——བོད་ལྗོངས་གོང་དཀར་རྫོང་ཁྱིམ་བཞི་ཞང་གིས“གསར་བརྗེའི་འཕྲིན་ཡིག་མཉམ་གཅིག་ཏུ་ཀློག་འདོན་བྱེད”ཅེས་པའི་བྱེད་སྒོ་སྤེལ་བ།
ཀྲུང་གོའི་བོད་ལྗོངས་དྲ་བའི་འཕྲིན། ཉེ་ཆར། བོད་ལྗོངས་ལྷོ་ཁ་གྲོང་ཁྱེར་གོང་དཀར་རྫོང་ཁྱིམ་བཞི་ཞང་དུས་རབས་གསར་པའི་ཤེས་དཔལ་ལག་བསྟར་སུའོ(ས་ཚིགས)ཡིས་དང་བླངས་པའི་སྒྲོག་འགྲེལ་རུ་དཔུང་གི་ནུས་པ་གང་ལེགས་སྒོས་འདོན་སྤེལ་བྱས་ཏེ། “གསར་བརྗེའི་འཕྲིན་ཡིག་མཉམ་གཅིག་ཏུ་ཀློག་འདོན་བྱེད”པའི་མུ་འབྲེལ་བྱེད་སྒོ་སྤེལ་ནས་ཏང་གི་ལོ་རྒྱུས་སློབ་སྦྱོང་དང་སློབ་གསོ་དང་། ཏང་གི་གསར་གཏོད་ཀྱི་གཞུང་ལུགས་མང་ཚོགས་ཀྱི་ཁྱིམ་དུ་ཟབ་ཞུགས་བྱེད་དུ་བཅུག་པ་རེད།
དང་བླངས་པས་མང་ཚོགས་ཀྱི་ཁྱིམ་དུ《གསར་བརྗེའི་འཕྲིན་ཡིག》སྒྲོག་འགྲེལ་བྱེད་བཞིན་པ།
“གསར་བརྗེའི་འཕྲིན་ཡིག”གི་གཙོ་གནད་འབུར་ཐོན་ཡིན་ཞིང་། བརྗོད་དོན་ཁ་གསལ་ཞིང་གོ་བདེ་བ་དང་མདོར་བསྡུས་ཡིན་པ་གཞི་རྩ་བྱས་ཏེ། རྒྱ་བོད་སྐད་རིགས་གཉིས་ཀྱི་རྣམ་པས་ཞང་ཡོངས་ཀྱི་ཏང་ཡོན་ལས་བྱེད་པ་དང་ཞིང་པའི་དུད་ཁྱིམ་ལ་བྲིས་པའི་ཡི་གེ་ཞིག་ཡིན་ཞིང་། དེ་ནི་དུས་རབས་གསར་པའི་ཤེས་དཔལ་ལག་བསྟར་སུའོ(ས་ཚིགས)ཡི་དང་བླངས་པས་བརྒྱུད་སྤྲོད་བྱེད་པར་མ་ཟད། མང་ཚོགས་ཀྱི་ཐོན་སྐྱེད་འཚོ་བའི་དངོས་ཡོད་དང་ཉེ་བར་བཅར་ནས་གདོང་གཏད་ཀྱིས་འགྲེལ་བརྗོད་བྱེད་པ་ཞིག་ཡིན།
“གསར་བརྗེའི་འཕྲིན་ཡིག”ཨང་དང་པོ་ཡིས་གཙོ་བོ་ཚང་མར་ཏང་གི་ལོ་རྒྱུས་སློབ་སྦྱོང་དང་སློབ་གསོ་བྱེད་དགོས་པའི་གལ་ཆེའི་དོན་སྙིང་དང་། དམིགས་འབེན་གྱི་བླང་བྱ། སློབ་སྦྱོང་གི་ནང་དོན་དང་། “ཡར་ལོངས་ལྔའི”བྱེད་སྒོའི་འབྲེལ་ཡོད་ནང་དོན་ལ་རྒྱུས་ལོན་བྱེད་དུ་འཇུག་པ་ཡིན། “གསར་བརྗེའི་འཕྲིན་ཡིག”ཨང་གཉིས་པས“‘གྲུ་གཟིངས་དམར་པོའི་སྙིང་སྟོབས’དང་། གསར་བརྗེའི་གཞི་རྒྱུ་རྒྱུད་འཛིན”བྱེད་པ་བརྗོད་གཞི་བྱས་ཏེ། “ཏང་ཆེན་པོ་གཅིག་དང་གྲུ་གཟིངས་ཤིག་གི”གཏམ་རྒྱུད་བརྗོད་ནས་ཚང་མར་འཇིག་རྟེན་གསར་སྐྲུན་དང་། སྒྲུབ་ཕོད་པའི་གསར་གཏོད་ཀྱི་སྙིང་སྟོབས་ལ་གོ་བ་གཏིང་ཟབ་ལོན་པར་བྱས་ཏེ། ཕུགས་བསམ་བརྟན་པོ་དང་འབད་བརྩོན་གྱི་སྙིང་སྟོབས་བརྗོད་ནས་སྤྱི་དོན་དུ་ཏང་འཛུགས་པ་དང་། མི་དམངས་ཀྱི་ཆེད་དུ་བློ་སེམས་དཀར་པོའི་སྙིང་སྟོབས་བརྗོད་པ་རེད།
དང་བླངས་པས་ཞིང་ཁའི་བར་དུ་མང་ཚོགས་ལ《གསར་བརྗེའི་འཕྲིན་ཡིག》སྒྲོག་འགྲེལ་བྱེད་བཞིན་པ།
མཚམས་སྦྱོར་བྱས་པ་ལྟར་ན། “གསར་བརྗེའི་འཕྲིན་ཡིག་མཉམ་གཅིག་ཏུ་ཀློག་འདོན་བྱེད་པའི”མུ་འབྲེལ་བྱེད་སྒོ་བསྟུད་མར་སྤེལ་བ་ནི། གཙོ་བོ་འཕྲིན་ཡིག་རེ་རེ་བརྒྱུད་ནས་ཏང་ཡོན་ལས་བྱེད་མང་ཚོགས་དང་། གྲྭ་བཙུན། ལོ་ཆུང་གཞོན་ནུ་དང་སློབ་མར་ཏང་གི་ལོ་རྒྱུས་སློབ་སྦྱོང་དང་། ཏང་གི་ལོ་རྒྱུས་ཤེས་རྟོགས་བྱ་བར་སློབ་གསོའི་སྣེ་སྟོན་བྱས་ཏེ། ཏང་གི་འབད་བརྩོན་གྱི་བརྒྱུད་རིམ་ཡིད་ལ་དམ་པོར་བཟུང་ནས་ལས་དོན་སྒྲུབ་པའི་སྤྲོ་སེམས་དང་ངར་ཤུགས་སྐུལ་སློང་བྱས་ཏེ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བཙུགས་ནས་བློ་བརྟན་འགྱུར་མེད་སྒོས་ཏང་གི་བཀའ་དྲིན་ཚོར་བ་དང་། ཏང་གི་གསུང་ལ་ཉན་པ། ཏང་གི་རྗེས་སུ་འབྲངས་པའི་བློ་སེམས་སྔར་བས་བརྟན་པོར་བཏང་བ་རེད།
མིག་སྔའི་བར། “གསར་བརྗེའི་འཕྲིན་ཡིག”གཉིས་བསྐུར་ཞིང་། བསྡོམས་པས་འཕྲིན་ཡིག1328ཡོད་པ་དང་། ཕན་ཐོབ་པའི་མི་གྲངས་2392ལྷག་ཡོད་པ་རེད།