས་ཆེས་གཞི་རིམ་གྱི་ལས་གནས་སུ་ཕུགས་འདུན་དོན་གཉེར་བྱེད་པར་བསྐྱོད་དགོས་ཞེས་གསུངས་ཡོད།
ཧྲི་ཡན་ཚའེ།
ཡུན་ནན་ཧུང་ཧོ་ཡི་ཧ་ཉི་སྐས་ཞིང་མཐོ་ཤོས་ལ་རིམ་པ་3700ལྷག་ཙམ་ཟིན་གྱི་ཡོད་པས་འཛམ་གླིང་ཤུལ་བཞག་གི་མིང་གཞུང་ནང་བཅུག་ཡོད། རྒྱལ་ཡོངས་སྲིད་གྲོས་ཀྱི་ཨུ་ཡོན་དབྱང་ཡུས་ཉི་ནི་1995ལོའི་རྗེས་སུ་སྐྱེས་པ་ཞིག་ཡིན་ཞིང་། ཁོང་སྐས་ཞིང་འགྲམ་དུ་སྐྱེས་པ་དང་སྐས་ཞིང་འགྲམ་དུ་འཚར་ལོང་བྱུང་བ་དང་། ད་ཆ་ཧ་ཉི་སྐས་ཞིང་གི་ཞིང་ས་གཤིན་པོ་སྲུང་སྐྱོང་ལས་ལ་གཞོལ་བཞིན་ཡོད། ཁོང་གིས་བེད་སྤྱོད་ཡོད་པའི་འཛམ་གླིང་ཤུལ་བཞག་སྲུང་སྐྱོང་དང་རྒྱུན་འཛིན་བྱ་ཤུགས་ཆེ་རུ་གཏོང་བའི་གྲོས་གཞི་ཞིག་རྒྱལ་ཡོངས་ཀྱི་ཚོགས་ཆེན་གཉིས་ལ་བཏོན་ཡོད། ཁོང་གིས། ང་ཚོའི་ཕུལ་བྱུང་གི་མི་རིགས་རིག་གནས་རྒྱུན་འཛིན་དང་དར་སྤེལ་བཏང་སྟེ། མི་རིགས་མཐུན་སྒྲིལ་ཡར་ཐོན་ཆེད་ལེགས་སྐྱེས་འབུལ་རྒྱུ་ནི་ངའི་བློ་བརྟན་འགྱུར་མེད་ཀྱི་གདམ་ག་ཞིག་ཡིན་ཞེས་གསུངས་པ་རེད།
དབྱང་ཡུས་ཉི།
1995ལོའི་རྗེས་སུ་སྐྱེས་པའི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་ཅི་ལེ་ཙེ་རི་ནི་སི་ཁྲོན་ལེའང་ཧྲན་ཆེན་མོའི་ཨ་པུའུ་ལུའོ་ཧ་གྲོང་ཚོའི་ཏང་ཀྲི་པུའི་ཧྲུའུ་ཅི་ཡིན། ཨ་པུའུ་ལུའོ་ཧ་གྲོང་ཚོ་ནི་རྒྱལ་ཡོངས་སུ་གཞུང་ལམ་ཤར་གཏོང་ཐུབ་པའི་སྒྲིག་གཞི་ཚང་བའི་གྲོང་ཚོ་མཐའ་མ་དེ་རེད། ཅི་ལི་ཙེ་རི་ནི་གྲོང་ཚོ་དེ་ཡོངས་ཀྱི་སློབ་ཆེན་སློབ་མ་དང་པོ་དེ་ཡིན་པ་དང་སློབ་ཆེན་མཐར་ཕྱིན་རྗེས་གྲོང་ཁྱེར་ནང་ལས་ཀ་ཡག་པོ་ཞིག་རྙེད་ཡོད་མོད། འོན་ཀྱང་རིག་གནས་ཡོད་པ་མ་ཟད་སྤྱི་སྐད་ཤོད་ཤེས་མཁན་ཁོང་ནི་གྲོང་མི་ཡོངས་ཀྱི་རྒྱབ་རྟེན་ཡིན་པས་ཡུལ་མི་ཚོས་ཁོང་ལ་རེ་བ་ཆེན་པོ་བཅོལ་ཡོད། ཕ་ཡུལ་དུ་ལོག་རྗེས་ཅི་ལི་ཙེ་རི་གྲོང་ཚོའི་ཏང་ཀྲི་པུའི་ཧྲུའུ་ཅིར་བདམས་པ་རེད། ཁོང་གིས་གྲོང་མི་ཚོའི་སྣེ་ཁྲིད་དེ་འབྲས་འདེབས་པ་དང་། ཚ་ལུ་མའི་འབྲས་ཤིང་འདེབས་གསོ། བྱ་དེ་གསོ་བ། ར་ནག་གསོ་བ་སོགས་བརྒྱུད། དབུལ་སྒྲོལ་འགག་གཏོར་གྱི་རླབས་ཆེན་བྱ་གཞག་གི་རྗེས་ཟིན་ནས་ཨར་འདམ་ལམ་ཡང་ཨ་པུའུ་ལུའོ་ཧ་གྲོང་མིའི་སྒོ་འགྲམ་བར་བཏིང་ཡོད། མིག་སྔར་གྲོང་ཚོར་དམངས་སྤྱོད་མགྲོན་ཁང་དང་སྐར་ཚོགས་བཀྲ་བའི་སྒར་ས་བསྐྲུན་བཞིན་པ་མ་ཟད། ད་དུང་གྲོང་གསེབ་ཀྱི་ཡུལ་སྐོར་རྣམ་གྲངས་མང་པོ་བསྐྲུན་རྒྱུ་རེད། ཅི་ལི་ཙེ་རི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིར་བདམས་རྗེས་གྲོང་ཚོའི་ནང་འཁྲུག་ཆ་ཧ་ཅང་དོད་པར་གྱུར། ཁོང་གིས། ང་རང་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིར་བདམས་ཐོན་བྱུང་བ་དེ་ནི་མཚན་སྙན་ཧ་ཅང་ཆེན་པོ་ཞིག་རེད། ས་གནས་དེ་གའི་འབྱུང་འགྱུར་འཕེལ་རྒྱས་ཀྱི་དགོས་མཁོ་དང་དམངས་འཚོའི་དགོས་མཁོ་གོང་ཞུ་བྱེད་པ་དེ་ངའི་ངོས་ནས་བརྗོད་ན་འགན་འཁྲི་ལྕི་པོ་ཞིག་རེད་ཅེས་གསུངས་ཡོད།
ཅི་ལི་ཙེ་རི།
ལོ་རབས་90པའི་ནང་སྐྱེས་པའི་རྒྱལ་ཡོངས་ཀྱི་འཐུས་མི་དང་ཨུ་ཡོན་ནི་ཆེས་གཞི་རིམ་གྱི་མང་ཚོགས་དང་ལས་རིགས་ཁག་གི་ཁྲོད་ནས་ཡོང་བ་དང་། ཁོང་ཚོའི་ལུས་ཐོག་ནས་ང་ཚོས་ཀྲུང་གོའི་ན་གཞོན་མི་རབས་དར་རྒྱས་བྱུང་བ་མཐོང་ཐུབ། ཁོང་ཚོ་དང་རྒྱལ་ཁབ་འཕེལ་རྒྱས་འགྲོ་ཚུལ་གཅིག་མཚུངས་ཡིན་ཞིང་། ཀྲུང་གོའི་རྣམ་པའི་དེང་རབས་ཅན་གྱི་ལོ་རྒྱུས་ཀྱི་རླབས་ཆེའི་བྱ་གཞག་གསར་པ་ཁྱོན་ཡོངས་ནས་མངོན་འགྱུར་ཡོང་བའི་སྟོབས་ཤུགས་གསར་པ་མངོན་ཡོད།
རྩོམ་སྒྲིག་པ། སྣང་རྡོར།
