དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > དམངས་སྲོལ། > གསར་ཤོས།

བོད་དུ་རྟ་རྒྱུག་བཏང་ནས་ལོ་གསར་ཚེས་པ་གསུམ་དགའ་གཏོང་བྱེད་སྲོལ།

སྤེལ་དུས 2020-03-09 ཡོང་ཁུངས། མི་དམངས་ཉིན་ཚགས། རྩོམ་པ་པོ།

         རྟ་རྒྱུག་ནི་བོད་རིགས་ཀྱིས་དགའ་ཞེན་ཆེན་པོ་བྱེད་པ་དང་དར་ཁྱབ་ཆེ་བའི་ལུས་རྩལ་བྱེད་སྒོ་ཞིག་རེད།  བོད་ཀྱི་རྟ་རྒྱུག་ལོ་རྒྱུས་ཡུན་རིང་བ་དང་།  བོད་རིགས་ཀྱི་ལོ་རྒྱུས་དེབ་ཐེར་ཐོག་འཁོད་པར་གཞིགས་ན།  རྟ་རྒྱུག་ཐེངས་དང་པོ་དེ་ནི་བསམ་ཡས་དགོན་ལེགས་གྲུབ་བྱུང་བའི་མཛད་སྒོའི་ཐོག་བཏང་བ་དང་།  སྤྱི་ལོ་༧༢༩ལོར་ཡིན་པ་དང་སྐབས་དེར་རྟ་རྒྱུག་ཟླ་ཕྱེད་ཙམ་བཏང་བ་རེད།
         རྟ་རྒྱུག་ནི་བོད་ཀྱི་ལོ་གསར་གཏོང་རིང་མེད་དུ་མི་རུང་བའི་བྱེད་སྒོ་ཞིག་ཀྱང་ཡིན་ཞིང་། རྟ་རྒྱུག་དེ་བོད་དུ་བཀྲ་ཤིས་དང་དཔའ་ངར། བློ་གྲོས་བཅས་མཚོན་གྱི་ཡོད། རྟ་ནི་སྤྱང་གྲུང་དོད་ལ་ཁ་ལ་ཉན་པས་བོད་རིགས་མང་ཚོགས་དབར་བརྩེ་བ་ཧ་ཅང་ཟབ་པོ་ཆགས་ཡོད། ལོ་གསར་པའི་ནང་རྟ་རྒྱུག་ལ་ལྟ་བ་དང་རྟའི་རྨིག་སྒྲ་ཉན་རྒྱུ་དེ་ལོ་གསར་པའི་ནང་ཆར་ཆུ་དུས་སུ་འབབ་པ་དང་མི་ལ་ནད་མེད་ཚེ་རིང་ཡོང་བའི་ཆེད་དུ་ཡིན་པས། དེ་ནི་ཧ་ཅང་བཀྲ་ཤིས་པའི་བྱ་བ་ཞིག་ཡིན་པའི་བཤད་སྲོལ་ཡོད།  ཚེས་གསུམ་རྟ་རྒྱུགས་ཐོག་བོད་ཀྱི་ཐུན་མོང་མ་ཡིན་པའི་རྟ་ཐོག་གི་རྩལ་སྟོན་སྣ་ཚོགས་བྱེད་ཀྱི་ཡོད་པ་དཔེར་ན།  རྟ་ཐོག་ནས་ཁ་བཏགས་སྒྲུག་པ་དང་རྟ་ཐོག་ནས་ཆང་ཕོར་སྒྲུག་པ་སོགས་བྱེད་ཀྱི་ཡོད། 
         སྔར་གྱི་ཤོད་རྒྱུན་དུ་ཚེས་༣ཉིན་ནི་རྩེ་དྲུང་རྣམས་རྩེ་ཕོ་བྲང་དུ་འཛོམས་ནས་དྲུང་ཇ་ཚོགས་པ་དང་།  ཤོད་དྲུང་རྣམས་ནི་དེ་ཉིན་ལྷ་གསོལ་བའི་དུས་ཚིགས་ཡིན་པས།  གནས་ཆུང་དུ་གཟབ་གསོལ་དུ་བསྐྱོད་དེ་གནས་ཆུང་ཆོས་སྐྱོང་སྤྱན་འདྲེན་ལུང་ཞུ་བྱེད་པ་དང་།  ཉིན་གུང་རྒྱབ་ཏུ་ཡར་ལམ་རྫོང་རྒྱབ་ཏུ་ཚེས་གསུམ་ཐོག་མདའ་ཞེས་མདའ་འཕེན་པ་དང་།  གླུ་གར་རོལ་མོ་སོགས་ལ་རོལ་ནས་ལོ་གསར་གྲོལ་སྟོན་ལྟ་བུ་བྱེད་པ་ཡིན་པས།  གཟབ་གསོལ་གྲོས་སྟོན་ཞེས་བརྗོད་པ་ཡིན།  འོན་ཏེ་ཡུལ་སྲོལ་ལྟར་ན།  དེ་ཉིན་དབུས་གཙང་སྟོད་སྨད་ཀུན་ཏུ་རྟ་རྒྱུག་གཏོང་སྲོལ་ཡོད།  ལྷག་པར་དུ་དུས་རབས་གོང་མའི་ལོ་རབས་༨༠ནས་བཟུང་།  ལོ་ལྟར་བོད་ཀྱི་ལོ་གསར་སྐབས་སུ་ལྷ་ས་གྲོང་ཁྱེར་ཁྲེན་ཀོན་ཆུས་གྲྭ་བཞི་ཤར་ལམ་དུ་གནས་པའི་བྱང་འདབས་རྟ་རྒྱུག་ར་བར་སྲོལ་རྒྱུན་གྱི་རྟ་རྒྱུག་རྩལ་སྟོན་ཐེངས་གཅིག་བྱེད་པ་དང་།  ལོ་ལྟར་ལོ་གསར་གྱི་ཚེས་༣ཉིན།  ཕྱོགས་བཞི་མཚམས་བརྒྱད་ནས་ཡོང་བའི་ལྟད་མོ་བ་མི་ཐེངས་ཁྲི་ལྷག་ཙམ་ཟིན་གྱི་ཡོད།།
རྩོམ་སྒྲིག་པ།སྣང་རྡོར།