མཐོ་སློབ་སློབ་ཐོན་སློབ་མའི་ཁ་གསབ་རོཊ་དངུལ་དྲ་ཐོག་ནས་རེ་ཞུ་བྱ་ཆོག
སྤེལ་དུས 2020-03-25
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ།
ལས་ཞུགས་ལས་གཏོད་ལ་སྐུལ་འདེད་གཏོང་རྒྱུའི་སྐོར་གྱི་ལྗོངས་ཏང་ཨུད་དང་སྲིད་གཞུང་གི་ཐབས་ཇུས་བཀོད་སྒྲིག་རབ་དང་རིམ་པ་སྔར་བས་ལག་བསྟར་དོན་འཁྱོལ་བྱས་ཏེ། ལས་ཞུགས་སྔོན་ལ་བྱེད་པའི་སྲིད་ཇུས་ལག་བསྟར་དོན་འཁྱོལ་ཡོང་རྒྱུར་སྐུལ་འདེད་ཧུར་ཐག་གཏོང་བ་དང་། ཁ་གསབ་རོགས་དངུལ་སྒྲུབ་གཉེར་དང་སྤྲོད་མཁན་སྡེ་ཚན་ཁག་གི་ལས་ཕྱོད་ཆེ་རུ་གཏོང་བ། བདག་སྤྲོད་ཞབས་ཞུའི་གནོན་ཤུགས་ཆུང་དུ་གཏོང་བ། འགྲོ་འོང་བྱེད་ཐེངས་ཉུང་དུ་བཅས་གཏོང་ཆེད། 《བོད་ཀྱི་མཐོ་སློབ་སློབ་ཐོན་སློབ་མའི་ཁྲོམ་རའི་ལས་ཞུགས་དང་རང་བརྟེན་ལས་གཏོད་ཀྱི་ཁ་གསབ་རོགས་དངུལ་དྲ་ཐོག་ནས་རེ་ཞུ་བྱེད་པ་དང་། དེ་བཞིན་འབྲེལ་ཡོད་ལས་དོན་ཡག་པོ་སྒྲུབ་རྒྱུའི་སྐོར་གྱི་བརྡ་ཐོའི》（བོད་མི་སྤྱི་ཡིག［2019］ཨང་384）བླང་བྱ་གཞིར་བཟུང་། 2020ལོའི་ཟླ་4ཚེས་1ཉིན་ནས་བཟུང་། བོད་ལྗོངས་ཀྱི་མཐོ་སློབ་སློབ་ཐོན་སློབ་མའི་ཁྲོམ་རའི་ལས་ཞུགས་ཀྱི་ཁ་གསབ་རོགས་དངུལ་དྲ་ཐོག་ནས་རེ་ཞུ་དང་ཞིབ་བཤེར་བྱ་རྒྱུ་རེད་འདུག ད་ལྟ་འབྲེལ་ཡོད་དོན་ཚན་ཡོངས་བསྒྲགས་བྱ་རྒྱུ་གཤམ་གསལ་ཏེ།
གཅིག བོད་ལྗོངས་ཀྱི་ཉིན་གང་ལམ་ལུགས་ཀྱི་མཐོ་སློབ་དཀྱུས་མའི་སློབ་ཐོན་སློབ་མ་ལས་ཞུགས་བྱས་པའི་ལྗོངས་ནང་ཁུལ་གྱི་ཁེ་ལས་ཁག ཁེ་ལས་ཀྱིས་གཅིག་གྱུར་ངང“བོད་ལྗོངས་སྤྱི་པའི་ལས་ཞུགས་ཞབས་ཞུ་དྲ་བའི་ཚོམས་ཆེན”（དྲ་གནས། http://218.206.180.132/）གྱི་དྲ་ཚིགས་ནང་འཛུལ་བ་དང་། “ཚན་པ”ཞེས་པ་བསྣན་པ་དང་ཐོ་འགོད་ལེགས་གྲུབ་ཟིན་རྗེས“ལྗོངས་ནང་ཁུལ་གྱི་ཁེ་ལས་ཀྱི་ལས་ཞུགས་ཁ་གསབ་རོགས་དངུལ་རེ་ཞུའི”ནང་འཛུལ་ནས་ལྗོངས་ནང་ཁུལ་གྱི་ཁེ་ལས་ཀྱི་ལས་ཞུགས་ཁ་གསབ་རོགས་དངུལ་རེ་ཞུ་བྱེད་ཆོག
གཉིས། ལྗོངས་ཕྱིར་ལས་ཞུགས་ཐུབ་པའི་སྐྱེས་ཁུངས་བོད་ལྗོངས་ནས་ཡིན་པའི་ཉིན་གང་ལམ་ལུགས་ཀྱི་མཐོ་སློབ་དཀྱུས་མའི་སློབ་ཐོན་སློབ་མ（མཐོ་རྒྱུགས་གཏོང་སྐབས་ཐེམ་ཁུངས་བོད་ནས་ཡིན་པའི་མཐོ་སློབ་སློབ་ཐོན་སློབ་མ）སློབ་ཐོན་སློབ་མས“བོད་ཀྱི་མཐོ་སློབ་སློབ་ཐོན་སློབ་མའི་ལས་ཞུགས”ཀྱི་སྐད་འཕྲིན་ཞབས་ཞུའི་ཨང་གྲངས་ནང་འཛུལ་བ་དང་། “ལས་སྒྲུབ་ཚོམས་ཆེན”ཞེས་པ་བསྣན་རྗེས“ལྗོངས་ཕྱིའི་ལས་ཞུགས་ཀྱི་ཁ་གསབ་རོགས་དངུལ་རེ་ཞུའི”ནང་འཛུལ་ནས་ལྗོངས་ཕྱིའི་ལས་ཞུགས་ཁ་གསབ་རོགས་དངུལ་རེ་ཞུ་བྱེད་ཆོག
གསུམ། བོད་ཀྱི་མཐོ་སློབ་འགྲིམ་མྱོང་བའི་ཉིན་གང་ལམ་ལུགས་ཀྱི་མཐོ་སློབ་དཀྱུས་མའི་ལོ་འདི་གའི་སློབ་ཐོན་སློབ་མ（སྐྱེས་ཁུངས་བོད་ལྗོངས་ནས་ཡིན་པ་དང་ལྗོངས་ཕྱིར་མཐོ་སློབ་འགྲིམ་པའི་མཐོ་སློབ་སློབ་ཐོན་སློབ་མས་རང་གནས་སའི་མཐོ་སློབ་ལ་རེ་ཞུ་བྱས་ཏེ་ས་གནས་དེ་གའི་ཞིང་ཆེན་དང་། རང་སྐྱོང་ལྗོངས། གྲོང་ཁྱེར་བཅས་ཀྱི་ཡིག་ཆར་གཞིགས་ནས་ལག་བསྟར་བྱ་རྒྱུ）སློབ་གྲྭ་ཐོན་པའི་ལོ་འཁོར་དེར་ལས་ཞུགས་ཀྱི་འདོད་འདུན་ཡོད་པ་མ་ཟད། ལས་ཀ་ཧུར་ཐག་འཚོལ་མཁན་གྲོང་ཁྱེར་དང་གྲོང་གསེབ་ཀྱི་གྲོང་མིའི་མ་མཐའི་འཚོ་བའི་འགན་ལེན་ལོངས་སུ་སྤྱོད་མཁན་གྱི་ཁྱིམ་ཚང་དང་། དཀའ་ངལ་ཡོད་པའི་དབང་པོ་སྐྱོན་ཅན་གྱི་ཁྱིམ་ཚང་། ཡིག་ཚགས་དང་གཱ་བཟོས་པའི་ཁྱིམ་ཚང་དབུལ་པོ་བཅས་ཀྱི་མཐོ་སློབ་སློབ་ཐོན་སློབ་མ་དང་། དཀའ་ངལ་ཡོད་པའི་མི་སྣའི་ཁྲོད་ཀྱི་མཐོ་སློབ་སློབ་ཐོན་སློབ་མ། དབང་པོ་སྐྱོན་ཅན་ཡིན་པའི་མཐོ་སློབ་སློབ་ཐོན་སློབ་མ། སློབ་གྲྭ་འགྲིམ་རིང་སློབ་སྐྱོར་དངུལ་བུན་ལོངས་སུ་སྤྱོད་མཁན་གྱི་མཐོ་སློབ་སློབ་ཐོན་སློབ་མ་བཅས་རེད། སློབ་ཐོན་སློབ་མས“བོད་ཀྱི་མཐོ་སློབ་སློབ་ཐོན་སློབ་མའི་ལས་ཞུགས”ཀྱི་སྐད་འཕྲིན་ཞབས་ཞུའི་ཨང་གྲངས་ནང་འཛུལ་བ་དང་། “ལས་སྒྲུབ་ཚོམས་ཆེན”ཞེས་པ་བསྣན་རྗེས“ཐེངས་གཅིག་རང་བཞིན་གྱི་ལས་འཚོལ་ཁ་གསབ་རོགས་དངུལ་རེ་ཞུའི”ནང་འཛུལ་བ་ནས་ཐེངས་གཅིག་རང་བཞིན་གྱི་ལས་འཚོལ་ཁ་གསབ་རོགས་དངུལ་རེ་ཞུ་བྱེད་ཆོག
བཞི། མི་སྤྱོད་ཚན་པས་ཁ་གསབ་རོགས་དངུལ་རེ་ཞུ་བྱེད་པར་སྟབས་བདེ་ཡོང་ཆེད། སྤྱི་ཚོགས་འགན་བཅོལ་གྱི་སྒྲུབ་གཉེར་དབང་ཚད་གཞིར་བཟུང་། ཆ་རྐྱེན་དང་མཐུན་པའི་ལྗོངས་ནང་ཁུལ་གྱི་མི་སྤྱོད་ཚན་པ་ཁག་གིས་བོད་ལྗོངས་ཀྱི་མཐོ་སློབ་སློབ་ཐོན་སློབ་མ་ལས་ཞུགས་བསྡུ་ལེན་བྱས་རྗེས། ལྗོངས་ནང་ཁུལ་གྱི་གཞུང་ཁོངས་ཁེ་ལས་དང་དམངས་གཉེར་ཁེ་ལས་ཀྱིས་སྤྱི་ཚོགས་འགན་བཅོལ་འཇལ་ཡུལ་གྱི་ས་ཁུལ་དང་གྲོང་ཁྱེར་གྱི་མི་སྤྱི་སྡེ་ཚན་ལ་རེ་ཞུ་བྱེད་ཆོག་པ་དང་། བོད་སྡོད་ཀྲུང་དབྱང་ཁེ་ལས་ཀྱིས་ཐོ་འགོད་བྱེད་སའི་ས་ཁུལ་གྱི་མི་སྤྱི་སྡེ་ཚན་ལ་རེ་ཞུ་བྱེད་ཆོག
རིམ་ཁག་མི་སྤྱི་སྡེ་ཚན་གྱིས་རེ་ཞུའི་ལས་སྟེགས་བརྒྱུད། མི་སྤྱོད་ཚན་པ་ཁག་དང་མཐོ་སློབ་སློབ་ཐོན་སློབ་མའི་རེ་ཞུའི་དཔྱད་ཡིག་ལ་ཞིབ་བཤེར་བྱེད་པ་དང་། ཞིབ་བཤེར་གྱི་ཚད་གཞི་ལོན་རྗེས་མི་སྤྱོད་ཚན་པ་དང་མཐོ་སློབ་སློབ་ཐོན་སློབ་མས་ངེས་པར་དུ་ཤོག་ཐོག་དཔྱད་ཡིག་རྣམས་འབྲེལ་ཡོད་མི་སྤྱི་སྡེ་ཚན་ལ་ཕུལ་ནས་ཐོ་འགོད་བྱེད་དགོས།
ལྷ་ས་གྲོང་ཁྱེར་གྱི་བློ་འདྲིའི་ཁ་པར་ཨང་གྲངས། 0891- 6344490
གཞིས་རྩེ་གྲོང་ཁྱེར་གྱི་བློ་འདྲིའི་ཁ་པར་ཨང་གྲངས། 0892- 8835301
ལྷོ་ཁ་གྲོང་ཁྱེར་གྱི་བློ་འདྲིའི་ཁ་པར་ཨང་གྲངས། 0893-7832228
ཉིང་ཁྲི་གྲོང་ཁྱེར་གྱི་བློ་འདྲིའི་ཁ་པར་ཨང་གྲངས། 0894- 5832355
ཆབ་མདོ་གྲོང་ཁྱེར་གྱི་བློ་འདྲིའི་ཁ་པར་ཨང་གྲངས། 0895-4830158
ནག་ཆུ་གྲོང་ཁྱེར་གྱི་བློ་འདྲིའི་ཁ་པར་།ཨང་གྲངས། 0896 - 3822075
མངའ་རིས་ས་ཁུལ་གྱི་བློ་འདྲིའི་ཁ་པར་ཨང་གྲངས། 0897- 2824171
རང་སྐྱོང་ལྗོངས་ཀྱི་བློ་འདྲིའི་ཁ་པར་ཨང་གྲངས། 0891- 6339878 དང 6867389
དྲ་ཚིགས་ལག་རྩལ་གྱི་ཞབས་ཞུའི་ཁ་པར་ཨང་གྲངས། 0891- 6320775
རྩོམ་སྒྲིག་པ།སྣང་རྡོར།
