ཟླ1ཚེས23ཉིན་གྱི་ཕྱི་དྲོར། བོད་རང་སྐྱོང་ལྗོངས་ཀྱི་སྲིད་གྲོས་སྐབས་བཅུ་གཅིག་པའི་ཨུ་ཡོན་ལྷན་ཁང་གི་གྲོས་ཚོགས་ཐེངས་དང་པོ་ལྷ་སར་འཚོགས་ཤིང་། པར་འདི་ནི་ཆོས་ལུགས་སྡེའི་ཨུ་ཡོན་གྱིས་སྲིད་གྲོས་ལས་དོན་སྐོར་གྱི་སྙན་ཞུར་གསན་བཞིན་པ་རེད།
ཟླ1ཚེས23ཉིན། གྲྭ་བཙུན80ཡིས་ལུས་ལ་ངུར་སྨིག་གཟན་ཤམ་གྱོན་ཏེ་བོད་རང་སྐྱོང་ལྗོངས་སྲིད་གྲོས་ཀྱི་ཚོགས་ཁང་དུ་སླེབས་འདུག་ཅིང་། ཁོང་ཚོ་ནི་ཀྲུང་གོའི་ས་གནས་སྲིད་གྲོས་ཁྲོད་གྲངས་འབོར་ཆེས་མང་ཤོས་ཀྱི་ཆོས་ལུགས་སྡེའི་སྲིད་གྲོས་ཨུ་ཡོན་གྱི་ཚོགས་སྡེ་ཞིག་ཞིག་རེད།
ཚེས23ཉིན་གྱི་ཕྱི་དྲོར། བོད་རང་སྐྱོང་ལྗོངས་ཀྱི་སྲིད་གྲོས་སྐབས་བཅུ་གཅིག་པའི་ཨུ་ཡོན་ལྷན་ཁང(གཤམ་དུ་བོད་རང་སྐྱོང་ལྗོངས་སྲིད་གྲོས་ཞེས་བསྡུས)གྲོས་ཚོགས་ཐེངས་དང་པོ་ལྷ་སར་འཚོགས།
བོད་རང་སྐྱོང་ལྗོངས་སྲིད་གྲོས་ཀྱིས་ཚོགས་འདུ“ཁུ་བསྡུ”བྱས་ཏེ་འཚོགས་ཤིང་། ཨུ་ཡོན་གྱི་གྲངས་ཚད་ཀྱང་འོས་འཚམ་གྱིས་ཉུང་དུ་བཏང་ཡོད་པ་རེད། སྐབས་གསར་པའི་བོད་རང་སྐྱོང་ལྗོངས་ཀྱི་སྲིད་གྲོས་ལ་ཨུ་ཡོན་ཁྱོན་བསྡོམས519ཡོད་པ་དང་། སྐབས་སྔོན་མའི་མི་གྲངས615ཡི་གཞི་ཁྱོན་ལས15.6%གིས་ཇེ་ཉུང་དུ་སོང་ཡོད། སྐབས་གསར་པའི་བོད་རང་སྐྱོང་ལྗོངས་སྲིད་གྲོས་ཨུ་ཡོན་ཁྲོད་ཆོས་ལུགས་སྡེའི་མི་སྣ་ཁྱོན་བསྡོམས80ཡོད་ལ། ལས་རིགས་སྡེ16ནང་ནས་བསྡུར་གྲངས་མཐོ་ཤོས་ཟིན་ཡོད་པ་རེད།
བོད་རང་སྐྱོང་ལྗོངས་ཀྱི་སྲིད་གྲོས་སྐབས་བཅུ་པའི་ཨུ་ཡོན་ལྷན་ཁང་གི་ཀྲུའུ་ཞི་གཞོན་པ་ཀའོ་ཡང་གིས་ངོ་སྤྲོད་བྱས་པར་གཞིགས་ན། བོད་རང་སྐྱོང་ལྗོངས་སྲིད་གྲོས་ཀྱི་ལོ་ལྔའི་རིང་ལ་ཁྱོན་བསྡོམས་གྲོས་གཞི2405བདག་སྤྲོད་བྱས་ཡོད་པ་དང་། ཞིབ་བཤེར་བྱས་པ་བརྒྱུད་གྲོས་གཞི2347ཐོ་འགོད་ནང་ཚུད་པར་བྱས་ཡོད། 2017ལོའི་ལོ་མཇུག་བར། གྲོས་གཞི་ཚང་མར་སྒྲུབ་ལན་བཏབ་ཚར་ཞིང་། སྒྲུབ་ལན་སློག་ཚད100%སླེབས་ཡོད་པ། ཨུ་ཡོན་ཡིད་ཚིམ་དང་ཕལ་ཆེར་ཡིད་ཚིམ་ཚད98% ཡན་ཟིན་ཡོད། ཁོང་གིས་དེའི་ཁྲོད་གྲོས་གཞི་ཕྱེད་གྲངས་ལས་བརྒལ་བ་ནི་ཐག་གཅོད་བྱས་ཟིན་པའམ་ཡང་ན་གྲོས་གཞི་དག་དང་ལེན་བྱེད་པའི་དགོངས་འཆར་བཏོན་འདུག གྲོས་གཞི་གཞན་དག་ནི་ཐག་གཅོད་བྱེད་རྩིས་ཡོད་པའམ་དང་ལེན་གྱི་ཁྱབ་ཁོངས། ཡང་ན་དཔྱད་གཞིར་རུང་པའི་གྲས་སུ་བཞག་ཡོད་ཅེས་ངོ་སྤྲོད་གནང་བྱུང་།
“གཞི་གྲངས་ཆེན་པོའི”ངོས་ནས་བོད་རང་སྐྱོང་ལྗོངས་ཀྱི་སྲིད་གྲོས་ཨུ་ཡོན་གྱིས་འགན་ནུས་སྒྲུབ་ཚུལ་གནས་ཚུལ་ལ་བལྟས་ན། ཨུ་ཡོན་རྣམས་ཀྱིས་འཕེལ་རྒྱས་དང་བརྟན་བརླིང་། སྐྱེ་ཁམས། དམངས་འཚོར་དོ་ཁུར་ཆེན་པོ་གནང་གི་ཡོད་དེ། འབྲེལ་ཡོད་གྲོས་གཞིའི་སྤྱིའི་བསྡུར་གྲངས་ཟིན་ཚད86%ཟིན་ཡོད་ལ། ཨུ་ཡོན་རྣམས་ཀྱིས་བོད་ལྗོངས་ཀྱི་འཕེལ་རྒྱས་མགྱོགས་པོར་ཚད་མཐོའི་དོ་ཁུར་བྱེད་ཀྱི་ཡོད། ལོ་ལྔའི་ནང་འབྲེལ་ཡོད་གྲོས་གཞི851བཏོན་ཡོད་ལ། ཐོ་འགོད་བྱས་པའི་གྲོས་གཞིའི་བསྡོམས་འབོར་གྱི36%ཟིན་ལ། དེའི་ནང་དྲ་སྦྲེལ་དངུལ་རྩའི་དཔལ་འབྱོར་འཕེལ་རྒྱས་གཏོང་པ་དང་། “རྒྱུད་གཅིག་ལམ་གཅིག”འཛུགས་སྐྲུན་ནང་ཞུགས་པ་སོགས་འདུས་ཡོད་པ་རེད།
བོད་རང་སྐྱོང་ལྗོངས་སྲིད་གྲོས་སྐབས་བཅུ་པའི་ཨུ་ཡོན་ལྷན་ཁང་གི་ཀྲུའུ་ཞི་གཞོན་པ་བསྟན་ཁོས་ངོ་སྤྲོད་བྱས་པར་གཞིགས་ན། ལོ་ལྔའི་རིང་བོད་རང་སྐྱོང་ལྗོངས་སྲིད་གྲོས་རྒྱུན་ལས་ཨུ་ཡོན་ལྷན་ཁང་གིས་ཀྲུང་གོའི་རྒྱལ་ཁབ་ཀྱི་གཅིག་གྱུར་དང་བདེ་འཇགས། མི་རིགས་མཐུན་སྒྲིལ་མཐའ་གཅིག་ཏུ་སྲུང་སྐྱོབ་བྱས་པ་ཡིན་ལ། བོད་རང་སྐྱོང་ལྗོངས་སྲིད་གྲོས་ཀྱིས་ཞིང་ཆེན་རིམ་པའི་སྲིད་གྲོས་འཐུས་མི་ཚོགས་པ6རྩ་འཛུགས་བྱས་ནས་རྒྱ་གར་དང་འཇར་མན། ཀེ་རི་སེ། ཨོ་སི་ཁྲུ་ལི་ཡ་སོགས་རྒྱལ་ཁབ10ལྷག་ཙམ་ལ་འཚམས་འདྲི་གནང་པ་དང་། བོད་ལྗོངས་ཀྱི་གནས་ཚུལ་དྲིལ་བསྒྲགས་ཡག་པོ་གནང་ཡོད་པ་རེད།
ཤེས་རྟོགས་བྱུང་པར་གཞིགས་ན། བོད་རང་སྐྱོང་ལྗོངས་སྲིད་གྲོས་ཀྱིས་ལོ་རེར་ལྷ་སར་བཅའ་སྡོད་བལ་བོའི་སྤྱི་ཁྱབ་གཞུང་ཚབ་ལས་ཤག་གི་དཔོན་རིགས་གདན་འདྲེན་ཞུས་ནས་གྲོས་ཚོགས་ཟུར་ཉན་གནང་དུ་བཅུག་ནས་བོད་ལྗོངས་ཀྱི་བཅོས་སྒྱུར་དང་འཕེལ་རྒྱས་ཀྱི་གྲུབ་འབྲས་ཉམས་སུ་མྱངས་འདུག
