ནག་ཆུའི་དཔལ་འབྱོར་དང་སྤྱི་ཚོགས་འཕེལ་རྒྱས་སྐོར་གྱི་གཏམ་བཟང་།
སྤེལ་དུས 2024-08-20
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
ཟླ8པའི་ཚེས9ཉིན། ནག་ཆུའི་འཆར་ཅན་རྟ་རྒྱུག་འགྲན་བསྡུར་དུས་ཆེན་ཐོག་ཏུ་ཚོང་འགུགས་མ་འདྲེན་གྱི་འོས་སྦྱོར་ཚོགས་འདུ་དང་རྣམ་གྲངས་གཅིག་སྡུད་གན་རྒྱ་འཇོག་པའི་མཛད་སྒོ་ལེགས་གྲུབ་ལྡན་པའི་ངང་འཚོགས་ཤིང་། ནག་ཆུ་གྲོང་ཁྱེར་གྱི་ཁྱད་དུ་འཕགས་པའི་མ་འཇོག་ཁོར་ཡུག་དང་དེ་བཞིན་ཕུན་སུམ་ཚོགས་པའི་གཏིང་ཤུགས་རྣམ་གྲངས་ཀྱི་ཐོན་ཁུངས་ཁྱོན་ཡོངས་ནས་མངོན་པར་བྱས་པར། མ་འཇོག་མཁན་མང་པོའི་དོ་ཁུར་དང་དགའ་བསུ་ཐོབ་ནས་ནག་ཆུའི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྒུལ་ཤུགས་ཆེན་པོ་བསྣན་ཡོད།
བྱེད་སྒོའི་ཡུལ་དངོས་སུ་སྐུ་མགྲོན་མང་པོ་ཡོད་ཅིང་། ལྗོངས་ཕྱི་ནང་ནས་ཡོང་བའི་ཁེ་ལས70ལྷག་ཙམ་དང་ཁེ་ལས་མཁས་ཅན་གྱི་འཐུས་མི150ལྷག་མཉམ་དུ་འཛོམས་པ་རེད། གན་འཇོག་མཛད་སྒོའི་ཐོག་ཚོང་འགུགས་མ་འདྲེན་གྱི་དྲིལ་བསྒྲགས་པར་གཞི་ལས་ནག་ཆུའི་ཐུན་མོང་མ་ཡིན་པའི་ཉམས་འགྱུར་ཕྱོགས་ཡོངས་ནས་མངོན་པ་རེད། ཐུན་མོང་མ་ཡིན་པའི་ས་ཁམས་ཀྱི་གནས་བབ་ནས་ཕུན་སུམ་ཚོགས་པའི་ཐོན་ཁུངས་ཀྱི་དགེ་མཚན་བར་དང་། ཏན་ཏིག་དང་འཐུས་སྒོ་ཚང་བའི་རྨང་གཞིའི་སྒྲིག་བཀོད་ནས་ལས་ཆོད་ཆེ་ཞིང་སྙིང་ཉེ་བའི་སྲིད་དོན་ཞབས་ཞུའི་བར་གྱི་ཞིབ་ཕྲའི་ཆ་ཚང་པས་དེ་གར་ཡོད་པའི་སྐུ་མགྲོན་རྣམས་ཀྱིས་ནག་ཆུ་གྲོང་ཁྱེར་འཛོམས་པའི་ཚོང་ལས་གོ་སྐབས་དང་གཏིང་ཤུགས་དེ་འཛད་མེད་ཚོར།
གཅིག་སྡུད་གན་རྒྱ་འཇོག་པའི་གོ་རིམ་ཁྲོད། རྫོང（ཆུས）ཁག་དང་གྲོང་ཁྱེར་ཟོག་འགྲེམས་ཅུས་ཀྱི་འཐུས་མིས་འོས་སྦྱོར་བྱས་པ་བརྒྱུད། ཡུལ་དངོས་སུ་རྣམ་གྲངས14ལ་མ་འཇོག་གྲོས་མཐུན་བཞག་པ་དང་། གྲོས་མཐུན་གྱི་མ་དངུལ་བསྡོམས་འབོར་སྒོར་དུང་ཕྱུར80.33ཟིན། རྣམ་གྲངས་དེ་དག་ནང་གཏེར་ལས་དང་། ནུས་རྒྱུ་གཙང་མ། ཞབས་ཞུའི་ལས་རིགས། ཞིང་འབྲོག་ཐོན་རྫས་ཐོན་སྐྱེད་ལས་སྣོན། དབྱར་རྩྭ་དགུན་འབུ་ཉོ་ཚོང་དང་དེ་བཞིན་ལྗང་མདོག་བཟོ་ལས་སོགས་ཚུད་ཡོད་པ་རེད།
གན་འཇོག་ཁེ་ལས་ཀྱི་འཐུས་མིས། ནག་ཆུ་འདེམས་དོན་ནི་གྲོང་ཁྱེར་འདིའི་སྒོ་དབྱེ་དང་བསྟུན་མཁས་ཀྱི་ཚོང་གཉེར་ཁོར་ཡུག་གིས་ཡིད་དབང་འཕྲོག་པས་ཡིན་ལ། གྲོང་ཁྱེར་འདིའི་འབྱུང་འགྱུར་འཕེལ་རྒྱས་ལ་ལྟ་སྟངས་ཡག་པོ་དང་བརྟན་པོ་འཛིན་པས་དེ་བས་ཀྱང་ཡིན། ང་ཚོས་འདི་གར་མ་འཇོག་ལས་དར་བྱས་ཚེ་གཡུར་དུ་ཟ་བའི་གྲུབ་འབྲས་ཐོབ་པར་ཡིད་ཆེས་བྱེད་ཀྱི་ཡོད་ཅེས་བཤད་པ་རེད།
རྩོམ་སྒྲིག་པ། དཔལ་གཡང་།
