ཀྲུང་གོའི་བོད་ལྗོངས་དྲ་བ། > མདུན་ཤོག > གསར་འགྱུར་མེ་ལོང་།

མཐོ་རྒྱུགས་ཀྱི་སྐར་གྲངས་ཉིན་འདིར་ཁྱབ་བསྒྲགས་བྱ་འཆར་འདུག

སྤེལ་དུས 2021-06-11 ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་པ་པོ།

ཀྲུང་གོའི་བོད་ལྗོངས་དྲ་བའི་འཕྲིན། བོད་ལྗོངས་ན་གཞོན་（西藏微青年）ཞེས་པའི་སྐད་འཕྲིན་སྤྱི་སྟེགས་སུ་ཁྱབ་བསྒྲགས་བྱས་པའི་གནས་ཚུལ་གསར་པར་གཞིགས་ན། སྤྱི་ཟླ6པའི་ཚེས10ཉིན་ནས་བཟུང་། བོད་རང་སྐྱོང་ལྗོངས་ཀྱིས་དྲ་ཐོག་ནས་མཐོ་རྒྱུགས་ཀྱི་རྒྱུགས་ཤོག་ལྟ་བའི་ལས་དོན་སྤེལ་རྒྱུ་ཡིན་པ་དང་། སྤྱི་ཟླ6པའི་ཚེས25ཉིན་རྒྱུགས་འབྲས་དང་སློབ་བསྡུའི་མ་མཐའི་སྐར་གྲངས་ཁྱབ་བསྒྲགས་བྱ་འཆར་ཡིན་ཞིང་། རྒྱུགས་སྤྲོད་སློབ་མ་ཚོར་མཐོ་རྒྱུགས་ཀྱི་རྒྱུགས་འབྲས་འཚོལ་བཤེར་བྱེད་པའི་བརྒྱུད་ལམ་སྒོ་འབྱེད་རྒྱུ་རེད།

སྐབས་དེར། རྒྱུགས་སྤྲོད་སློབ་མས་མཐོ་རྒྱུགས་ཀྱི་རྒྱུགས་འབྲས་འཚོལ་བཤེར་བྱས་ཆོག འཚོལ་བཤེར་གྱི་ཞིབ་ཕྲའི་ཐབས་ལམ་བརྡ་ཐོ་གཞན་པ་ནས་ཁྱབ་བསྒྲགས་བྱ་རྒྱུ་ཡིན་ལ། རྒྱུགས་སྤྲོད་སློབ་མས་བོད་རང་སྐྱོང་ལྗོངས་སློབ་གསོའི་རྒྱུགས་ལེན་ཁང་གི་གཞུང་ཕྱོགས་དྲ་བ（http://zsks. edu. xizang. gov. cn/）དང“བོད་ལྗོངས་ན་གཞོན་（西藏微青年）”གྱི་སྐད་འཕྲིན་སྤྱི་སྟེགས་སུ་ཁྱབ་བསྒྲགས་བྱེད་པའི་གནས་ཚུལ་ལ་དོ་ཁུར་བྱས་ཏེ་གནས་ཚུལ་གསར་ཤོས་རྒྱུས་ལོན་བྱས་ཆོག

རྩོམ་སྒྲིག་པ། རིག་གྲོལ།