སྨན་བཅོས་བོད་སྐྱོར་བརྒྱུད་བོད་ལྗོངས་ཀྱི་སྨན་བཅོས་བྱ་གཞག་གོང་འཕེལ་ཆེན་པོ་བྱུང་།
སྤེལ་དུས 2020-09-24
ཡོང་ཁུངས། བོད་ལྗོངས་འཕྲིན་དྲ།
རྩོམ་པ་པོ།
ཚོགས་སྒྲིག་རྣམ་པའི་སྨན་བཅོས་བོད་སྐྱོར་ལས་དོན་སྤེལ་ནས་ལོ་ལྔ་སོང་རིང་། ཁྱོན་སྨན་བཅོས་ཤེས་ལྡན་པ841བོད་དུ་ཡོང་ནས་བོད་རང་སྐྱོང་ལྗོངས་མི་དམངས་སྨན་ཁང་དང་གྲོང་ཁྱེར(ཁུལ)བདུན་གྱི་མི་དམངས་སྨན་ཁང་ལ་ཁ་གཏད་རོགས་སྐྱོར་བྱས་ཏེ། སྨན་བཅོས་དཔུང་ཁག 721དང་ས་ཆ་དེ་གའི་སྨན་དོན་མི་སྣ2000ལྷག་ཙམ་ལ་རོགས་ཁྲིད་དང་སྨན་བཅོས་རྐང་འཛིན་པ 4000ཙམ་གསོ་སྐྱོང་བྱས་པས། རོགས་སྐྱོར་བྱེད་ཡུལ་སྨན་ཁང་གི་སྨན་པ192ཀྱིས་རང་ཚུགས་ངང་བཤགས་བཅོས་གསར་པ་གཅིག་རྗེས་གཉིས་མཐུད་ངང་བྱེད་ཐུབ་པ་བྱུང་བ་དང་། བོད་རང་སྐྱོང་ལྗོངས་སྨན་ཁང་ནས་ནད་གཞི་ལྕི་རིགས371སྨན་བཅོས་ཐུབ་པ་དང་། གྲོང་ཁྱེར(ས་ཁུལ)སྨན་ཁང་ནས་ནད་ཚབས་འབྲིང་བའི་རིགས2373སྨན་བཅོས་ཐུབ་པ། རྫོང་རིམ་པའི་སྨན་ཁང་ནས་རྒྱུན་མཐོང་ནད་གཞི་ཆུང་གྲས་ཁག་ཅིག་སྨན་བཅོས་ཐུབ་པ་བཅས་བྱུང་ཡོད། །