མཐོང་རྒྱ་ཇེ་ཆེར་དང་བསམ་ཕྱོགས་ལེགས་སུ་བཏང་ནས་དབུལ་སྐྱོར་ལ་རམས་འདེགས་བྱེད།
སྤེལ་དུས 2020-04-07
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།
རྩོམ་པ་པོ།
མང་ཚོགས་དབུལ་པོའི་དབུལ་སྐྱོར་གནས་སྤོས་ཀྱི་སེམས་ཁྲལ་སྔར་བས་སེལ་བ་དང་། འབྲེལ་ཡོད་སྲིད་ཇུས་ལ་རྒྱུས་མངའ་གང་ལེགས་ཡོང་བ། མཐོང་རྒྱ་ཇེ་ཆེར་དང་བསམ་ཕྱོགས་ལེགས་སུ་བཏང་ནས་དབུལ་སྐྱོར་ལ་རམས་འདེགས་བཅས་བྱ་ཆེད། 2019ལོའི་ཟླ་11པར། དཔལ་མགོན་རྫོང་ཉི་མ་ཤང་གཤར་སྡིང་གྲོང་ཚོར་བཅའ་སྡོད་རང་སྐྱོང་ལྗོངས་ནོར་སྲིད་ཐིང་གི་ལས་དོན་རུ་ཁག་གིས་ཕྱོགས་མང་པོ་དང་མཐུན་སྦྱོར་བྱས་ཏེ། ཤང་གི་དབུལ་སྐྱོར་ལས་བྱེད་པ་དང་། གྲོང་ཚོ་ཁག་གི་གྲོང་ཚོ་ཨུ་ལྷན་གྱི་འཐུས་མི། དེ་བཞིན་གྲོང་ཚོར་བཅའ་སྡོད་ལས་དོན་རུ་ཁག་གི་རུ་མི་བཅས་མི་30སྒྲིག་འཛུགས་བྱས་ནས། ལྷོ་ཁ་གྲོང་ཁྱེར་དང་ལྷ་ས་གྲོང་ཁྱེར་གྱི་དབུལ་སྐྱོར་གནས་སྤོས་ས་ཚིགས་དང་། ནོར་ལུག་རྒྱགས་གསོའི་རྟེན་གཞི། བཤས་ར། ལས་སྣོན་ཁང་། ཕྱིར་ཚོང་ས་ཚིགས་བཅས་སུ་ལྟ་སྦྱོང་བརྟག་ཞིབ་ཏུ་བསྐྱོད་དེ་སྔོན་ཐོན་ཉམས་མྱོང་སློབ་སྦྱོང་བྱས་པ་རེད།
འདི་ནི་བོད་ལྗོངས་ཐའེ་ཁྲེང་དཀར་ཆུ་ཚད་ཡོད་ཀུང་སིའི་ནོར་ལུག་རྒྱགས་གསོའི་རྟེན་གཞིར་ལྟ་སྦྱོང་བརྟག་ཞིབ་བྱེད་པ།
འདི་ནི་གོང་དཀར་རྫོང་སྲིན་བུ་རི་ས་བབ་མཐོ་བའི་གནས་སྤོས་ས་ཚིགས་ཀྱི་དབུལ་སྐྱོར་ཐོན་ལས་ཀུ་ཤུའི་ལྡུམ་རར་ལྟ་སྦྱོང་སློབ་སྦྱོང་བྱེད་པ།
འདི་ནི་གོང་དཀར་རྫོང་སྲིན་བུ་རི་ས་བབ་མཐོ་བའི་གནས་སྤོས་ས་ཚིགས་སུ་ལྟ་སྐོར་དང་སློབ་སྦྱོང་བྱེད་བཞིན་པ།
རྩོམ་སྒྲིག་པ། བདེ་སྒྲོལ།