བོད་ལྗོངས་ཀྱི་དུད་ཚང་ཁྲི13.38ལ་གློག་སྒྱུར་གཏོང་བྱས་པ།
སྤེལ་དུས 2024-11-04
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
ཟླ10པའི་ཚེས31ཉིན་བོད་རང་སྐྱོང་ལྗོངས་གཞུང་ཕྱོགས་ཀྱིས་གསར་འགྱུར་ཡོངས་བསྒྲགས་ཚོགས་འདུ་འཚོགས་ནས་ངོ་སྤྲོད་བྱས་པར་གཞིགས་ན། 2020ལོ་ཚུན། རྒྱལ་ཁབ་གློག་དྲ་བོད་ལྗོངས་གློག་ཤུགས་ཚད་ཡོད་ཀུང་སིས་སྲིད་གཞུང་སྡེ་ཚན་ལ་རྒྱུན་མཐུད་གཞོགས་འདེགས་བྱས་ཏེ། གློག་སྒྱུར་གཏོང་གི་ཚད་ལྡན་བཅོས་སྐྱོང་བྱས་པར་མ་དངུལ་སྒོར་དུང་ཕྱུར4.51（གཤམ་གསལ་ཚང་མ་མི་དམངས་ཤོག་སྒོར་ཡིན）བཏང་ནས། རིམ་རྩིས་བྱས་ན་བོད་ལྗོངས་ཡོངས་ཀྱི་གློག་སྤྱོད་མཁན་དུད་ཚང་ཁྲི13.38ལ་གློག་སྒྱུར་གཏོང་བྱས་ཏེ་གློག་རིན་བཅག་པ་དེས་མི་ཁྲི40ལྷག་ཙམ་ལ་ཕན་པ་ཐོབ་ཡོད།
2023ལོའི་ཟླ11པའི་ཚེས30ཉིན་བོད་ལྗོངས་སོག་རྫོང་གི་ཆན་ཧྥུའུ35ཡི་སྐུད་ལམ་ལས་གྲྭའི་གློག་སྡོང་ཐོག་ཨར་སྐྲུན་པས་ལས་ཀ་བྱེད་བཞིན་པ།
རྒྱལ་ཁབ་གློག་དྲ་བོད་ལྗོངས་གློག་ཤུགས་ཚད་ཡོད་ཀུང་སིའི་ཁྲོམ་རའི་ཚོང་གཉེར་པུའི་ཀྲུའུ་རེན་གཞོན་པ་ཀུན་དགའ་ཡིས། གློག་སྒྱུར་གཏོང་གི་ལས་དོན་ཐད་ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་གདོང་དཀར་ཚོགས་ཆུང་གསུམ་པ་དང་། བཞི་པ། ལྔ་པ་བཅས་ཀྱི་ཚོང་ལས་དང་དེ་བཞིན་གྲོང་མིའི་གློག་རིན་གྱི་འགྱུར་ལྡོག་ལ་དཔེ་བཞག་ནས། གློག་སྒྱུར་གཏོང་བྱས་པ་བརྒྱུད་དེའི་ཚོང་ལས་ཀྱི་གློག་རིན་མཐོ་ཤོས་ཆན་ཝ་ཆུ་ཚོད་རེར་སྒོར1.5ནས་ཆན་ཝ་ཆུ་ཚོད་རེར་སྒོར0.75བར་ཆག་པ་དང་། གྲོང་མིའི་གློག་རིན་མཐོ་ཤོས་དེ་ཆན་ཝ་ཆུ་ཚོད་རེར་སྒོར1ནས་ཆན་ཝ་ཆུ་ཚོད་རེར་སྒོར0.49བར་ཆག་ཡོད་ཅེས་བཤད།
ཀུན་དགའ་ཡིས་ངོ་སྤྲོད་བྱས་པར་གཞིགས་ན། རྒྱལ་ཁབ་གློག་དྲ་བོད་ལྗོངས་གློག་ཤུགས་ཚད་ཡོད་ཀུང་སིས་གློག་མཁོ་འདོན་གྱི་སྤུས་ཚད་མཐོ་རུ་གཏོང་རྒྱུར་དམིགས་ནས། ཐབས་མང་མཉམ་སྤྱོད་ཀྱིས་དོ་དམ་ལ་ཤུགས་སྣོན་རྒྱག་པ་དང་གློག་ཆད་མང་བའི་སྣང་ཚུལ་བཅོས་སྒྲིག་ཤུགས་ཆེན་བྱས་ཤིང་། མ་དངུལ་སྒོར་དུང་ཕྱུར4.8བཏང་ནས་སྐུད་ལམ་སྒྱུར་བཀོད་དང་། མཉམ་འདྲེས་གཅུས་བུར་ཐེངས་གཅིག་གཉིས་བསྒར་བ། ལྗིད་ཐེག་བཅོས་སྒྲིག རང་འགུལ་གློག་སྡེབ་ཀྱི་ཆེད་དོན་རིམ་སྤོར་སོགས་ཀྱི་བྱ་ཐབས་བརྒྱུད། གློག་སྡེབ་དྲ་བའི་ཆད་སྐྱོན་ཞིབ་གཅོད་དང་ལོགས་དབྱེ་ཡང་དག་བྱས་ཏེ། སྐུད་ལམ75ཡི་གློག་ཆད་མང་བའི་གནད་དོན་དང་ཁུལ24ཡི་ལྗིད་ཐེག་གནད་དོན་རྦད་དེ་ཐག་གཅོད་བྱས་པས། དམའ་གནོན་སྤྱོད་མཁན་དུད་ཚང་ཁྲི5.67དང་ཆེད་སྒྱུར་སྤྱོད་མཁན་དུད་ཚང717ལ་ཕན་པ་ཐོབ་པ་དང་། གློག་ཆད་པའི་ཁྱབ་ཁོངས་ཉུང་དུ་ཕྱིན་པ། གློག་ཆད་ཡུན་ཐུང་དུ་ཕྱིན་པ་བཅས་རེད། དྲ་སྦྱོར་འཁོར་སྐྱོད་ཞུ་གཏུག་ལས་དོན་པས་བསྡུར་གྲངས་མཐོ་བའི་དཔེ་མཚོན་ལམ་ཐིག་དུས་བཀག་བཞིན་བརྡ་ཁྱབ་བཏང་ནས་དབྱེ་ཞིབ་དང་བརྡར་གཅོད་ལ་ཤུགས་སྣོན་རྒྱག་སྟེ། ཆན་ཧྥུའུ10ཡི་གློག་ཆད་མང་བའི་སྐུད་ལམ་གྱི་གསལ་ཐོ་སྟབས་བསྟུན་གསར་བརྗེས་བྱེད་པ་དང་འབྲེལ་རྒྱུན་རྣམ་ཅན་གྱི་བཅོས་སྒྲིག་བྱ་རྒྱུ། དྲ་སྦྱོར་བཀོལ་སྤྱོད་བདག་སྐྱོང་ལ་མུ་མཐུད་ཤུགས་སྣོན་བརྒྱབ་ནས་ཆན་ཧྥུའུ10ཡི་སྐུད་ལམ་བཀོལ་སྤྱོད་བདག་སྐྱོང་གི་སྐོར་ཞིབ་དང་ཞན་ཆ་བཅོས་སྒྲིག་གི་ལས་དོན་རྒྱུན་རྣམ་ཅན་གྱི་སྒོ་ནས་སྤེལ་ཏེ། གློག་སྤྱོད་མཁན་ལ་གློག་མི་ཆད་པར་ལས་སྒྲུབ་ཐེངས1725བྱ་རྒྱུ་ཁྱབ་གདལ་བཏང་ཡོད།
ཡོངས་བསྒྲགས་ཚོགས་འདུའི་ཐོག ད་དུང་རྒྱལ་ཁབ་གློག་དྲ་བོད་ལྗོངས་གློག་ཤུགས་ཚད་ཡོད་ཀུང་སིས་བོད་ལྗོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་སྤྱི་ཡོངས་ལ་ཞབས་འདེགས་ཞུ་རྒྱུར་དམིགས་ནས། གནས་འཕྲོད་ལས་འཚམ་མཛེས་མཐུན་གསུམ་ལྡན་གྱི་གྲོང་གསེབ་འཛུགས་སྐྲུན་བྱ་རྒྱུར་རམ་འདེགས་བྱས་པ་སྟེ།“ཤར་གཏོང་བགྲོད་ལམ”བཏོད་པ་དང་འབྲེལ་གཡག་ཡེ་མྱུར་བགྲོད་གཞུང་ལམ་གྱི་ལྷ་སའི་ལམ་དུམ་དང་། རྒྱལ་ལམ318ཀྱི་གློག་གསོག་སྒྲིག་བཀོད། ས་བབ་མཐོ་བའི་སློབ་གྲྭའི་དྲོད་རླངས་མཁོ་འདོན་རྣམ་གྲངས། བོད་ལྗོངས་འགྲེམས་ཚོགས་ཀྱི་གན་འཇོག་རྣམ་གྲངས་སོགས་ཀྱི་གློག་སྤྱོད་མཁན་ཚོ་དང་འབྲེལ་མཐུད་བྱས་ཏེ། རྣམ་གྲངས་ཀྱི་གློག་མཐུད་ལས་དོན་ལ་སྐུལ་འདེད་མགྱོགས་པོ་གཏོང་བ་དང་། གྲོང་གསེབ་ཀྱི་གློག་དྲ་བརྟན་གཏོང་མཐོར་གཏོང་ལས་གྲྭ་ཁག44ཡི་འཛུགས་སྐྲུན་ལ་གོ་རིམ་ལྡན་པའི་ངང་སྐུལ་འདེད་གཏོང་བ། ཞིང་དུས་གློག་སྤྱོད་ཞབས་ཞུ་གནད་སྨིན་མཁོ་འདོན་བཅས་བྱས་ནས། ད་ལོ་ཚུན་དུ་རིམ་རྩིས་བྱས་ན་དཔྱིད་རྨོད་དཔྱིད་འདྲེན་དང་། འཕྲུལ་ཁྲོན་གློག་སྤྱོད། སྟོན་འབྲུ་སྟོན་བསྡུ་སོགས་ཞིང་དུས་གློག་གཏོང་འགན་ལེན་ལས་དོན་ཐེངས3600ལྷག་ཙམ་ལེགས་སྒྲུབ་བྱས་ཡོད་ཅེས་ངོ་སྤྲོད་བྱས།
