ཀྲུང་གོའི་བོད་ལྗོངས་དྲ་བའི་འཕྲིན། ཟླ12པའི་ཚེས25ཉིན། 1225གཞུང་ལམ་རིག་གནས་དུས་ཆེན་སྐབས་དང་པོའི་བྱེད་སྒོ་སི་ཁྲོན་ཞིང་ཆེན་གཡག་རྔ་གྲོང་ཁྱེར་གྱི318རང་འཁོར་སྒར་ས་ཆེན་པོ་ནས་སྤེལ། ད་ལོ་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས“ལམ་གཉིས”སྙིང་སྟོབས་ཀྱི་མཆན་འགོད་གལ་ཆེན་བཏོན་གནང་ནས་ལོ10འཁོར་བའི་ལོ་ཡིན་ལ། ཁྲོན་བོད་དང་མཚོ་བོད་གཞུང་ལམ་བསྐྲུན་ནས་རླངས་འཁོར་ཤར་གཏོང་ཐུབ་ནས་ལོ70འཁོར་བའི་ལོ་ཡང་ཡིན། མཚམས་འདིར1225གཞུང་ལམ་རིག་གནས་དུས་ཆེན་སྐབས་དང་པོར2024ལོའི་གཞུང་ལམ་ཡུལ་སྐོར་ཚོགས་ཆེན་དང་། “ཚེ་འདིར་སྒེར་འཁོར་བཏང་ནས་སྐྱོད་དགོས་ངེས་ཀྱི་རྒྱལ་ལམ318འཀྱི་གཞུང་ལམ་ཡུལ་སྐོར་གྱིIPཡོངས་བསྒྲགས། རྒྱལ་དམངས་གཞུང་ལམG318བརྙན་རིས་ཀྱི་བརྗོད་དོན་གཙོ་བོའི་འགྲེམས་སྟོན། “‘ལམ་གཉིས’སྙིང་སྟོབས་དར་སྤེལ་ཏེ། རི་བོ་ཨེར་ལང་ཧྲན་སྒྲོལ་བའི”གཞུང་ལམIPགཏོད་པ་སོགས་ཀྱི་བྱེད་སྒོ་རབ་དང་རིམ་པ་སྤེལ་ནས་རྒྱལ་ལམ318ཀྱི་འཕེལ་རྒྱས་དང་འབྱུང་འགྱུར་ལ་ཐུན་མོང་ཐོག་དཔྱད་བསྡུར་བྱས་པ་རེད།
1225གཞུང་ལམ་རིག་གནས་དུས་ཆེན་སྐབས་དང་པོའི་བྱེད་སྒོའི་ཡུལ་དངོས།
ལེ་དབར་ཁྲི་ཡི་རྒྱལ་ལམ318དེ་ངོ་མཚར་ཆེ་བའི་འཕྲེད་ཐིག་བྱང་མའི་ཏུའུ30སྒྲོལ་ཞིང་། འབྲི་ཆུའི་རྒྱུད་དང་མཉམ་དུ་ལོ་ངོ་ལྔ་སྟོང་གི་ཀྲུང་ཧྭའི་ཤེས་རིག་མཉམ་འདྲེས་བྱས་པས《ཀྲུང་གོའི་རྒྱལ་ཁབ་ས་ཁམས》ཞེས་པའི་དུས་དེབ་ཀྱིས“ཀྲུང་གོ་བའི་མཛེས་ལྗོངས་ལམ་ཆེན”ལ་བདམས་ཡོད། ཟླ12པའི་ཚེས24ཉིན“འགྲོ་འོང་དང་སྤེལ་རེས། མཉམ་འདྲེས་བཅས”དམིགས་ཡུལ་དུ་བྱེད་པ་དང་། “ལམ་བུ་གཅིག་དང་། སེམས་པ་གཅིག ཐོན་ལས་དར་ཁུལ་གཅིག་བཅས”བརྗོད་དོན་གཙོ་བོར་བྱས་ཏེ། “ལམ་གཉིས”སྙིང་སྟོབས་དར་སྤེལ་གཏོང་བ་དང་མི་རིགས་མཐུན་སྒྲིལ་ལ་སྐུལ་འདེད་གཏོང་བའི་བཞུགས་མོལ་ཚོགས་འདུ་སི་ཁྲོན་གཡག་རྔ་རུ་འཚོགས་ཤིང་། 318མི་རིགས་མཐུན་སྒྲིལ་ཡར་ཐོན་གྱི་བར་ཁྱམས་མཉམ་སྐྲུན་དང་། 318ཀྱི་དལ་སྐྱོད་རིག་གནས་ལམ་ཐིག་མཉམ་སྐྲུན། རིག་གནས་དང་། འགྲིམ་འགྲུལ། ཡུལ་སྐོར། ཚོང་ལས་བཅས་ཀྱི་ཐོན་ལས་མནའ་འབྲེལ་མཉམ་སྐྲུན་བཅས་ཀྱི་སྐོར་བཏོན་ཡོད།
1225གཞུང་ལམ་རིག་གནས་དུས་ཆེན་སྐབས་དང་པོའི་བྱེད་སྒོའི་ཡུལ་དངོས།
གཡག་རྔ་གྲོང་ཁྱེར་དང་། དཀར་མཛེས་ཁུལ། ཆབ་མདོ་གྲོང་ཁྱེར། ཉིང་ཁྲི་གྲོང་ཁྱེར། ལྷ་ས་གྲོང་ཁྱེར། ལྷོ་ཁ་གྲོང་ཁྱེར་སོགས་རྒྱལ་ལམ318ལམ་རྒྱུད་ཀྱི་གྲོང་ཁྱེར་དང་ཁུལ་དག་མཉམ་དུ་འཛོམས་ནས། “‘ལམ་གཉིས’སྙིང་སྟོབས་ཀྱིས་ནུས་པ་བཏོན་ནས་མི་རིགས་མཐུན་སྒྲིལ་གྱི་དཔེ་སྟོན་བར་ཁྱམས་གཏོད་པའི”བརྗོད་དོན་གཙོ་བོར་དམིགས་ནས་སྤེལ་རེས་གཏམ་བཤད་བྱས་པ་དང་འབྲེལ། 《ཡུལ་ལྗོངས་མཛེས་ཤོས་ཀྱི་རྒྱལ་ལམ318གཡག་རྔ་ནས་ལྷ་སའི་བར་གྱི་རིག་གནས་དང་འགྲིམ་འགྲུལ་ཡུལ་སྐོར་ཚོང་ལས་བཅས་ཀྱི་ཐོན་ལས་མནའ་འབྲེལ་གྱི་གྲོས་འགོའི་ཡི་གེ》སྒྲོག་སྦྱངས་བྱས་པ་དང་། 《318མི་རིགས་མཐུན་སྒྲིལ་ཡར་ཐོན་མནའ་འབྲེལ་གྱི་གྲོས་མཐུན》ལ་མིང་རྟགས་བཀོད་པ་རེད།
1225གཞུང་ལམ་རིག་གནས་དུས་ཆེན་སྐབས་དང་པོའི་བྱེད་སྒོའི་ཡུལ་དངོས།
ཤེས་རྟོགས་བྱུང་པ་ལྟར་ན། རྗེས་ཀྱི་ཉིན་གཉིས་ནང་། 2024ལོའི་གཞུང་ལམ་ཡུལ་སྐོར་ཚོགས་ཆེན་གྱི་གླེང་སྟེགས་སོགས་བྱེད་སྒོ་རབ་དང་རིམ་པ་མུ་མཐུད་ནས་སྤེལ་རྒྱུ་ཡིན་ཞིང་། ཁམས་བོད་གཞུང་ལམ་གྱི་སྤྱི་ལེ་ཀླད་ཀོར་ས་དང་གཡག་རྔའི318རང་འཁོར་སྒར་ས་ཆེན་པོར་མཉམ་འཛོམས་བྱས་ཏེ། ཁྲོན་བོད་དཔལ་འབྱོར་མཉམ་ལས་དང་རིག་གནས་ཡུལ་སྐོར་ལས་སྟེགས་གཉིས་ཀའི་ལེའུ་གསར་པ་ཞིག་མཉམ་དུ་རྩོམ་རྒྱུ་རེད།
