འདུམ་སྒྲིག་བྱས་ནས་དམངས་སྡུག་སེལ། བཅོས་སྐྱོང་བརྩོན་ཞིང་འཆམ་མཐུན་སྐུལ།
སྤེལ་དུས 2020-04-09
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ། རྡོ་རྗེ་ཚེ་རིང་།
ཀྲུང་གོའི་བོད་ལྗོངས་དྲ་བའི་འཕྲིན། གཞི་རིམ་སྤྱི་ཚོགས་བཅོས་སྐྱོང་ལ་ཤུགས་རྒྱག་ཆེད་དང་། བདེ་འཇགས་དང་འཆམ་མཐུན་གྱི་སྤྱི་ཚོགས་ཁོར་ཡུག་ལེགས་པོ་ཞིག་བསྐྲུན་ཆེད། ཟླ3པའི་ཚེས16ནས་ཚེས20བར། ཐུན་ཏེ་རྫོང་ཁྲིམས་འཛིན་ཅུའུ་ཡིས་ཁོངས་གཏོགས་ས་ཁུལ་དག་ཏུ་འགལ་རྩོད་ལ་དབྱེ་ཞིབ་དང་ཞིབ་འཇུག་བྱེད་པའི་བྱ་བར་ཤུགས་བསྣན་ནས། སྤྱི་ཚོགས་ཀྱི་བརྟན་བརླིང་བདེ་འཇགས་ལ་རྐང་འཛུགས་པ་རྒྱུན་འཁྱོངས་ཏེ། བསམ་བློ་བཅིངས་འགྲོལ་དང་རིག་ལམ་གསར་འབྱེད་བྱས་ནས། རྣམ་པ་གསར་བའི་འོག་གི་འདུམ་སྒྲིག་གི་བྱེད་ཐབས་འཚོལ་སྙེག་དང་འགལ་བ་འདུམ་པར་བརྩོན་པ་ཧུར་ལེན་བྱས།
གཟའ་འཁོར་གཅིག་གི་ནང་དུ། ཐུན་ཏེ་རྫོང་ཁྲིམས་འཛིན་ཅུའུ་ཡིས་གཏན་འཇགས་ནི་འགན་འཁུར་དང་པོ་ཡིན་པའི་འདུ་ཤེས་བརྟན་བསྲུང་བྱས་ནས། འགལ་བའི་དབྱེ་ཞིབ་དང་སྔོན་འགོག་ལ་མཐོང་ཆེན། འགལ་བ་ཆུང་ས་ནས་འདུམ་པ་དང་། བདེ་སྲུང་བྱ་བ་གཙོ་གནད་དང་། གཙོ་གནད་བྱ་བ་ཐབས་མཁས། ཐབས་མཁས་ལས་ཀ་རྒྱུན་སྲོལ་དུ་གཏོང་བའི་བསམ་ཚུལ་ལྟར་ཏུ་རྫོང་ཡོངས་ནས་ཞིབ་བཤེར་ཆེན་པོ་དང་འདུམ་སྒྲིག་ཆེན་པོ་བྱས་ཏེ། གཉེན་དོན་འགལ་བ་དང་དམངས་ཁྲོད་བསྐྱི་དངུལ་གྱི་འགལ་བ། ཁྱིམ་མཚེས་གཡས་གཡོན་གྱི་འགལ་བ་སོགས་གྱོད་དོན6འདུམ་སྒྲིག་བྱས་ནས་ཡོངས་སུ་རྒྱལ་ཁ་ཐོབ།
འདུམ་སྒྲིག་དང་སློབ་གསོ་གཅིག་ཏུ་བསྲེ་ཞིང་། འདུམ་སྒྲིག་གི་གོ་རིམ་ཁྲོད་ནས་གྱོད་དོན་རེ་རེ་ནི་སློབ་གསོ་རེ་རེ་ཡིན་པའི་ནུས་པ་རྩལ་ཏུ་བཏོན་ནས། འདུམ་སྒྲིག་པས་སེམས་ཞིབ་མོས་མཛུབ་སྟོན་དང་སློབ་གསོ་བཏང་བ་བརྒྱུད་གྱོད་གཞི་ཡོད་ཚད་འབད་མེད་དུ་བསྡུམ་ཞིང་། དོ་བདག་ཕྱོགས་གཉིས་ཀྱིས་ཡིད་སེམས་སྤྲོ་བས་ཁེངས་ནས། ལག་པ་ལག་པར་འཇུས་ཏེ་འདུམ་སྒྲིག་གི་གྲུབ་འབྲས་མངོན་པར་བསྟད། དེ་ལྟར་འདུམ་སྒྲིག་གི་བྱ་བ་ལ་སྤྱི་ཚོགས་ཀྱི་ནུས་པ་དང་ཁྲིམས་ཀྱི་ནུས་པ་ལེགས་པོ་ཐོན་ཡོད།
རྩོམ་སྒྲིག་པ། རིག་གྲོལ།