ཀྲུང་དབྱང་དམག་ཨུད་ཀྱིས་གཟི་བརྗིད་མཚན་སྙན་སྤྲོད་པའི་མཛད་སྒོ་འཚོགས་པ།
སྤེལ་དུས 2021-07-07
ཡོང་ཁུངས། ཤིན་ཧྭ་གསར་འགྱུར་ཁང་།
རྩོམ་པ་པོ།
ཟླ་7ཚེས་5ཉིན། ཀྲུང་དབྱང་དམག་ཨུད་ཀྱིས་གཟི་བརྗིད་མཚན་སྙན་སྤྲོད་པའི་མཛད་སྒོ་པེ་ཅིང་དུ་གཟབ་རྒྱས་ངང་འཚོགས་ཤིང་། ཀྲུང་དབྱང་དམག་ཨུད་ཀྱི་ཀྲུའུ་ཞི་ཞི་ཅིན་ཕིང་གིས“འཇིགས་རྒོལ་གདོང་མཆོང་རུ་འབྲིང”གི་གཟི་བརྗིད་མཚན་སྙན་ཐོབ་པའི་དྲག་ཆས་ཉེན་རྟོག་དཔུང་སྡེ་ཤིན་ཅང་ཡུ་གུར་རང་སྐྱོང་ལྗོངས་སྤྱི་ཁྱབ་རུ་ཁག་གི་འཕྲུལ་སྒྲུབ་ཉིང་ལག་རུ་ཁག་ཅིག་གི་དམིགས་བསལ་དམག་འཐབ་རུ་ཆེན་དམིགས་བསལ་དམག་འཐབ་རུ་འབྲིང་དང་པོར་གཟེངས་བསྟོད་དར་ཆ་གནང་བ་མ་ཟད་རུ་འབྲིང་དེའི་འཐུས་མི་དང་ལྷན་བཞུགས་དྲན་རྟེན་སྐུ་པར་ཡང་བསྐྱོན་པ།
ཀྲུང་དབྱང་དམག་ཨུད་ཀྱིས་གཟི་བརྗིད་མཚན་སྙན་སྤྲོད་པའི་མཛད་སྒོ་ཚེས་5ཉིན་པེ་ཅིང་དུ་གཟབ་རྒྱས་ངང་འཚོགས་ཤིང་། ཀྲུང་དབྱང་དམག་ཨུད་ཀྱི་ཀྲུའུ་ཞི་ཞི་ཅིན་ཕིང་གིས་གཟི་བརྗིད་མཚན་སྙན་ཐོབ་པའི་ཚན་པར་གཟེངས་བསྟོད་དར་ཆ་གནང་བ་རེད།
བརྒྱད་གཅིག་ཐོག་ཁང་ཆེ་མོའི་མཛད་སྒོ་འཚོག་ཡུལ་དུ། དཔོན་དམག་གི་འཐུས་མིས་རུ་སྟར་འགྲིག་པོ་བསྒྲིགས་ནས་རྣམ་པ་སྒམ་བརླིང་ལྡན་ལ་འཁྲུག་ཆ་དོད་པ་ཞིག་ཡོད། ཕྱི་དྲོའི་ཆུ་ཚོད་4དང་སྐར་མ་50ཙམ་ལ། གུས་དམག་18གོམ་སྟབས་འགྲིག་པོས་ཚོགས་རར་བསྐྱོད་དེ་མེ་མདའ་འཁྱེར་ནས་གཞོགས་གཉིས་སུ་ཀྲོང་ངེར་ལངས་རྗེས་མཚན་སྙན་སྤྲོད་པའི་མཛད་སྒོ་འགོ་ཚུགས་ཤིང་། ཚོགས་ར་ཡོངས་སུ་རྒྱལ་གླུ་སྐད་གསང་མཐོན་པོས་བླངས། ཀྲུང་དབྱང་དམག་ཨུད་ཀྱི་ཀྲུའུ་ཞི་གཞོན་པ་ཞུས་ཆི་ལེང་གིས་ཞི་ཅིན་ཕིང་གིས་མཚན་རྟགས་བཀོད་པའི་མཚན་སྙན་སྤྲོད་པའི་ཀྲུང་དབྱང་དམག་ཨུད་ཀྱི་བཀའ་རྒྱ་སྒྲོག་སྦྱངས་གནང་བ་དང་། ཀྲུང་དབྱང་དམག་ཨུད་ཀྱི་ཀྲུའུ་ཞི་གཞོན་པ་ཀྲང་ཡིའུ་ཞ་ཡིས་མཛད་སྒོ་གཙོ་སྐྱོང་གནང་བ་རེད།
ཞི་ཅིན་ཕིང་གིས“འཇིགས་རྒོལ་གདོང་མཆོང་རུ་འབྲིང”གི་གཟི་བརྗིད་མཚན་སྙན་ཐོབ་པའི་དྲག་ཆས་ཉེན་རྟོག་དཔུང་སྡེ་ཤིན་ཅང་ཡུ་གུར་རང་སྐྱོང་ལྗོངས་སྤྱི་ཁྱབ་རུ་ཁག་གི་འཕྲུལ་སྒྲུབ་ཉིང་ལག་རུ་ཁག་ཅིག་གི་དམིགས་བསལ་དམག་འཐབ་རུ་ཆེན་དམིགས་བསལ་དམག་འཐབ་རུ་འབྲིང་དང་པོར་གཟེངས་བསྟོད་དར་ཆ་གནང་བ་མ་ཟད་རུ་འབྲིང་དེའི་འཐུས་མི་དང་ལྷན་བཞུགས་དྲན་རྟེན་སྐུ་པར་ཡང་བསྐྱོན་པ་རེད།
མཚན་སྙན་སྤྲོད་པའི་མཛད་སྒོ་སྐད་གསང་མཐོན་པོའི་དམག་གླུའི་སྒྲའི་ཁྲོད་དུ་མཇུག་འགྲིལ་བ་རེད།
རྩོམ་སྒྲིག་པ། སངས་སྐྱབས།
