ལྷ་སར་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་སྒྲོག་འགྲེལ་བྱས་པ།
སྤེལ་དུས 2020-11-16
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་ཚུགས།
རྩོམ་པ་པོ།
ཉེ་ཆར་རང་སྐྱོང་ལྗོངས་སྒྲོག་འགྲེལ་ཚོགས་པ་ལྷ་སར་བསྐྱོད་དེ་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་སྒྲོག་འགྲེལ་སྙན་ཞུའི་ཚོགས་འདུ་འཚོགས་པ་རེད།
ཤེས་རྟོགས་བྱུང་བར་གཞིགས་ན། ཟླ10ཚེས13ཉིན་ནས་བཟུང་། ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་རང་སྐྱོང་ལྗོངས་སྒྲོག་འགྲེལ་ཚོགས་པའི་ཁོངས་མི་དང་ལྗོངས་ཏང་ཨུད་ཏང་གི་སློབ་གྲྭའི་སློབ་སྤྱི་གཞོན་པ་སུང་ཤང་ཅུན་ལྷ་ས་གྲོང་ཁྱེར་དང་སྟོད་ལུང་བདེ་ཆེན་ཆུས་སུ་བསྐྱོད་དེ་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་སྒྲོག་འགྲེལ་བྱས་པ་རེད།
“དེ་རིང་སྒྲོག་འགྲེལ་ཚོགས་པས་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་ལ་ཡང་དག་དང་ཕྱོགས་ཡོངས་ནས་གསལ་འགྲེལ་བྱས་རྗེས། ངས་དུས་རབས་གསར་པའི་ཏང་གི་བོད་སྐྱོང་མཛད་ཇུས་ནི་རང་རེའི་བོད་ལྗོངས་ཀྱི་སླད་ཕྱིན་གྱི་ལས་དོན་དམིགས་ཚད་དང་ལས་འགན་དང་། སྲིད་ཇུས་བྱ་ཐབས། བྱེད་ཕྱོགས་ལམ་ཕྱོགས་ཤིག་ཡིན་པ་སྔར་བས་ཤེས་རྟོགས་བྱུང་། ཏང་གི་སློབ་གྲྭའི་དགེ་རྒན་ཞིག་གི་ངོས་ནས་ངས་སླད་ཕྱིན་ལས་ཀ་བྱེད་རིང་མུ་མཐུད་ཏང་གིས་བོད་ལ་ལག་ལེན་བསྟར་བའི་སྲིད་ཇུས་དང་བོད་ལ་བཅངས་པའི་ཐུགས་ཁུར་ཡང་དག་དང་གསོན་ཉམས་དོད་པོས་རྒྱ་ཆེའི་མང་ཚོགས་ལ་བརྒྱུད་བསྒྲགས་བྱེད་ཀྱི་ཡིན”ཞེས་ལྷ་ས་གྲོང་ཨུད་ཏང་གི་སློབ་གྲྭའི་མཐོ་རིམ་འཆད་ཁྲིད་དགེ་རྒན་ཝང་མིང་ལིན་གྱིས་བཤད།
རྩོམ་སྒྲིག་པ། གཡང་རྒྱལ་ཚེ་རིང་།