ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་གསུམ་པ།
སྤེལ་དུས 2020-09-04
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
1994ལོའི་ཟླ་7ཚེས་20ནས་ཚེས་23ཉིན་བར་འཚོགས། 1994ལོ་ནས་དུས་རབས་20པའི་དུས་མཇུག་བར་ནི་བོད་ལྗོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་འགྲོ་བའི་དུས་རིམ་གལ་ཆེན་ཞིག་ཡིན་པས་སྐབས་དེར་སྐོང་འཚོགས་བྱས་པའི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་གསུམ་པས་བོད་ཀྱི་འཕེལ་རྒྱས་དང་བརྟན་ལྷིང་དོན་ཆེན་གཉིས་ལ་དམིགས་ཏེ། གནད་དོན་གསར་པར་ཞིབ་འཇུག་དང་། གནད་དོན་གསར་པ་ཐག་གཅོད་བྱས་ཏེ་བོད་ཀྱི་ལས་དོན་ལ་ཤུགས་སྣོན་རྒྱག་རྒྱུའི་མཛུབ་ཁྲིད་བསམ་བློ་སྔར་བས་ཁ་གསལ་དུ་བཏང་ནས་བོད་ཀྱི་ལས་དོན་གྱི་རྣམ་པ་གསར་པ་ཞིག་ཧུར་ཐག་བཏོད་པ་རེད།
ཙུང་ལི་ལི་ཕེང་གིས་བོད་ལྗོངས་འདི་ཉིད་འཕེལ་རྒྱས་མྱུར་དུ་གཏོང་བར་རྒྱལ་ཁབ་ཀྱི་རོགས་སྐྱོར་ལ་བརྟེན་དགོས་པ་དང་། སྒྲིག་གཞིར་དམིགས་ཏེ་གནད་དོན་ཐག་གཅོད་བྱེད་དགོས། བོད་རང་སྐྱོང་ལྗོངས་ཀྱི་སྒྱུར་བཅོས་དང་འཕེལ་རྒྱས་ཁྲོད་འཕྲད་པའི་དཀའ་ངལ་དང་གནད་དོན་ཐག་གཅོད་བྱ་རྒྱུར་རོགས་རམ་བྱ་ཆེད་། རྒྱལ་སྲིད་སྤྱི་ཁྱབ་ཁང་གིས་ནོར་ཁྲལ་དང་། དངུལ་རྩ། མ་འཇོག རིན་གོང་། ཕྱི་ཕྱོགས་ཉོ་ཚོང་སོགས་ཐད་མུ་མཐུད་བོད་ལྗོངས་ལ་དམིགས་བསལ་སྲིད་ཇུས་དང་དེ་མཐུན་གྱི་བྱེད་ཐབས་སྤྱོད་རྒྱུ་གཏན་འབེབས་བྱས་ཡོད་ཅེས་ཁྱབ་བསྒྲགས་གནང་ཡོད།