ཀྲུང་གོའི་བོད་ལྗོངས་དྲ་བ། > མདུན་ཤོག > གསོ་རིག་ཀུན་ཕན།

ད་ལོ་བོད་སྨན་གྱི་རྩ་ཆེའི་དཔེ་རྙིང་ཀུན་བཏུས་པོད60བར་དཔར་ཚར་བ་འདུག

སྤེལ་དུས 2020-07-30 ཡོང་ཁུངས། བོད་ལྗོངས་ཉིན་ཚགས། རྩོམ་པ་པོ།

ཚེས་29ཉིན་གསར་འགོད་པར་བོད་ལྗོངས་བོད་ལུགས་གསོ་རིག་སློབ་གྲྭ་ཆེ་མོ་ནས་ཤེས་རྟོགས་བྱུང་བར།《“ལོ་ལྔ་ཚན་བཅུ་གསུམ་པའི”རྒྱལ་ཁབ་ཀྱི་གཙོ་གནད་དཔེ་དེབ་དང་། སྒྲ་བརྙན། གློག་རྡུལ་དཔེ་སྐྲུན་དངོས་པོ་དཔེ་སྐྲུན་གྱི་འཆར་འགོད》 རྣམ་གྲངས་ཡིན་པའི《ཀྲུང་གོའི་བོད་ལུགས་གསོ་རིག་རྩ་ཆེའི་དཔེ་རྙིང་ཀུན་བཏུས》དཔེ་སྐྲུན་མཇུག་འགྲིལ་ཉེར་ཡོད་པ་རེད།

དཔེ་ཚོགས་དེ་ནི་པར་སློག་རྣམ་པའི་བོད་ཀྱི་བོད་ཡིག་དཔེ་རྙིང་སྔ་ཤོས་དེ་རེད་ལ། དཔྱད་ཡིག་ཕུན་སུམ་ཚོགས་པའི་བོད་ལུགས་གསོ་རིག་གི་དཔེ་རྙིང་ཞིག་དང་། རྒྱལ་ཡོངས་སུ་མ་དངུལ་མང་ཤོས་བཏང་བའི་བོད་ཡིག་དཔེ་རྙིང་དཔེ་སྐྲུན་རྣམ་གྲངས་ཤིག་ཀྱང་རེད།

བོད་ལྗོངས་བོད་ལུགས་གསོ་རིག་སློབ་གྲྭ་ཆེ་མོའི་དཔེ་མཛོད་ཁང་གི་དེ་སྔའི་ཀོན་ཀྲང་གླང་མདུན་རྡོ་རྗེ་སྒྲོལ་དཀར་གྱིས་བོད་ལུགས་གསོ་རིག་དཔེ་རྙིང་འཚོལ་བསྡུ་དང་ལེགས་སྒྲིག་གནང་ནས་ལོ་10ཙམ་ཕྱིན་པ་དང་། ད་ཆ་རྒན་ཡོལ་ཞུས་ཀྱང་སྔར་བཞིན་དཔེ་རྙིང་འཚོལ་བསྡུའི་ལས་ལ་གཞོལ་བཞིན་ཡོད། རྣམ་གྲངས་དེའི་རྩོམ་སྒྲིག་ཨུ་ལྷན་གྱི་ཀྲུའུ་རེན་གཞོན་པ་ཡིན་པའི་ཁོང་གིས། དེ་གོང《ཀྲུང་གོའི་བོད་ལུགས་གསོ་རིག་རྩ་ཆེའི་དཔེ་རྙིང་ཀུན་བཏུས》（གླེགས་བམ་1པོ་ནས་30པ་བར）དཔེ་སྐྲུན་བྱས་ཟིན་པ་དག་གཙོ་བོ་ཕོ་བྲང་པོ་ཏ་ལའི་བོད་ལུགས་གསོ་རིག་གི་དཔེ་རྙིང་རེད།《ཀྲུང་གོའི་བོད་ལུགས་གསོ་རིག་རྩ་ཆེའི་དཔེ་རྙིང་ཀུན་བཏུས》ཀྱི་གླེགས་བམ་31པ་ནས་60པ་བར་ནི“ལོ་ལྔ་ཚན་བཅུ་གསུམ་པའི”འཆར་འགོད་དཔེ་སྐྲུན་ཁོངས་སུ་གཏོགས་པ་དང་། བོད་ལུགས་གསོ་རིག་གི་དཔེ་རྙིང་གླེགས་བམ་31པ་ནས་60པའི་ནང་བོད་ལྗོངས་ཙམ་མ་ཟད། མཚོ་སྔོན་དང་། ནང་སོག ལིའོ་ཉིང་སོགས་ས་ཆ་ཁག་ནས་འཚོལ་བསྡུ་བྱས་པའི་དཔེ་རྙིང་ཚུད་ཡོད་པས། ཁྱབ་ཁོངས་ཅུང་རྒྱ་ཆེན་པོ་ཡོད་ཅེས་ངོ་སྤྲོད་གནང་།

མིག་སྔར། གླེགས་བམ་31པ་ནས་40པ་བར་དཔེ་སྐྲུན་བྱས་ཟིན་པ་དང་། གླེགས་བམ་51པ་ནས་60པ་བར་ཞུ་དག་བཏང་ཚར་ནས་དཔེ་སྐྲུན་ཁང་ལ་རྩིས་སྤྲད་ཡོད་པས། ད་ལོའི་ལོ་མཇུག་ཏུ“ལོ་ལྔ་ཚན་བཅུ་གསུམ་པའི”འཆར་འགོད་དཔེ་སྐྲུན་གྱི་དཔེ་དེབ་ཆ་ཚང་ལེགས་འགྲུབ་ཐུབ་ངེས་རེད།