སྨན་པའི་ཐོབ་ཐང་རྒྱུགས་ལེན་བཀོད་སྒྲིག་ཐོན་འདུག
སྤེལ་དུས 2021-02-25
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ། འབྲུག་རྒྱལ་མཁར་གྱིས་བསྒྱུར།
ཟླ2པའི་ཚེས23ཉིན། བོད་ལྗོངས་རྒྱུགས་ཁུལ་གྱི2021ལོའི་སྨན་པའི་ཐོབ་ཐང་རྒྱུགས་ལེན་དོ་དམ་དང་རྒྱུགས་སྤྲོད་སློབ་མའི་མིང་ཐོ་འགོད་པའི་ཐོབ་ཐང་གཅིག་སྡུད་ཞིབ་བཤེར་གཏན་འབེབས་གསོ་སྦྱོང་ཚོགས་འདུ་ལྷ་སར་འཚོགས་ཤིང་། ཚོགས་འདུའི་ཐོག2021ལོའི་སྨན་པའི་ཐོབ་ཐང་རྒྱུགས་ལེན་ལས་དོན་བཀོད་སྒྲིག་བྱས་པ་དང་། དྲ་ཐོག་རེ་ཞུ་འགྲུབ་ནས་ཡུལ་དངོས་སུ་ཞིབ་བཤེར་གཏན་འབེབས་བྱས་པའི་རྒྱུགས་སྤྲོད་སློབ་མའི་དཔྱད་གཞིར་གཅིག་སྡུད་སྒོས་ཞིབ་བཤེར་བྱས་པ་རེད།
ཤེས་རྟོགས་བྱུང་བར་གཞིགས་ན། ཐེངས་འདིའི་སྨན་པའི་ཐོབ་ཐང་རྒྱུགས་ལེན་དེ་ལག་ལེན་ནུས་པ་དང་གསོ་རིག་ཕྱོགས་བསྡུས་ཡིག་རྒྱུགས་ཁག་གཉིས་སུ་དབྱེ་ཡོད་ལ། ལག་ལེན་ནུས་པ་རྒྱུགས་འཕྲོད་པའི་སློབ་མ་ད་གཟོད་གསོ་རིག་ཕྱོགས་བསྡུས་ཡིག་རྒྱུགས་ནང་ཞུགས་ཆོག་ཅིང་། གསོ་རིག་ཕྱོགས་བསྡུས་ཡིག་རྒྱུགས་ཀྱི་སྐར་གྲངས་ཚད་གཞི་ལོན་པའི་སློབ་མ་ལ་ད་གཟོད་སྨན་པའི་ཐོབ་ཐང་རག་གི་རེད།
སྨན་པའི་ཐོབ་ཐང་རྒྱུགས་ལེན་བཀོད་སྒྲིག་གཤམ་གསལ་ལྟར།
ཀྲུང་ལུགས་གསོ་རིག་གི་རིགས། ཟླ6པའི་ཚེས19ཉིན་ནས་ཚེས27ཉིན་བར།
ཁ་ནད་རིགས། ཟླ6པའི་ཚེས19ཉིན་ནས་ཚེས27ཉིན་བར།
སྤྱི་པའི་འཕྲོད་བསྟེན་རིགས། ཟླ6པའི་ཚེས19ཉིན་ནས་ཚེས20ཉིན་བར།
གྲོང་གསེབ་ཚན་ཁག་ལས་རིགས་ཀྱི་ལས་རོགས་སྨན་པ། ཟླ6པའི་ཚེས23ཉིན་ནས་ཚེས29ཉིན་བར།
གསོ་རིག་ཕྱོགས་བསྡུས་རྒྱུགས་ལེན། ཟླ8པའི་ཚེས20ཉིན་ནས་ཚེས22ཉིན་བར།
རྩོམ་སྒྲིག་པ། བདེ་སྒྲོལ།