《ཀྲུང་གོའི་གུང་ཁྲན་ཏང་གི་ལོ་ངོ་བརྒྱ》
སྤེལ་དུས 2021-07-02
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
《ཀྲུང་གོའི་གུང་ཁྲན་ཏང་གི་ལོ་ངོ་བརྒྱ》ནི་དུས་རབས་གསར་པར་དངོས་བྲིས་གློག་བརྙན་ཐུང་ངུའི་རྣམ་པས་ཀྲུང་གོའི་གུང་ཁྲན་ཏང་གི་གཏམ་རྒྱུད་གསོན་ཉམས་ལྡན་པའི་ངང་ལེགས་པར་མཚོན་པའི་ཕན་ལྡན་གྱི་འཚོལ་ཞིབ་དང་ཚོད་ལྟ་ཞིག་ཡིན་ཞིང་། དེ་ནི་ཀྲུང་གོའི་གུང་ཁྲན་ཏང་བཙུགས་ནས་ལོ་ངོ100འཁོར་བའི་ལོ་རྒྱུས་ཀྱི་མཐོ་ཚད་ཅིག་ཏུ་ཀྲོང་ངེར་ལངས་ཏེ། ཀྲུང་གོའི་གསར་བརྗེ་དང་། འཛུགས་སྐྲུན། བསྒྱུར་བཅོས་ལོ་རྒྱུས་ཁྲོད་ཀྱི་དོན་ཆེན་འགངས་ཆེན་དག་འདོར་ལེན་བྱས་ནས་ལོ་རྒྱུས་ཀྱི་གཏམ་རྒྱུད་ཀྱི་རྣམ་པས། ལོ་བརྒྱའི་ཏང་ཆེན་གྱི་འོད་སྟོང་འབར་བའི་ལོ་རྒྱུས་ཀྱི་ལམ་བུ་དང་རླབས་ཆེའི་གྲུབ་འབྲས་སྣང་བརྙན་ལྡན་པའི་ངང་མཚོན་པར་བྱས་ཤིང་། བརྗོད་དོན་ཆུང་བ་ནས་ཆེ་བ་བསྟན་པ་དང་། གཏམ་རྒྱུད་ཆུང་ངུས་གནས་ལུགས་ཆེན་པོ་བརྗོད་དེ། གསོན་ཉམས་ལྡན་པའི་སྒོ་ནས་ཀྲུང་གོའི་གུང་ཁྲན་ཏང་གིས་ཅིའི་ཕྱིར“སྒྲུབ་ཐུབ”པ་དང་། མར་ཁེ་སི་རིང་ལུགས་ཅིའི་ཕྱིར“རྒྱས་ཐུབ”པ། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཅིའི་ཕྱིར“བཟང་བ”སོགས་ཀྱི་དྲི་བ་གལ་ཆེན་ལ་དྲིས་ལན་ཁ་གསལ་བཏབ་པ་ཞིག་རེད།
