ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་གཉིས་པ།
སྤེལ་དུས 2020-09-04
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
1984ལོའི་ཟླ་3པར་འཚོགས་། ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་དང་པོ་འཚོགས་རྗེས། བོད་ལྗོངས་ཀྱིས་དཔལ་འབྱོར་འཕེལ་རྒྱས་གཏོང་བ་དང་། དབུལ་བཅོས་ཕྱུག་འགྱུར། སོར་ཆུད་སྐྱེ་འཕེལ་ལག་ལེན་བསྟར་བ་བཅས་ཀྱི་སྲིད་ཇུས་རབ་དང་རིམ་པ་སྤྱད་དེ་བོད་ལྗོངས་ཀྱི་དཔལ་འབྱོར་དང་ལྷག་དོན་དུ་ཞིང་འབྲོག་ཁུལ་གྱི་དཔལ་འབྱོར་ཐད་བསྐྱར་གསོ་གང་ལེགས་ཞིག་བྱུང་ཡོད་ནའང་བོད་དང་རྒྱལ་ཡོངས་དབར་ཧེ་བག་ཧ་ཅང་ཆེན་པོ་ཡོད་པ་དང་། ས་ཆ་ལ་ལ་སྔར་བཞིན་དབུལ་པོའི་གནས་སུ་གྱར་ཡོད། ཚོགས་འདུ་འཚོགས་པ་དེས་རྒྱལ་ཡོངས་རང་བཞིན་གྱི་བོད་སྐྱོར་ལས་གྲྭ་འགོ་ཚུགས་པ་མཚོན།
ཚོགས་འདུ་དེས་1980ལོ་ཚུན་གྱི་བོད་ལྗོངས་ཀྱི་ལས་དོན་ལ་ཕྱོགས་སྡོམ་བྱས་པ་དང་། བོད་ལྗོངས་ཀྱི་དམིགས་བསལ་གནས་ཚུལ་ལ་སླར་ཡང་ངོས་འཛིན་བྱས་པ། བོད་ལྗོངས་ཀྱི་དོན་དངོས་དང་བསྟུན་ཏེ་དཔལ་འབྱོར་སྲིད་ཇུས་དེ་བས་ལྷུག་ཏུ་བཏང་ནས་བོད་ལྗོངས་མི་དམངས་མགྱོགས་ནས་མྱུར་དུ་ཕྱུག་པོ་ཆགས་རྒྱུའི་གནད་དོན་ཐག་གཅོད་བྱ་རྒྱུ་ཞིབ་འཇུག་བྱས་པ་རེད། ཚོགས་འདུའི་ཐོག་གནས་ཚུལ་གསར་པར་གཞིགས་ནས་བོད་ལྗོངས་ཀྱི་དོན་དངོས་དང་མཐུན་པའི་དཔལ་འབྱོར་སྲིད་ཇུས་དང་སྒྱུར་བཅོས་སྒོ་དབྱེའི་སྲིད་ཇུས་རབ་དང་རིམ་པ་བཟོས་པ་རེད།