ཀྲུང་གོའི་མཐའ་ཁུལ་རིག་པ་དང་མཚོ་བོད་མཐོ་སྒང་ས་ཁོངས་སྤྱི་ཚོགས་འཕེལ་རྒྱས་གླེང་སྟེགས་སྐབས་དང་པོ་ཀྲེ་ཅང་ཅིན་ཧྭ་རུ་འཚོགས་པ།
སྤེལ་དུས 2024-11-25
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
ཀྲུང་གོའི་བོད་ལྗོངས་དྲ་བའི་འཕྲིན། ཟླ11པའི་ཚེས23ཉིན། ཀྲུང་གོའི་མཐའ་ཁུལ་རིག་པ་དང་མཚོ་བོད་མཐོ་སྒང་ས་ཁོངས་སྤྱི་ཚོགས་འཕེལ་རྒྱས་གླེང་སྟེགས་སྐབས་དང་པོ་ཀྲེ་ཅང་ཅིན་ཧྭ་རུ་འཚོགས། རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་གི་དེ་སྔའི་ཀྲུའུ་རེན་གཞོན་པ། རྒྱལ་ཡོངས་མི་དམངས་འཐུས་ཚོགས་མི་རིགས་ཨུ་ཡོན་ལྷན་ཁང་གི་དེ་སྔའི་ཀྲུའུ་རེན་གཞོན་པ། ཀྲུང་དབྱང་མི་རིགས་སློབ་གྲྭ་ཆེན་མོའི་དགེ་རྒན་ཆེན་མོ་དོན་གྲུབ་དབང་འབུམ་དང་། མཚོ་སྔོན་ཞིང་ཆེན་མི་རིགས་སློབ་གྲྭ་ཆེན་མོའི་ཏང་ཨུའི་ཧྲུའུ་ཅི་ཧོང་ཧྲི། མཚོ་སྔོན་ཞིང་ཆེན་སྤྱི་ཚོགས་ཚན་རིག་ཁང་གི་ཏང་ཙུའི་ཧྲུའུ་ཅི་དང་ཡོན་ཀྲང་། དགེ་རྒན་ཆེན་མོ་བསོད་དོན་གྲུབ། ཀྲེ་ཅང་དགེ་འོས་སློབ་གྲྭ་ཆེན་མོའི་ཏང་ཨུད་ཧྲུའུ་ཅི་གཞོན་པ་ལུའེ་ཡུས་ཁྲུན་སོགས་འགོ་ཚུགས་མཛད་སྒོར་ཕེབས་པ་དང་འབྲེལ་ཤིས་ཚིག་ཀྱང་གནང་།
རྒྱལ་ཡོངས་མི་དམངས་འཐུས་ཚོགས་མི་རིགས་ཨུ་ཡོན་ལྷན་ཁང་གི་དེ་སྔའི་ཀྲུའུ་རེན་གཞོན་པ། ཀྲུང་དབྱང་མི་རིགས་སློབ་གྲྭ་ཆེན་མོའི་དགེ་རྒན་ཆེན་མོ་དོན་གྲུབ་དབང་འབུམ་གྱིས་གཏམ་བཤད་སྤེལ་བཞིན་པ།
ཐེངས་འདིའི་གླེང་སྟེགས་ནི་ཀྲེ་ཅང་དགེ་འོས་སློབ་ཆེན་གྱིས་གཙོ་གཉེར་གནང་ཞིང་། ཀྲེ་ཅང་དགེ་འོས་སློབ་ཆེན་གྱི་མཐའ་མཚམས་ཞིབ་འཇུག་གླིང་། ཀྲེ་ཅང་དགེ་འོས་སློབ་ཆེན་རྒྱལ་ཁབ་མི་རིགས་དོན་གཅོད་ཨུ་ཡོན་ལྷན་ཁང་གི་ཐུན་མོང་ཚོགས་པའི་ལས་ཁུངས་དང་། ཞ་མོན་སློབ་ཆེན་གྱི་མིའི་རིགས་རིག་པའི་ཞིབ་འཇུག་ལྟེ་གནས། མཚོ་སྔོན་མི་རིགས་སློབ་ཆེན་གྱི་བོད་རིག་པའི་སློབ་གླིང་བཅས་ཀྱིས་སྒྲུབ་འགན་འཁུར་ཞིང་། ཐའེ་ཝན་ཀྲུང་ཧྭ་ཚན་རྩལ་སློབ་ཆེན་དང་། ཀྲུང་གོ་སྤྱི་ཚོགས་ཚན་རིག་ཁང་། ཆིན་ཧྭ་སློབ་ཆེན། ཀྲུང་ཧྲན་སློབ་ཆེན། མཚོ་སྔོན་མི་རིགས་སློབ་ཆེན། ཞ་མོན་སློབ་ཆེན། ཀྲེ་ཅང་དགེ་འོས་སློབ་ཆེན་སོགས་ཞིབ་འཇུག་ལས་ཁུངས་དང་སློབ་ཆེན50ཙམ་ནས་ཡོང་བའི་ཆེད་མཁས་པ་དང་ཞིབ་འཇུག་པ80ལྷག་ཐེངས་འདིའི་གླེང་སྟེགས་ལ་ཞུགས་ཡོད།
ཀྲུང་གོའི་མཐའ་ཁུལ་རིག་པ་དང་མཚོ་བོད་མཐོ་སྒང་ས་ཁོངས་སྤྱི་ཚོགས་འཕེལ་རྒྱས་གླེང་སྟེགས་ཀྱི་ཡུལ་དངོས།
འགོ་ཚིགས་མཛད་སྒོའི་རྗེས་སུ། གླེང་སྟེགས་ཐོག་ད་དུང་ཡན་ལག་གླེང་སྟེགས་གསུམ་སྟེ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་དང་། ཡིག་རིགས་སྣ་མང་གི་ཡིག་ཚང་དང་མཚོ་བོད་ལོ་རྒྱུས་རིག་གནས། མཚོ་བོད་ཀྱི་མི་རིགས་ཁག་སྤེལ་རེས་དང་འགྲོ་འོང་། མཉམ་འདྲེས་བཅས་ཕྱེ་ནས་ཕན་ཚུན་སྤེལ་རེས་བྱ་རྒྱུ་ཡིན་ཞིང་། ཞིབ་འཇུག་གི་མཐོང་རྒྱ་སྔར་ལས་ཇེ་ཆེར་དང་། ཀྲུང་གོའི་མཐའ་ཁུལ་རིག་པ་དང་མཚོ་བོད་མཐོ་སྒང་གི་ས་ཁོངས་སྤྱི་ཚོགས་འཕེལ་རྒྱས་ལ་གོ་བ་དེ་བས་གཏིང་ཟབ་ལེན་ཆེད། ཚོགས་འདུའི་སྐབས་སུ། གཙོ་གཉེར་སྡེ་ཁག་གིས་ཚོགས་ཞུགས་ཆེད་མཁས་པ་དང་མཁས་དབང་སྒྲིག་འཛུགས་བྱས་ནས་རིག་གཞུང་རྟོག་ཞིབ་བྱ་རྒྱུ་ཡིན།
ཀྲུང་གོའི་མཐའ་ཁུལ་རིག་པ་དང་མཚོ་བོད་མཐོ་སྒང་ས་ཁོངས་སྤྱི་ཚོགས་འཕེལ་རྒྱས་གླེང་སྟེགས་ཀྱི་ཚོགས་ཞུགས་མི་སྣའི་མཉམ་པར།
